الموضوع: هنسكت عالكلام ده يا رجاله؟

المصيبه انهم عملوا المطب وسابوه يوم كامل بدون علامات وبعد كده يحطو بمزاجهم علامات اما اتنين تلاته يموتو والباقي يتخرب بيته، دي قلة ادب والله، لا وايه حاطين يافطه من يومين الجبس بتاعها لسه جديد بيحذرك ومحطوطه قبله بحوالي ٢٠٠ متر،

للاسف السبب ان من يوشرف على الاعمال دى معندوش الدرجة العلمية الكافية و لا المسئولية التخليه يعرف عواقب الاهمال فى الحجات دى.
امفروض الناس دى تتشد و تتعاقب و تتسجن لانها شرعت فى قتل ناس بريئة بسبب اهملها و جهلها و عدم تحملها المسئولية

اعتقد لازم دعوة قضائية ضد الجهاز النفذ

أحنا عندنا كام مطب فى سموحة بقالهم كذا سنة ومحدش عمل حاجة , بليل بسمع مزيكا بسببهم
مرة عربية طارت ودخلت فى الجزيرة , بقيت العربيات بشوف بعينى الشرارة اللى بتتطلع من تحت العربية من الاحتكاك وقت الهبوط
الشارع اصلا ضلمة ومفيش لا حارات ولا علامات صفرة ولا اى حاجة
بليل لما الشارع بيكون فاضى المطبات دى بتبقى ملاهى

هذا الحدث كان سنة 2008 يعنى الثورة ملاهاش علاقة المطب الصناعى كان ضخم فعلا و هو فى نهاية مدينة نصر قبل مطلع الكوبرى المتجه الى المعادى....ما علينا الساعة كانت 3 فجرا و مفيش اضاءة كافية بس انا عارف مكان المطب و بهدى السرعة قوى لكن فوجئت بسيارة جيب شروكى منطلقة بسرعة عالية جدا فى اتجاه المطب ( 3 صباحا و الطريق يغرى بالسرعة) حاولت انبه قائد السيارة بالنداء بصوت عالى مع استخدام الكلاكس و الاضاءة لكن للاسف دخل على المطب بسرعته و حدث مشهد من مشاهد الاكشن التى نراها فى الافلام السيارة طارت فى الهواء ثم ارتطمت بالارض محدثة صوت رهيب و كانت الخسائر فادحة مصابين و سيارة محطمة.......طب ما الحل؟؟؟ على المنظور القريب لا أرى حل فالمشهد كثير التعقيد و الغرابة ايضا لا الجهات الرسمية تلتزم بالشروط المعتادة لمثل تلك المطبات و لا الاهالى ملتزمين باى شئ و اصبحت هناك عشوائيات فى المطبات مثل كل العشوائيات المحيطة بنا و لا حول ولا قوة الا بالله