عربيتى ابتدت تستهبل...ارجو النصيحة
عربيتى دايو لانوس 2 موديل 2007 عداد 77الف وشويه مش فاكر قد ايه.. ليها سنه ونص معايا زى الفل واول مشترتها غيرت طقم السيرفس وغيرت زيت بيزول فى توكيل ناشونال موتورز.بعد 5000 كيلو حطيت زيت شل الاصفر 5000xhpلان بيزول حسيته بينقص وعامل بالشل حوالى 3500 لحد دلوقت...المهم العربيه لما بتبق بارده الصبح بيبق صوتها عالى كانى بدور 128 مش لانوس و الار بى ام بيعلى ل واحد ونص ...مفيش 3 دقايق لما تسخن وعداد الحراره يبدا يعلى لاقل من النص ...يبدا الار بى ام يجى على 850 العادى ...لما اتحرك بقى ادوس على الدبرياش صوت العربية بيعلى ويوطى مع رجلى على الدبرياش وفى عضه فى التانى على خفيف ..بعد كده بتتظبط على الطريق وبتبق مفيش مشاكل ...لما اجى اركنها واقفل الاقزاز احس انها على السرنسية بيتلت زى رفه خفيفه وبيرجع طبيعى...شكيت فى نوع البنزين يكون مضروب فغيرت المحطه.. التنتيش قل بس الصوت العالى لسه موجود...حطيت منظف حساسات وفكيت فلتر البنزين ونضفته وغيرت فلتر الهوا...بس نفس المشكله...ياريت تدلونى اعمل ايه بالظبط وبالترتيب لانى للاسف خبرتى بالعربيات الحديثه ع قدى