10 خطوات للحصول على فلتر هواء جديد
بالنسبة لفلتر الهواء هناك حل اقتصادى جداً ,,, انا فعلاً بقوم بيه
والنتائج فعلاً مبهرة
وهو كالاتى/
اولاً هتفك الفلتر من العمة ايا كان نوعه او شكله
ثانياً تحضير طبق بلاستيك من بتوع الحمام ويكون عميع بحيث انه ياخد الفلتر جواه
ثالـثـا املئ الطبق بالماء الدافئ=من السخان=مثلاً ومتزودش الميه وكفاية بالتقدير كده انها تغطى الفلتر
رابعـاً= وده الاهم=اضف عدد 3 معلقة كبيرة من اى مسحوق الغسيل=بس ما يكونش للغسالات الاوتوماتيك علشان
مفيهوش رغوة تقريباً
خامساً وقبل وضع الفلتر تاكد تماما من ان المسحوق ذاب فى المية كلياً
سادساً الان يمكنك وضع الفلتر فى الماءوسيبوه فى الرغوة 5 دقائق وما تخفش
سابعـاً المية هتمسك فى التراب وهتلاقى طين نازل من الفلتر
ثامنــاً بعد ما تتاكد من ان الفلتر بقا نظيف =هتلاقى لونه بقا فاتح=خرجة من الطينة قصدى من المية وتخلص من
الماء المطين
تاسعـاً والاهم اشطف الفلتر=اللى بقا نظيف الان=فى الحوض او البانيو ويراعى ان يكون ذلك برفق حتى لا يتمزق
الورق المقوى
عاشراً اضغط على بوز الحنفية بصباعك هتلاقى المية بقت خارجة تحت ضغط كبير
وجه المية المضغوطة الى الجزء الداخلى من الفلتر ودور الفلتر تحت الميه علشان لو فيه حاجة لسة جوة
الفلترتخرج وده لظبط عملية النظافة واكمالها بشكل ممتاز مش اكتر
اوعى تعصر الفلتر
سيبوه ينقط وحطو فى مكان فيه هوا وشمس لحد ما ينشف
وبعد ما ينشف مبروك عليك الفلتر الجديد
وبكدة تكون وفرت ال85 جنيه تمن الفلتر الجديد
ارجو ان تتم الافادة للجميع
والله الموفق