إستطلاع. .. اوبل انسجنيا اول فئة ام سكودا a7 تانى فئة
شكرا مقدماً للردود
إستطلاع. .. اوبل انسجنيا اول فئة ام سكودا a7 تانى فئة
شكرا مقدماً للردود
اوبل طبعا ، من غير تفكير
كعربيه اجمالا ... اوبل انسيجنيا ....
كفايه قوه الموتور التربو ال ١٧٠ حصان و شغاله ب ٩٢ بدون مشاكل ...
و لو يهمك اعاده البيع و تكلفه تشغيل اقل ... A7
ضع فى اختياراتك ايضا ال ٥٠٨ ...
تحياتى ...
اعادة البيع مش فارق تماماً بالنسبة لينا.
بس ممكن اعرف تفصيلا ليه الاوبل اختيار افضل من السكودا غير سبب تقفيل المانى
اوبل انسيجنيا افخم و موتور اقوي واعتقد انها تقارن بسيارات اعلي من اوكتافيا زي مرسيدي سي مثلا وده بسبب التكنولوجيا المتطورة والموتور الجبار
توكيل منصور ناس بتقول كويس وناس تقول استغلالي انا مجربتوش والله اعلم
كمقارنة الأنسيجينا طبعاَ
بس ياريت تسأل الناس ألي معاها الأنسيجينا ،
هيفيدوك أكتر ولهم جروب علي الفيس تقدر تدخل وتشوف مشاكلها أتحلت ولا لأ ،
ولكن هي صفقة كويسة بكل المقاييس ،
ولو حضرتك مش هيفرق معاك أعادة البيع ممكن تلقي نظرة علي فولفو s 60 ،
بيقولوا عليها برضو صفقة رائعة ،
بالتوفيق إن شاء الله .
شكرا جزيلا لحضراتكم.
ممكن لينك جروب الاوبل انسجنيا على الفيس؟
الفولفو جميلة بجد لكن سعرها زياده حوالى 65 الف عن الاوبل
على ما أعتقد ان الانسجنيا المانى تقفيل المانى مش زى الاسترا المانى تقفيل اسبانى مش كده ؟
طبعا كمقارنه الانسجنيا تكتسح
بس زي ما قال مهندس صفوت حط ال ٥٠٨ في الاعتبار لسببين اولا نسبة رضاء ممتازه من ماليكها رغم ان التوكيل متوسط و ده يدل على جودة العربيه
تاني سبب معامل انضغاط موتور اقل نسبيا من الانسجنيا فمتوافقه مع بنزين ٩٢ واعرف ناس عامله لحد دلوقت ٨٠ الف بال ٩٢
انا مش هتكلم عن الانسجنيا عشان مجربتهاش عشان ما افتيش
بس انا كان معايا فنتازيا اللي المفروض انها احسن من ال a7 عايز اقولك ان ال 508 تتفوق من كافة الوجوه بفارق كبير
بالتوفيق
زى ما تفضل الزملاء وقالوا.....
الإنسيجنيا أو 508
إنما الأوكتافيا مكانها مش معاهم لأنها فئة أصغر
الانسيجنيا تتقارن كفئه مع الباسات و البيجو 508 , الاوكتافيا a7 تتقارن مع الكورولا و الفلوينس و الاسترا و السيفيك و السوبارو , مع فارق الاسعار اللى بترجع للتوكيلات بشكل كبير بغض النظر عن الفئات و النواحى التكنولوجيه .
الاسترا بولندى مش اسبانى و اعتقد الانسيجنيا كمان .
خللى بالك الانسيجنيا مش ناجحه عالميا و قعدت فتره طويله متخزنه فى مخازن شركة اوبل يمكن من اوائل 2012 و علشان كده الدفعات اللى نزلت مصر من بداية 2014 كان فيها مشاكل نتيجة التخزين فتره طويله , الكلام ده من ناس فى الصيانه فى ابو غالى اللى شغال مع منصور .
ال 508 افضل كتير و عربيه ناجحه عن الباسات كمان
الانسيجنيا مش بولندي زي الاسترا... الماني .... ومش متخزنة .... ده فيس ليفت لسه نازل بره ٢٠١٤ ... من ٢٠٠٨ ل ٢٠١٤ ده كان شكل تاني خالص .... العربية ماشية عادي ببنزين ٩٢ .... الدفعات الاولي التوكيل غيرلها بوجيهات بنوع تاني اللي بقي already بينزل في الدفعات اللي بعد كده .... لان البوجيهات القديمة كانت بتتاثر بالبنزين الردئ بنتاعنا.... العربية اجمالا ممتازة كعفشة وموتور واداء ... اول فءة مرضية جدا لان فيها كماليات مبتنزلش ف اول فءة ف عربيات تانية زي الجنط ال ١٨ والفوجات ومثبت السرعة وفرش نصف جلد و مثبت سرعة وفوج لايتس وحاجات. تانية .... جايز اكون منحاز شوية الانسيجنيا لاني معايا اول فءة .... بس انا ركبت عربيات كتير ومن ضمنهم فانتازيا ٢٠١١ لمدة سنة ... ورايي ان في فرق كبير بينهم ... واي سؤال انا تحت امرك
كان في احصاءية نازلة برة لمبيعات الفءة دي في ٢٠١٤ وكانت الباسات رقم ١ والانسيجنيا رقم ٢ وبعد كده كان في فورد مونديو وفولفو و بيجو ٥٠٨ مازدا ٦ وحاجات تانية .... انما موضوع انها م اتباعتش بره ومتخزنة من ٢٠١٢ ( اللي هو شكل تاني اساسا) والكلام ده مش صحيح ... انا مش عارف الناس بتجيب الكلام ده منين
الانسيجنيا طبعاً
كون انها تتحط في مقارنة مع الأوكتافيا فده علشان تخطيهم حاجز ال 200000 مش علشان هما نفس الفئة...لكن في جميع الاحوال الإنسجنيا تتفوق و بفارق ملحوظ
الإنسجنيا كلها نازلة فيس ليفت و موديلات 2014 و 2015...مش متخزنة ولا حاجة...و ده ممكن يتعرف من رقم الشاسيه بسهولة
الانسجنيا موتور مدمر 1.6 170 حصان
بيكسر ال 100 في زمن وقدره 12.5 ث !!!!!!!!!
ازاي معرفش...
أعتقد الإنسيجنيا وال508 الاتنين نفس النسبة 10.5:1اقتباس:
المشاركة الأصلية كتبت بواسطة hany63
الإنسيجنيا متجمعة فى ألمانيااقتباس:
المشاركة الأصلية كتبت بواسطة yasser100
موضوع بقى متخزنة ده اللى غلط تماماً يا أستاذ ياسر....
الإنسيجنيا واخدة أحسن عربية فى أوروبا 2009 ده غير كتير من الجوائز منها، على سبيل المثال، أقل أعطال فى فئتها من معهد dekra الألماني سنة 2011، وأعلى جودة سيارة مستخدمة لمدة ٣-٥ سنوات من gtu وغيرهم. ده غير حجم المبيعات الكبير فى أوروبا.
فموضوع متخزنة ده كلام يدوب يطلع من بتوع أبو غالى أو على شركة مواد غذائية مش شركة عربيات فى ألمانيا.
;-) تحياتى
منين بس الرقم ده.......؟!اقتباس:
المشاركة الأصلية كتبت بواسطة corolladestroyer
ده الأسترا العادية بتجيب 100 فى اقل من 12 ثانية بس
ده اوحش رقم مكتوب على الورق 9.9 ثانية وهى على الحقيقة أقل من كده كمان
انا شاكر لحضراتكم جميعا... بجد سعيد جدا بردود حضراتكم وكنت خايف من موضوع بنزين 92 لانى وجدت على الفيس بوك بعض ملاك الاسترا بيشتكوا من ان البنزين عاملهم مشاكل.
وشكراً على فكرة انى القى نظرة على البيجو 508 بس شوية انا ووالدى بنحب الالمانى واليابانى عن اى موديل اخر.
سؤالى لأصحاب السيارة ... ممكن تذكر بعض عيوب السيارة ومشاكلها بالنسبة لك؟
فعلا شوف البيجو فخمة أوى وموتور قوى برضةاقتباس:
المشاركة الأصلية كتبت بواسطة mahmoud.hamedm
الاوبل
وضع معاها ال 508 فالاعتبار
طب بما انكم بتحبوا الالماني و الياباني احب اقولك ان موتور البيجو صناعه الماني هوا موتور الميني كوبر تربو و موتور البي ام f30اقتباس:
المشاركة الأصلية كتبت بواسطة Mahmoud.hamedm
و الفتيس ياباني سيستم بورش
طبعا بالنسبه للشياكه و نعومة العفشه الامر محسوم للفرنساوي
بص عليها مش هتخسر حاجه و هبعتلك لنك جروب ال ٥٠٨ عشان تسئل الملاك بنفسك
ممكن لينك جروب اوبل انسجنيا. ؟!
بص ده رقم المانيوال ...حوالي كان 9.2 او 8.9اقتباس:
المشاركة الأصلية كتبت بواسطة k.ossama
راجع حضرتك بقه ارقام الاوتو كمان مرة وقولي لقيت ايه..
شكرا جزيلاً استاذ هانى وفعلا عندك حق مفيش اى خسارة اننا نتفرج عليها شاكر لحضرتك على لينك الجروب على الفيس بوك
لا يا فندم 9.9 ثانية ده رقم الأوتوماتيك وكمان أعلى رقم. فى مواقع كاتبة أقل من كدة كماناقتباس:
المشاركة الأصلية كتبت بواسطة corolladestroyer
وزى ما قلت لحضرتك الأسترا الأوتوماتيك العادية أقل من 12 ثانية. يبقى ازاى بس الإنسيجنيا التربو 12.5 ثانية....!!!
موتور ال508 نفس عائلة مواتير المينى و f20 و f30اقتباس:
المشاركة الأصلية كتبت بواسطة hany63
لكن مش نفس الموتور ولا نفس الكود.
كان فى موديل مشترك الموتور 175 حصان نزل فى المينى كوبر إس لحد سنة ٢٠١٠ وبعض موديلات بيجو-سيتروين الرياضية. وده ما نزلش فى ال508.
انما موتور ال508 معمول فى فرنسا.
السنة اللى فاتت بيجو أعلنت إنهم حيصنعوا الموتور ده فى مصانعهم فى الصين بس مش عارف من امتى
كان فيه مشاركه سابقه لاستاذ horas و كان حاطط لنك لاكواد مواتير ال f30 و ال 508 و كانوا زي بعض و اسمه تقريبا princeاقتباس:
المشاركة الأصلية كتبت بواسطة K.Ossama
الانسجنيا التربو بتتسارع من ٠-١٠٠ في اقل من ٩ ثوانياقتباس:
المشاركة الأصلية كتبت بواسطة k.ossama
انا فعلا كنت شفت فيديو بتتسارع فيه في اكثر من 12 ثانيه وفي موقع كمان كان كاتب التسارع 12.9 !!!اقتباس:
المشاركة الأصلية كتبت بواسطة K.Ossama
بس دخلت من شويه على ال official لقيته 9.9 فعلا والتوب سبيد 130 mph يعني قول 210 km ده للاوتو
والمانيوال 9.2 والتوب سبيد 136 mph حوالي 218..
طبعا احسن بكتير من اللي كنت فاكره
بس still ارقام ضايعه بالنسبه لحجم الموتور
اورجع ده للفتيس....
على فكره الاسترا التربو ال 180 حصان الاوتو كانت 0-100 في 9.0 !!
الاوتو مستحييييل....اقتباس:
المشاركة الأصلية كتبت بواسطة hany63
Officially 9.9
مع إحترامى كلام حضرتك مش مظبوط خالص. أولا الإنسجنيا تقفيل ألمانى من مصنع أوبل الرئيسى فى ألمانيا. ثانيا الشكل الحالى للإنسجنيا ده فيس ليفت إبتدى من ٢٠١٤ و حقق مبيعات رهيبه فى أوروبا فامبدئيا إزاى شكل جديد إبتدا تصنيعه من آخر ٢٠١٣ علشان يتباع موديل ٢٠١٤ يكون أصلا متخزن من ٢٠١٢ و ساعتها كان الشكل القديم أصلا هو إللى كان بيتصنع!!!اقتباس:
المشاركة الأصلية كتبت بواسطة yasser100
و بعدين إزاى حضرتك تصدق شوية صنايعيه فى مصر بيقولوا مصنع أوبل فى ألمانيا بيبيع عربيات فيها مشاكل و متخزنه :)
أوبل إنسيجنيا و بيجو ٥٠٨ أعلى من الاكتاڤيا و هما الاتنين أحسن إختيار فى السعر ده بدون نقاش بس أنا بتحيز للألمانى أكتر شويه :)
انا ما اعرفش موضوع الفيس ليفت 2014 و لكن العربيه فعلا اول ما نزلت كان فيها بعض المشاكل . ده كان مهندس فى توكيل ابوغالى . و العربيه مش منتشره علشان تعرف عنها اكتر عكس البيجو 508 او ممكن قلة الدعايه اللى بيعملها منصور لها .اقتباس:
المشاركة الأصلية كتبت بواسطة mariachi
انا قلت تقريبا تقفيل بولاندى استنادا على الاسترا اختها الصغيره و مصنع اوبل فى بولندا :) .
حتى المهندسين يا باشا اللى شغالين فى التوكيلات أغلبهم مش فاهمين حاجة فى العربيات أصلاً. دول حتى مش عارفين الفرق ما بين أنواع زيوت الموتور ولا كمية الزيت لكل موتور ولا فروقات الفتيس.....حاجة تكسفاقتباس:
المشاركة الأصلية كتبت بواسطة yasser100
هانعمل ايه . ده قدرنا يا دكتور . بس بالوم فعلا على منصور مفطس العربيه دى . بص اعلانات ال 508 عامله ازاى على الطرق و اليفط الكبيره الضخمه .اقتباس:
المشاركة الأصلية كتبت بواسطة k.ossama
عندك حق.اقتباس:
المشاركة الأصلية كتبت بواسطة yasser100
منصور بقى، يعنى عادته ولا حايشتريها...!!
لملاك الاوبل .... ممكن من فضلكم تذكروا عيوب السيارة من وجهة نظركم ولو شئ من الكماليات
فمثلا بالنسبة لى شايف عيوب مثل ان سيارة بالسعر ده والمانى ازاى مفيهاش فولدر للنظارة ومفيش فوانيس فى المرايات الجانبية ولا اضاءة تحت المرايات وان البارك ترونك موجود فى الفئة اللى اعلى من الأولى.