الله يطمنك يا حاج شادى إنتشلتنا من وضع الإحباط إلى إحنا فيه روح يا شيخ إلهى يباركلك هههههههههههههههههه
عرض للطباعة
الف مبروك
ألف ألف مبروك ، ربنا يديك خيرها و يبعد عنك شرها
أنا معايا ال ٢٠١٤ ال ١٦٠٠ سي سي عاملة ١٩٠٠٠ كيلو ، بص بعد العشرة ألاف كيلو الأولي السحب و النعومة بيزيدوا جدا ، يعني اللي انت حاسه ممتاز ده هايبقي فوق الرائع كمان ان شاء الله ، و قصة الموتور ال ١٢٠٠ تربو دي الصراحة ماتقلقش خالص، نيسان و اليابان عامة بتعمل عربيات تمشي في أي بلد و بأي نوع بنزين :) ، أنا أثق في نيسان ثقة عمياء ( نيسان من ٢٠٠٦ و علي طول ان شاء الله ) ، أحييك علي شجاعتك و كسر الخوف المنتشر من السي سي القليل و التربو تشارجر و في إنتظار الصور و التقرير :)
الف مبروك على العربية و ربنا يحفظهالك من كل شر.
انا عندي بس ملحوظة ان العربية مافيهاش تكييف ورا مع ان السنترا فيها و ده غريب بصراحة واستفذني انهم مش منزلين اوبشن بسيط و مهم زي ده في فئة اعلى من السنترا.
هيا فعلا حاجة وحشة بس اهو ده من ضمن الحاجات اللى بتتشال من العربية اعتقد الجمارك فى مصر هيا السبب فى الأزمة دى لأن كل اوبشن فى العربية بيحاسبوا الوكيل عليه
ولو شوفت العربية هتلاقى مكان التكييف موجود عبارة عن فجوة كدة أو كأنها مكان تخزين بس طبعا شايلين التكييف
الف مبرووووك
ياريت نعرف اخبار العزل ايه بالتفصيل
يعنى صوت الموتور +صوت احتكاك الكاوتش بالطريق+صوت احتكاك الهواء بجسم العربية وطبعا كل ده وانت قافل الزجاج
واستهلاك البنزين عامل ايه
معلش ياريت إجابة شافية وافية لانى في مرحلة اتخاذ شراء عربية suv
الف مبروك ياباشا، ربنا يديك خيرها ويكفيك شرها
العربية اوتو مش كده؟ نوع الفتيس ايه؟ الشنطة اخبارها ايه؟ تشيل شنط المصيف وكده؟
اخبار الاوبشنز الموجودة ايه؟
واخر حاجة هل حضرتك كنت بتقارن بينها وبين حاجة تانية؟
مع تحياتي،
م/ أحمد
ياحبى انا حجزت من بعد مانزلت بيومين وفاكرك عارف والله أصل انا قلت هنا وقلت فى كذا موضوع كمان حجزت فى أوتو ايجيبت فرع المهندسين دفعت 10000 وقاللى استلام بعد 6 شهور بس بيقولوا انها أقل من كدة كتيير انشاءالله بس بيدوا لنفسهم وقت مش أكتر أنا شفت الأبيض عاجبنى أوى والأزرق شكله حلو فى الاعلانات بس معرفش شكله فى الحقيقة ايه
انشاء الله بس استلمها وتجربها معايا انشاء الله ;)
بص انا هجاوبك على اللى شفته وأكيد شادى صاحب الموضوع هيجاوبك أفضل عشان هوا معاه العربية يوميا فا أكيد عارف كل حاجة أفضل
العربية أوتو فتيس ستبترونك نوعه xtroinc CVT
الشنطة شفتها واسعة اوى ماشاء الله تشيل جواها واحد كمان لو عايز
أنا كنت بقارن بينها وبين ال ix35 هيونداى
المواصفات على حسب الفئة وهيا 3 فئات
واحدة سعرها 205 بيسموها فول أوبشنز
واحدة سعرها 215 بيسموها هاى لاين
واحدة سعرها 235 بيسموها سبورت
كل الفئات فيها ESP تحكم الكترونى فى ثبات السيارة و ABS و EBD و BA بيسموه مؤازرة المكابح و2 وسادة هوائية ومساحة خلفية مرايات كهربا تقفل اوتامتيكيا كاسيت و usb و Aux و 6 سماعات بلوتوث طارة مالتى و مثبت سرعة وشاشة معلومات السيارة بين العدادات وطارة جلد وفتيس جلد وسبويلر وليدات خلفية وفوجات واشارات فى المراياتتع وتعديل الطارة ارتفاعا وطولا وجنوط 17
الفئة الهاى لاين تزيد مراية تعتيم وسقف بانوراما تكييف تاتش ثنائى اوتوماتيك ومفتاح سمارت وزر تشغيل المحرك اوتوماتيك وليدات امامية وقضبان سقف وزجاج خلفى معتم وإضاءة مصابيح زينون عالى وواطى حلقات كروم على المصابيح وإطار كروم للسيارة
الفئة سبورت بتزيد حساس مطر و 2ايرباج للمقعد الخلفى و2 ايرباج زى ستارة جانبية كدة و كراسى جلد ومنهم كرسى السائق كهرباء وسخانات للكرسيين الأماميين وجنوط 19
أكيد فيه أوبشنز تانية انا مش عارفها او نسيتها بس ده فى المجمل الأختلافات
الف مبروك ،،،و ربنا يحفظك و يحفظها لك
و الله يا شادى موضوع إن السعر مبالغ فيه دا أو لاء بيعتمد على سؤال ؟؟
هل العربية القشقاى دى مستوردة بالكامل من اليابان و لا متقفله هنا ؟؟
و على الأساس دا أقولك كتير و لا لاء ....... لأن لو جايه فابريكه كدا من برااااا أعتقد من بهدلتى مع الصنايعيه الى تعتبر جنب أعضاء كتير هنا زغزغه :) ....... إن مش خسارة فى الحاجه الأصلى إلى جاية من برا تقفيل المصنع و لا إيه رأيك ؟؟
يجماعه سحبها اخباروا ايه بجد عشان لو فعلا سحبها حلو هسحب فلوسي من كيا و هجبها بس قولولي بسره وياريت تصورهلنا و انت ماشي بها ارجوك ، انقذني من الضياع
طب اما نشوف انشاء الله كله هيبان في وقته ، بس النصيحه امانه
بص انا عوز عربيه تصني وخاصه اني راكب تويوتا ياريس و مش عاوز حاجه تندمني وخاصه ان الفلوس جايه بالعفيه وصراحة القشقاي عجباني قوي من زمان بس موضوع ١٢٠٠ تربو ده جنني وخاصة بعد موضوع البنزين ده فرحت حجزت سبورتاج و دلوقتي مش عارف اعمل ايه بفكر ارمي نفسي في النيل بس الجو برد ومشعارف اعمل ايه
نفس الموقف والله وقعت فيه وكان عجبني اكتر ال ix35 بس انا لما ركبت قاشقاي الجديدة وانا بشوفها حسيت اني الهيونداي اي اكس دي كانت عادية اووووي بالنسبة للقاشقاي والموتور انشاءالله نطمن منه قريب وانا بصراحة حسيت ان نفسيتي مرتاحة ليها فا حجزتها وقلت عقبال ماستلمها تكون تلدنيا بانت سوية في الموتور والاداء والسحب
وانا بحجز الوصل فيه ان السعر يحدد عند الاستلام ودة في اي حجز لأي عربية والناس في اوتو ايجيبت طمنوني جدا ان مفيش زيادة خصوصا في اول دفعات لأن اصلا دي دعاية طبيعية ليهم ان الهربية تكون في الشارع هوا مش هيغلي في السعر الا لما تبتدي تنتشر وسعرها كدة كدة هيزيد لأن الامكانيات والأوبشنز كتيير فا هتنتشر انشاءالله وانت صلي استخارة الاول وشوف الدنيا هتمشي معاك ازاي وانشاء الله ربنا هيوفقك للي فيه الخير سواء قاشقاي او سبورتاج بس استخير عشان متحسش انك اتسرعت في حاجة
بص يا باشا مش هقدر اقولك ايه اللي هيحصل قدام بس حتي الان فعلا العربيه ممتازه و اداء 100% مع بنزين 92 و بتجري و تسحب و تشد . ممكن الموضوع يمشي كده تمام و ممكن لقدر الله الموتور بعد فتره يتأثر من ال 92 بس من الاداء الحالي معتقدش ان ده هيحصل ان شاء الله
نيسان بتعدل الموتور ليتناسب مع ظروف الدوله المصدر اليها السياره
ان شخصيا مقتنع 100% حتي الان
ربنا يوفقك في قرارك :)
دي صور يوم الاستلام مكنتش صوريها من الداخل . هصورها و ارفعها قريب ان شاء الله
http://nileup.com/up/uploads/nilemotors_14183602982.jpg
http://nileup.com/up/uploads/nilemotors_14183602983.jpg
http://nileup.com/up/uploads/nilemotors_14183602984.jpg
http://nileup.com/up/uploads/nilemotors_14183602985.jpg
http://nileup.com/up/uploads/nilemotors_14183602986.jpg
استاذ شادي انا عندي ليك فكر مشروع جامد جدا انت تعمل تست درايف للناس الي عوزه ب ٥٠٠ جنيه لل 15 دقيقة و اوعدك هتجيب تمنها في يومين و انا اول المشتركين بس تعملي خصم ههههه عشان انا صاحب الفكره