محتاج رأيكو ضرورى ... انا معايا اوبترا 2009 مانيول ...
1- انا عايز اركب فوجات علشان المانيول بينزل من غير فوجات ... عايز أعرف هل ليها مكان فى ضفيرة الكهرباء وكمان سعر ها كام وهل لازم أركب مفتاح داخلى. ويبقى مكانه فين.
الضفيره المفروض ثابته و هتلاقى وصلات الفوجات موجوده و ليها فيوز فعلبه الفيوزات الداخليه و حتى لو الوصلات مش موجوده فأى كهربائى يقدر يعملها بسهوله من غير اى مشاكل
ممكن تعملها تشتغل مع النور العادى (الموضع) بس الأفضل تعمل مفتاح داخلى (سواء مفتاح او تتوصل على دراع النور)
مكان المفتاح حضرتك اللى هتحدده
2- دراع النور عندى الرعاش ساعات بيعلق ومش عارف العيب ممكن أعرف سعره فى حدود كام وهل بيتباع لوحده ولا معاه دراع المساحات ولو هاغيره ممكن أجيب الدراع اللى فيه بكرة الفوجات.
ممكن تكون مشكله فالتوصيلات و الكهربائى هو اللى هيعرف المشكله فين
يبتباع لوحده لانه منفصل عن المساحات و تقدر تشترى اللى فيه بكره الفوجات عادى من غير مشاكل و الفيشه فيها الوصلات مش هتحتاج تعدل اى حاجه
4- صوت التالكس عندى وحش جداً وبقى ضعيف ومش عارف أعمل أيه أغير زى التالكس اللى راكب بالظبط.
هتلاقى فالتوفقيه انواع كتير - زى كلاكس اللانسر و التيجو و غيرهم - بأصوات مختلفه اختار نوع صوته قوى (البائع بيجربه على البطاريه)
5- عايز أركب فرش للعربية ومحتاج خبرتكم فى الموضوع ده.
فرش عادى ولا جلد ؟؟ تفصيل ولا جاهز ؟؟
عموما لو عايز جلد جاهز هتلاقى فالتوفقيه او فاى محل كماليات و اشكال و الوان كتير (نصيحه لو هتشترى جلد اشترى جلد كامل مش جلد فقماش)
أنا أسف طولت عليكم بس محتاح مساعدتكم ضرورى
المفضلات