نيو افيو لازم نقلع السلطانية

**mazen21** · 08-12-2014 10:18 PM

هو احنا هنفضل لابسين السلطانية لحد امتى

احنا بيتضحك علينا من جميع توكيلات السيارات اللي في مصر

العربية الافيو في معظم الدول الاوربية تم ايقافها او انتاجها الى جانب الموديل الجديد

المفاجأة ان الموديل الجديد هو العربية (سونيك) اللي كانوا نزلوها هنا فترة وبعدين وقفوا انتاجها

طبعا لان اكيد هامش الربح في الافيو اكتر

المهم الافيو اللي عندنا دي اسمها افيو كلاسيك والافيو الجديدة اسمها عندهم نيو افيو

السؤال الان امتى منصور هيقلعنا السلطانية
ويجيب النيو افيو
الاجابة مش هيعمل
والامل ان مع تنفيذ اتفاقية الشراكة الاوروبية
تقوم شركات الاستيراد ومعارض السيارات باستيراد السيارات
بعيدا عن التوكيل وبيعها في السوق ارخص منه زي ما بتوع الخليجي بيعملوا
لمزيد من التفاصيل ارجع للصفحات الاخيرة في الموضوع التالي
رابط الموضوع

ويمكنك الاطلاع على مواقع شيفروليه في اوروبا من الرابط التالي

شيفروليه اوروبا

دول عندهم شيفروليه كروز هاتشباك وستيشن وسيدان

وفي عندهم كمان عربية suv تحفة اسمها تراكس trax
مش عارف ازاي منزلتش مصر

صور نيو افيو في اوروبا

صور كروز في اوروبا

صور تراكس

وعلى فكرة مفيش في موقع من مواقع شيفروليه في اوروبا فيه اي سيرة عن الاكذوبة الكبرى نيو اوبترا (العربية الصيني)

ما هو شغل التلات ورقات اللي بيتعمل في مصر
مينفعش يتعمل في اوروبا

الامل ان الشغل اللي بيتعمل في الخليجي يتعمل مع الاوربي
مع انخفاض الجمارك
لان الوكيل بطبيعته جشع لما اتفاقية الشراكة الاوروبية تتنفذ
لن يخفض سعرالعربية كالعادة وهيضرب الفرق في جيبه

نامل قيام المستوردين باستيراد السيارة بعيدا عن التوكيل
وبالتالي هتكون ارخص

حد يقولي ايه علاقة الشيفروليه باتفاقية الشراكة الاوربية
اقول له اي عربية بتتصنع في اوروبا بغض النظر عن اصلها ( امريكي- كوري - صيني ... الخ) يطلق عليها
سيارة ذات منشا اوروبي وتطبق عليها الاتفاقية

مثال سعر الكروز في اليونان 10980 يورو
سعر اليورو 8.8
يعني سعرها بالمصري 96624 جنيه
هيبقى عليها جمارك 14% يعني 13527
+مصاريف شحن
يعني تدخل مصر وسعرها حوالي
110151 الف + مصاريف الشحن

ازاي عرفت النسبة ارجع للموضوع ده في الصفحات الاخيرة
رابط الموضوع

راجع اسعار بقية السيارات
من موقع
شيفروليه اليونان

اذا اعجبك الموضوع دوس لايك فيسبوك او تويتر
بالزراير اعلى الموضوع

**mazen21** · 08-12-2014 11:53 PM

كروز سيدان 10980 يورو
كروز ستيشن 15980 يورو
كروز هاتشباك 11790 يورو

نيو افيو سيدان 13120 يورو
نيو افيو هاتشباك 9900 يورو

سبارك 6990 يورو
تراكس 18470 يورو
كابتيفا 26300 يورو

المصدر

لمعرفة السعر بالمصري اضرب في 8.8 سعر اليورو
اليوم 8-12-2014

صور كروز هاتشباك

صور كروز ستيشن

لاحظ ان العربيات كلها نازلة طارة مالتي فانكشن على اليمين الراديو وعلى الشمال مثبت السرعة

صور سبارك

الفرصة متاحة ان شاء الله لمستوردي السيارات لمنافسة وكيل العربية في مصر
بعد تطبيق التخفيضات في يناير 2015
وكمان تقديم صيانة تناظر الصيانة اللي يقدمها التوكيل (الضمان)
وبرضة هيبقى المستورد كسبان

معا لمواجهة جشع التوكيلات

**S O P H O S** · 09-12-2014 12:59 AM

يا باشا هي مشكلة توكيلات ومستوردين ازاي ؟؟
هما الي بيشتروا ولا احنا
واحنا ما شاء الله كل العربية ما تبقي اسوء وسعر يغلي نشتري اكتر
ده احنا فرصة بالي بنعمله ده !

**yasser100** · 09-12-2014 12:27 PM

ما تنساش ضريبة المبيعات يا باشا و دى للحكومه حرية التصرف فيها , اوروبا مش هاتقدر تلزمهم بحد اقصى او ادنى فى النقطه دى , الحكومه مش لاقيه تاكل و البنزين مدعم .

الحدايه ما بتحدفش كتاكيت :)

**borio1704** · 09-12-2014 03:56 PM

السوق المصري بيتعامل زيه زي أسواق كتير من الدول شديدة الفقر (زي الهند مثلا).. عايز المنتج "الشعبي"..

وبالتالي متطلبات السوق في الأسواق دي بتدور على السعر قبل أي حاجة

وده اللي بيخلي الشركات تجيبلنا مخلفات الإنتاج... لإنها بكل بساطة... رخيصة

ما تسألش عن أداء.. ما تسألش عن سلامة.. ما تسألش عن تكنولوجيا...

المهم السعر

وأديك شايف... الناس في مصر بتشتري أي حاجة ما دام على أربع عجلات.. يبقى عندهم حق بصراحة.

السوق هو اللي بيحكم.

وإوعى تقارن نفسك بأوروبا... لا احنا في نفس مستواهم الاقتصادي.. ولا عندنا قوانين وتشريعات تحمي المواطنين.. ولا عندنا تطبيق رادع للقانون على الصغير والكبير.

على فكرة... أنا بكلمك من خبرة عمل في إحدى شركات الـFMCG... وكان طبيعي إن يكون عندنا منتج "شعبي" رخيص.. ومنتج تاني "High Class" للي يقدر يدفع.. والكلام ده موجود في كل شركات العالم تقريبا.

...

**drmagieed** · 12-12-2014 01:52 PM

طيب ماهو مافيش بره عربية إسمها فيرنا لأن برة كان إسمها أكسنت يعني تحديث للأكسنت وطلع بعدها نيو أكسنت ثم أكسنت أر بي... سيبها لله والناس متتأملش كتير في حكاية سيارات أوروبا لأن الوكيل هامش ربحة (أسف إني سميته هامش) يفوق الجمارك ومكسب المضنع!!!