عرض للطباعة
كنت كلمت معرض منصور عندنا بالمنصوره على عربيه لانوس قالى هتستلم بعد سعر وتدفع حجز 10000 بعدها بيومين لقيتهم بيتصلوا عليا يقولوا انى ممكن استلم بعد يومين بنفس السعر
المهر روحت اليوم ودفعت مبلغ وقالى هتستلم بعد يومين
لو حد عاوز ممكن تكلموا فرع المنصوره وتستلم فورى
انا لى كام سؤال من الاخوه اللانوسيه
ايه النصايح عند الاستلام
انا ينفع احط بنزين 80 ولا لازم 92
اغير زيت امتى
باشا متفكر اقبل متستلم العربية فيها عيوب بالهبل عكس الدايو انصحك تفكر قبل الاستلام وربنا يوفقك في الخير
بص يا باشا انا زميلك لسه مستلم لانوس من اسبوع مش هقدر افيدك اوى في موضوع الصيانات بس الى اعرفه هو انك لازم تحافظ على الضمان يعنى ايه تحافظ علي الضمان يعنى تروح كل صيانة في ميعادها في التوكيل اوعي تعمل شغل برا التوكيل في فترة الضمان وعندك صيانة ال 1000 كم ودي علشان الزيت الى في العربية زيت تخزين مش زيت مشي فا بيغيرو وكمان موضوع البنزين 80 ده تشيلو من قاموسك خالص يعنى هو 92 فقططططط تمام يعنى لو في يوم مش لاقي 92 اركن العربية لحد ماتلاقي احسن من ان انت تحط 80 مرة واحدة تمام واختيار موفق ياباشا هى احسن من الفيرنا والايمجراند الصينى مية مرة طبعا. ليا سؤال لحضرتك بس المعرض باعلك بكام ؟
باعلى ب 79740
دفعت امس10000
ولسه 69740 هدفعهم مع الاستلام اللى هيبقى ان شاء الله الاسبوع دا او اول الاسبوع الجاى
اولا ربنا يوفقك ف الاختيار
مش عارف اقولك ايه؟؟؟؟؟؟؟؟؟؟
العربيه حلوه مشاكلها هايفه جدا الاخ ايللي بيقولك كلها مشاكل كلام مش مظبوط
انا جايبها 15/4/2013 المشاكل الى الان:
1- السنتر علق الريموت مابيقفلش روحت التوكيل غيرولي قربة السنتر مجانا
2- الزجاج الخلفي مش شغال (اعتقد من الركنه )لأني فضلت تقريبا سنه ماحدش بيفتحوا (نادر لما حد يركب معايا) روحت اول مره صلحوه (مجانا) باظ ثاني روحت ثاني مره غيروا ماكينة الزجاج (مجانا)
3- لمبة فرامل اليد كانت شغاله بإستمرار روحت التوكيل قبل ما اطفي العربيه قالولي ماتنزلش ياباشا اتصلحت (كانت حاجه هايفه)
من يومها هي دي المشاكل (ماشكلها بالهبل ازاي؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟)
يمكن الاخ بالصدفه شاف عربيه فيها عيوب ودي وارد في اي عربيه
مع العلم اني مركب شاشه وكاميرا (بس على الولاعه) وكنت مركب زينون وليدات شبوره ولا حد قالي حاجه وغيروا الحاجات دي وهيا راكبه والله
كأداء للعربه
-اولا العربيه الزيرو نعمه ولو ماروتي وخصوصا لو دي اول عربيه زيروا هتلبي رغبتك جدا
-تقيمها كأداء مش بطال هيا مش اوي (تحس صوتها عالي شويه-ماتورها خشن-سحبها ضايع-فرامل متواضعه) امال ايه ايللي بأى ههههههههههه
ميزة ان قطع الغيار والصيانه ببلاش فكر فيه لأن المشكله ايللي قابلتن ان جبتها علشان كده وللأسف علشان الواحد فرحان بالزيرو وخاف من عك الصناعيه باعمل كل حاجه في التوكيل حتى قطع الغيار بخاف اجيبها من بره تكون مضروبه فباجيبها من التوكيل بضعف الثمن مع انهم قالولي لو مستغلي القطع هاتها من بره ونركبهالك بس مش بيدوا ضمان عليها
بس لو قلنا انوا خلاص مش فارقه هجب عربيه ثانيه حتى لو قطعها غاليه طب ماهي نفس المشكله هتستحرم وتجيبها من التوكل بردوا
وجهة نظري عربيه حلوه للمستوى العادي وان كنت بحب الفيرنا اكثر (شكل اشيك كتيييييييييييييييييييييير ) وهيا هيا نفس العربيه كل مشكلة الفيرنا الثبات (ركب جنوط اسبور ) هتتفوق على اللانوس بمراحل
بالنسبه للصيانه والزيت كل 5000كم حتى الزيت كل 5000كم مافيش موضوع 1000كم زيت التليين هيا متلينه جاهزه والصيانه لأولى مجانا عدا الزيت
وبالتوفيق لو محتاج اي استفسار احنا بلديات رقمي 01119958076 كلمني في اي وقت براحتك خالص انا كده كده مش هرد
العربيه استلمتها 5/4/2013 عامله 45000 كيلو الحمد لله مفيش مشاكل خالص غير تغير علبه الشكمان مرتين غير كده العربيه محترمه جدا وبشد بيها مع اى عربيه 1600 بس المهم انك تكون بتعرف تجريها وكمان بحط بنزين 80 عادى خالص
ربنا يباركلك فيها ...
بس ابعد عن بنزين 80 لو عايزها تعمر معاك .
أنا جيبتها زيرو في مارس 2010
عملت بيها 105 ألف كيلو. المشاكل محدودة جدااااااااااااااااااا
مرة واحد ة غيرت موبينة و من شهرين ديسك و اسطوانة (أنا كتير باحمل على الدبرياج في سواقتي)
أنا شايف انها اختيار موفق
و أضم صوتي في موضوع البنزين بلاش 80. أنا حاولت و كان هايبوظ حساس الشكمان و العربية بدأت تفصل و شغل جنان على الطريق. روحت لميكانيكي قاللي مفيش حاجة أعملها. أنت بس حط بنزين 90 أو 92 و هي هاتظبط و قد كان.
بارك الله لك فيها
ألف مليون مبروك عليك وربنا يكفيك شرها واسمع كلام الاخ رامى مصطفي دة راجل محترم جدا جدا وفاهم ولكم مني كل التحية
اقتباس:
المشاركة الأصلية كتبت بواسطة ramyraby
الله يبارك في حضرتك ده من ذوقك