-
بالصور حادث تصادم مروع لـ 7 سيارات على كورنيش الاسكندرية
-
يا ساتر يا رب
ربنا يستر طريق كل الناس
-
دا فين بالظبط عالكورنيش ؟؟ حاسس ان الصور مش من الكورنيش خالص
-
قلنا طرييييق الموت
الكورنيش بليل حلبة سبااااق
احذروا من التهور والشباب السكاري و مدمني الحشيش والجري
-
طبعا لا في سبيد كاميرا,ولا رخص بتتسحب بالسنة والسنتين
ولا تست للمخدرات والكحول
يالا خلي الناس تموت
-
اقتباس:
المشاركة الأصلية كتبت بواسطة a7med ezz 20
دا فين بالظبط عالكورنيش ؟؟ حاسس ان الصور مش من الكورنيش خالص
الحادث في سابا باشا عالبحر امام نادى المهندسين
-
ربنا يستر و يسلم
لا حول و لا قوة الا بالله على الصبح كده الخبر المزعج ده, 7 سيارات مرة واحدة ربنا يلطف....اكيد السرعة الزائدة و الرعونة لأن كورنيش اسكندرية الفجر يغرى المتهور بالسرعات العالية.... وكنا لسه امبارح متكلمين عن المطبات الصناعية و اضررها....فى الحقيقة الواحد محتار ايه الصح و ايه الغلط؟ ....انما الاكيد موضوع الحوادث محتاج دراسة و من ثم علاج مش معقول نبقى الدولة رقم 1 فى العالم فى نزيف الشوارع......ملحوظة مهمه 2 من زملائى واحد فى المانيا و الاخر فى بريطانيا (اطباء) الاثنين حضروا جلسة محكمة بسبب عيوب فى اسلوب القيادة وقتها انا كنت مع زميلى فى لندن والسبب انه عدى مخرج على طريق هاى واى و رجع مرشدير بظهره على الهاى واى حوالى 100 متر و لما القاضى سأله عملت كده ليه قال له مسافة قصيرة و مفيش عربيات سأله كنت لوحدك فى السيارة قال اسرتى كانت معى.... القاضى انزعج جدا و اصابه الفزع ثم العجب من تصرف زميلى و انتهى الموضوع بسحب رخصة القيادة طوال تواجده فى بريطانيا و الاهم جلسات علاج نفسى مكثفة امر بها القاضى لانه تصور ان صديقى شخص غير عاقل ( مجنون يعنى) و يستمر العلاج حتى يحضر شهادة طبية معتمدة انه عاقل.....وبعد جلسات العلاج حصل على الشهادة و كان يصرخ فينا انا الوحيد اللى معاه شهادة تثبت انى عاقل......الشاهد نفسى القاضى البريطانى يجى اسبوع مصر و يشوف السواقة و الشوارع المصرية و يبقى يقبلنى لو رجع عاقل لبلده.
-
ديه مش حادثه
ديه مطحنة عربيات
ربنا يسترها
-
البحر بليل بيبقى فاضى و الى عاوز يجرى بيجرى بجنون بس للاسف النهاية بتكون وحشة و ناس ملهاش ذنب بتضر فى الموضوع علشان عالم هايفة و تافهة بتجرى
-
اقتباس:
المشاركة الأصلية كتبت بواسطة mecha
طبعا لا في سبيد كاميرا,ولا رخص بتتسحب بالسنة والسنتين
ولا تست للمخدرات والكحول
يالا خلي الناس تموت
ماهو احنا ناس محترمين جدا و لو جيت تقول انا هحط مخالفة عالية يقولولك احنا في اخر السنة و الداخلية عايزة تلم فلوس
انا بقى شايف الداخلية مش شغالة كويس و محتاجة تشد كمان
والمخالفات العالية في كل دول العالم مش في مصر بس
-
اقتباس:
المشاركة الأصلية كتبت بواسطة ali ashraf
لا حول و لا قوة الا بالله على الصبح كده الخبر المزعج ده, 7 سيارات مرة واحدة ربنا يلطف....اكيد السرعة الزائدة و الرعونة لأن كورنيش اسكندرية الفجر يغرى المتهور بالسرعات العالية.... وكنا لسه امبارح متكلمين عن المطبات الصناعية و اضررها....فى الحقيقة الواحد محتار ايه الصح و ايه الغلط؟ ....انما الاكيد موضوع الحوادث محتاج دراسة و من ثم علاج مش معقول نبقى الدولة رقم 1 فى العالم فى نزيف الشوارع......ملحوظة مهمه 2 من زملائى واحد فى المانيا و الاخر فى بريطانيا (اطباء) الاثنين حضروا جلسة محكمة بسبب عيوب فى اسلوب القيادة وقتها انا كنت مع زميلى فى لندن والسبب انه عدى مخرج على طريق هاى واى و رجع مرشدير بظهره على الهاى واى حوالى 100 متر و لما القاضى سأله عملت كده ليه قال له مسافة قصيرة و مفيش عربيات سأله كنت لوحدك فى السيارة قال اسرتى كانت معى.... القاضى انزعج جدا و اصابه الفزع ثم العجب من تصرف زميلى و انتهى الموضوع بسحب رخصة القيادة طوال تواجده فى بريطانيا و الاهم جلسات علاج نفسى مكثفة امر بها القاضى لانه تصور ان صديقى شخص غير عاقل ( مجنون يعنى) و يستمر العلاج حتى يحضر شهادة طبية معتمدة انه عاقل.....وبعد جلسات العلاج حصل على الشهادة و كان يصرخ فينا انا الوحيد اللى معاه شهادة تثبت انى عاقل......الشاهد نفسى القاضى البريطانى يجى اسبوع مصر و يشوف السواقة و الشوارع المصرية و يبقى يقبلنى لو رجع عاقل لبلده.
NT="Tahoma"] هو دا حالنا في مصر غباء x غباء[/FONT]
-
اقتباس:
المشاركة الأصلية كتبت بواسطة maun00
ماهو احنا ناس محترمين جدا و لو جيت تقول انا هحط مخالفة عالية يقولولك احنا في اخر السنة و الداخلية عايزة تلم فلوس
انا بقى شايف الداخلية مش شغالة كويس و محتاجة تشد كمان
والمخالفات العالية في كل دول العالم مش في مصر بس
بس اسحب الرخصة لسنة وسنتين زي البلاد المحترمة وهتشوف
حادثة زي دي المتسبب ميسوقش تاني في حياته دا قاتل
-
اقتباس:
المشاركة الأصلية كتبت بواسطة mecha
بس اسحب الرخصة لسنة وسنتين زي البلاد المحترمة وهتشوف
حادثة زي دي المتسبب ميسوقش تاني في حياته دا قاتل
ياعم ميكا فعلا كلامك صح القانون كدا بالفعل بس مش بيطبق لان الشعب زبالة فاكيد العامل او العسكري الي هو جزء من الشعب هيكون زبالة و لو شديت مرة واحدة الناس هتقوم عليه
بكل بساطة الشعب متعود على الغلط و شايفينو صح
وانت عايش في استراليا و شايف الوضع عندكم
بتقول الحكومة الاسترالية حلوة و معرفش اية قبل ما تقول الحكومة شوف الشعب
انت شوف هنا التكاتك و الموتوسيكلات تلاقي عيل 13 سنة سايقها ولو الحكومة لمت الناس دي يقولك حرااام دا بيسترزق
ودا من موقع اليوم السابع
اقتباس:
• قيادة المركبة ليلا بدون استعمال الأنوار الأمامية المقررة والأنوار الخلفية الحمراء أو عاكس الأنوار المقررة تعاقب بسحب رخصة القيادة مدة لا تقل عن ستة أشهر.
• استخدام الأنوار المبهرة ليلا يعرضك لسحب رخصة القيادة مدة لا تقل عن شهر
انت شوف مشاركات الناس هتقعد تقلك المطبات وحشة و حرام وحكومة زبالة القانون وحش والحكومة عايزة تلم فلوس
دا بفرض مثلا ان لما همسك حرامي مش هسجنو و هقولو معدتش تعمل كدا تاني
__________________________________
انت شوفت عالفيس الحادثة الي الفتيس بتاع عربية سكودا وقع و العربية اتقلبت؟ دا هنقول مطب زبالة و كل حاجة بس ازاي عربية تتقلب دا كان ماشي عالكام؟
ودا كومنت من واحد على صفحة الموقع
http://www14.0zz0.com/2014/12/09/11/890533460.png
ممكن تقلي اية الفايدة في انو يقول ان في رادار؟ علشان الناس تلم نفسها في السرعة هنا و بعدين يقومو يتحولو لطياريين
معلش يعني لو كل واحد اتلسع مرة معدش هيعملها تاني بس احنا شعب بنحب الخير
-
باشا الشعب الزباله دا صدقني هينضف لما تسحب الرخص ,ولا هيقوم ولا يحزنون ,احسب الناس اللي ماتت واتعورت والعربيات اللي ادمرت مين هيحاسب ع الليله.
واعرف ان الناس ف استراليا اساسهم مساجين ,حراميه وقتالين قتلة وبغايا ونصابين بس القرص الانجليزي خلاهم تابو وانابو
هي زي انت مدير محل خربان يا تعدلو يا العمال هيبوظوك بتيجي من فوق. ناس تخاف متختشيش
-
هل احنا فعلا نستاهل طرق نضيفة ؟
و لا احنا نستاهل طرق مكسرة و مطبات تبهدل العفشة عشان الناس ماتجريش بالعربيات ؟
-
-
-
لا حول ولا قوه الا بالله.
طيب الواحد مش بتاع جرى
ولا غرز ولا الكلام ده .يعمل
ايه!!!!تجيله عربيه زى الصاروخ
تخش فيه.يبطل يركب عربيات
ولا يعمل ايه؟
حسبى الله ونعم الوكيل.
-
اقتباس:
المشاركة الأصلية كتبت بواسطة samah muhammed
الحادث في سابا باشا عالبحر امام نادى المهندسين
ربنا يرحمهم كلهم ، العربيات مش باينلها ملامح
-
الحل لازم يكون للمنظومه كلها مش جزء وجزء . يعني تفرض غرمات باهظه جدا علي الناس وتحاول تستغل مشكلة المرور في ادخال نقديه للخزينه ، يبقي ده اسمه استهبال ، لازم تحل لي مشكلة التكسير والمطبات العشوائيه في الشوراع ، ترصف الشوارع رصف جيد ، تبدأ في تقديم حلول فعاله فعللا لحل ازمة الزحام ، ثقافة وتعليم الناس بأداب القياده ، تعديل نظام استخراج الرخص للي بيعرف يسوق فعلا مش للي معاه وسطه وحاجات كتير جدا جدا ....... قبل ما تبدأ تفرض غرمات باهظه علي الناس والمستفيد الاوحد منها هم رجال المرور يعني المفروض اخر حاجه في المنظومه هي فرض الغرمات مش اول حاجه وبعد ده كله اللي يخالف اقطع رقبته
-
الطرق والسرعة مستمرين فحصد الناس
ربنا يستر عالناس جميعا
-
اقتباس:
المشاركة الأصلية كتبت بواسطة elkordy2000
الحل لازم يكون للمنظومه كلها مش جزء وجزء . يعني تفرض غرمات باهظه جدا علي الناس وتحاول تستغل مشكلة المرور في ادخال نقديه للخزينه ، يبقي ده اسمه استهبال ، لازم تحل لي مشكلة التكسير والمطبات العشوائيه في الشوراع ، ترصف الشوارع رصف جيد ، تبدأ في تقديم حلول فعاله فعللا لحل ازمة الزحام ، ثقافة وتعليم الناس بأداب القياده ، تعديل نظام استخراج الرخص للي بيعرف يسوق فعلا مش للي معاه وسطه وحاجات كتير جدا جدا ....... قبل ما تبدأ تفرض غرمات باهظه علي الناس والمستفيد الاوحد منها هم رجال المرور يعني المفروض اخر حاجه في المنظومه هي فرض الغرمات مش اول حاجه وبعد ده كله اللي يخالف اقطع رقبته
سيادتك من غير فرض غرامات جديده او زيادة القديمه
علي حالو وطبق القانون واسحب الرخص و نكل بالسكرانين والمساطيل
-
اقتباس:
المشاركة الأصلية كتبت بواسطة mecha
باشا الشعب الزباله دا صدقني هينضف لما تسحب الرخص ,ولا هيقوم ولا يحزنون ,احسب الناس اللي ماتت واتعورت والعربيات اللي ادمرت مين هيحاسب ع الليله.
واعرف ان الناس ف استراليا اساسهم مساجين ,حراميه وقتالين قتلة وبغايا ونصابين بس القرص الانجليزي خلاهم تابو وانابو
هي زي انت مدير محل خربان يا تعدلو يا العمال هيبوظوك بتيجي من فوق. ناس تخاف متختشيش
مانا بقلك نفس الكلام احنا الي زبالة علشان كدا الحكومة زبالة والدليل حكاية ان الحكومة بتلم فلوس عالفاضي
بس لو جيت لواحد من دول عربيتو اتخبطت و هيا واقفة وفي شارع واسع لان في عيل كان بيجري هتلاقيه يقلك الغرامات قليلة
وادينا هنشوف القانون هيطبق ولا اية
الي شفتو بعيني في المنصورة عربيات مكبلشة وحزام مربوط (بقالي كذا سنة مبشفش تاكسي رابط حزام)
-
اقتباس:
المشاركة الأصلية كتبت بواسطة elkordy2000
الحل لازم يكون للمنظومه كلها مش جزء وجزء . يعني تفرض غرمات باهظه جدا علي الناس وتحاول تستغل مشكلة المرور في ادخال نقديه للخزينه ، يبقي ده اسمه استهبال ، لازم تحل لي مشكلة التكسير والمطبات العشوائيه في الشوراع ، ترصف الشوارع رصف جيد ، تبدأ في تقديم حلول فعاله فعللا لحل ازمة الزحام ، ثقافة وتعليم الناس بأداب القياده ، تعديل نظام استخراج الرخص للي بيعرف يسوق فعلا مش للي معاه وسطه وحاجات كتير جدا جدا ....... قبل ما تبدأ تفرض غرمات باهظه علي الناس والمستفيد الاوحد منها هم رجال المرور يعني المفروض اخر حاجه في المنظومه هي فرض الغرمات مش اول حاجه وبعد ده كله اللي يخالف اقطع رقبته
المفروض العكس الناس تتعلم الأصول و بعدين نصلح الشوارع الحكاية ملهاش دعوة بالحكومة اذا كان الشارع مكسر و بيجرو امال لو كان شارع نضيف هيعملو اية؟
وبعدين انت مشكلك اية يعني لو خلو غرامة المعاكس مليون جنيه؟ انت عايز تمشي مخالف لية؟
وبعدين مال الوسطة بان في ناس بتجري؟
-
حادث من غير سبب يبقى قلة ادب *** انا لله وانا اليه رراجعون هية النفسنة اللى بتمشى على الطريق ربنا يهدى اكيد السرعة بالذات فى الاماكن المزدحمة هى السبب والواحد بجد بيشوف العجب من بشر بتستهر باروح العباد ربنا يهدى الواحد مش عارف يقول ايه **
-
لا حول ولا قوة الا بالله العلي العظيم
ربنا يقومهم بالسلامة اللهم امين
الحل السريع لمشكلة المرور في مصر
كل محافظة تنسق مع ادارات المرور بها لسحب كل الرخص وإعادة استخراجها مرة اخري بدون وسطات ولا رشاوي ولا اكراميات والامتحان يكون امتحان بجد مش مرشدير حرف s وخلاص وناس بالتليفون رخصها تطلع
1- لا يقل سن المتقدم عن 21 سنة ولا يزيد عن 60 سنة ويمنع موضوع محمو الامية اساسا بيروح يضرب شهادة علشان يسوق (للحد من الاطفال والناس الكبيرة اللي كتر الف خيرهم وكفاية كدا عليهم خلي ابنك او اخوك يسوقلك يا حاج)
2- تعهد رسمي علي نفسك بدفع غرامة لا تقل عن 50 الف جنية لو مشيت عكس اتجاه او تجاوزت السرعة المقررة او تسببت في وقوع حادث ايا كان
3- تفعيل وتقنية كاميرات مراقبة علي اعلي مستوي من التكنولوجيا اسوه ببلاد الخليج العربي (ساهر)
4- ممنوع منعا باتا استخدام المحمول والمياه والاكل والتدخين وشاشات الdvd اثناء القيادة
5- ممنوع قيادة سيارة غير سياراتك وانت المسؤل الاول والاخير عنها وفي حالة تأجير السيارات او الاجرة او ماشابه خطاب رسمي من وزارة الداخلية بمده ومكان السير وتسحب السيارة نهائيا في حاله مخالفه هذه النقطة
6-علي الدولة والمسؤلين بشبكة الطرق والكباري والانفاق ان تتقي الله في عملها وتقوم بحملة أزالة جماعية لمطبات الجمهورية كاملة وأعادة بناءها بطريقة قانونية بحتة مع وضع العلامات التحذيرية قبلها بمده كافية والاسراع من رف كفائة الطرق حتي لا نشاهد يوميا دماء الاسفلت بسببكم
7- خطااااااااااااب رسمي معتمد من رئيس الجمهورية الي مصلحة الجمارك المصرية بمخاطبه وكلاء السيارات بتركيب اجهزة اي بي اس للفرامل والا تزيد سرعة العربية القصوي عن 100 ك \م
8- دعوة للتصالح مع النفس البشرية وانها ستسأل يوم القيامة عما تفعل سواء في حقها او في حق غيرها
كفانا الله واياكم شر الطريق اللهم امين
-
دا انت هتخليها ولا حكم ستالين ,هو ياتسيب ع الاخر يا ذل قراقوش
الوسط حلو والعقل زينة
-
Need 4 speed
دا غالبا السبب .
ربنا يقومهم بالسلامة جميعا .
-
اقتباس:
المشاركة الأصلية كتبت بواسطة a7med ezz 20
دا فين بالظبط عالكورنيش ؟؟ حاسس ان الصور مش من الكورنيش خالص
فى سابا باشا أمام الشاورما
