لو سمحتوا
انا كنت ناوي اشتري عربية جديدة ان شاء الله ومحتار جدا بين 3 عربيات
نيسان صني اتوماتيك
متسوبيشي التراج اتوماتيك
شيفورلية افيو اتوماتيك
ارجو الافادة واجيب ايه ؟ وياريت لو فيه اسباب معينة
وشكرا
عرض للطباعة
لو سمحتوا
انا كنت ناوي اشتري عربية جديدة ان شاء الله ومحتار جدا بين 3 عربيات
نيسان صني اتوماتيك
متسوبيشي التراج اتوماتيك
شيفورلية افيو اتوماتيك
ارجو الافادة واجيب ايه ؟ وياريت لو فيه اسباب معينة
وشكرا
طالما حطيت الياباني و الكوري مع بعض في المقارنة
يبقى ابعد عن الأڤيو و خليك في الياباني
طالما حطيت الياباني و الكوري مع بعض في المقارنة
يبقى ابعد عن الأڤيو و خليك في الياباني
انا مقصدش اني اعمل مقارنة بين الافيو والنيسان او الميتسوبيشي ولكن اللي بيحكمني الفئة السعرية اللي بحاول اختار في نطاقها مش اكتر ومدام معظم الناس بتقول ابعد عن الافيو طيب بالنسبة لنيو نيسان صني او المتسوبيشبي التراج انهي الاحسن لان الاتنين نفس السعر تقريبا
أوافقك على كل كلمة قلتها هو ده الضح الأتراج كماليات مش كتير زى الصنى الشكل م ش ظريف ز مش مشجع عربية صغيرة التوكيل هو فين التوكيل ده الأنتشار مالهاش فيه حتقعد سنة علشان تشوف أتراجية واحدة بس ماشية فى الشارع الصنى تكسب و لكن خللى بالك من حاجتين ألصنى مش بتاعة جرى و لا مستحملة الخبط و الرقع
انا حاسس بيك , انا كنت فى مكانك من ثلاث شهور
انا جبت صنى ex اتوماتيك , عربيه انا مقتنع بيها جدا
انت محتار ما بين ثلاث عربيات, الثلاثه فيهم مميزات وعيوب
انا انصح بالصنى للاسباب الاتيه:
1- كورى ولا يبانى ؟ يبانى
2- طيب صنى ولا اتراج ؟ صنى - موتور اكبر - تكيف مش بيقصر على اداء العربيه زى الاتراج
فى حاله زيادة الميزانيه , انصح بالمتسوبيشى لانسر
وشكرا
الاختيار بين الثلاثة غير متساوي سوى فى السعر فقط تقريبا
افيو : سيئة جدا مش ركوبة خالص اللانوس انضف منها 1500cc/83hp (وجهة نظر)
صني: صاج ضعيف و استهلاك عالي للوقود و الطنابير و التيل رغم ان المفروض تكون اقتصادية بس صالون محترم
اتراج : فئة تانية خالص تنفع لداخل المدينة فقط على ما اعتقد
موتور ضعيف و الاكثر اقتصاديا و لكن مش معروفة فى السوق من ناحية العيوب
اولا شكرا لحضرتك ولباقي الاعضاء علي الردود
ثانيا هو فعلا انا مش بحاول اقارن بين العربيات الثلاته ولكن القصد هو اني عايز اجيب عربية في حدود السعر فقط ومحتاج مساعدة من اهل الخبرة عشان اعرف اخد القرار الصح بمعني ايه افضل عربية في نفس الرنج ده للفلوس اللي هو 110 الف تقريبا ولكن معظم الاعضاء قالتلي ابعد عن الافيو وده خلاص خرجتها من التفكير اساسا
فهنا بقي يعتبر العربيتين دول الاتراج فيه ناس خوفتني فعلا من ضعف الماتور وفيه ناس قالتلي مش بياثر وانه ثابت كفائة اما النيسان الصني فعرفت ان فيه بعض العيوب الخاصة بالفرامل الصاج الخفيف
وده خلاني محتار اكتر ومش عارف اخد قرار
وهم دول اللي اعرف انهم في نفس حدود الفلوس دي
كمان فيه سؤال تاني
هل فيه عربيات تانية في نفس الرينج ده تكون افضل في الاختيار ؟
لو عايز نصيحتى لوجه الله،انا عندى صنى الشكل القديم وكان عندى لوجان واستلمت لقريبى صنى الجديده وصاحبى كان عنده افيو والاتراج سمعت عنها.
*الصنى القديمه:موتور قوى جدا وقطع غيار رخيصه ثبات محترم جدا وشاسيه قوى وتكيف تلاجه وصيانه سهله ،يعيبها صالون ضيق واستهلاك عالى للبنزين وكراسى ناشفه وغير مريحه وكماليات وتبلوه ولوحة عدادات اثريه وسمعت عن مشاكل فى الفتيس الاوتوماتيك
*الصنى الجديده:استهلاك قليل للبنزين وكماليات كتيره وسعر قليل نسبيا وصالون واسع وتوكيل محترم وقطع غيار متوفره نظرا لانتشارها يعيبها شاسيه ضعيف جدا(يقال انه صينى) وموتور ضعيف نسبيا(يقال انه هندى) عفشه ضعيفه وثبات ضايع بعد 120 وطبعا العيب الاشهر بتاع الفرامل وماستر الفرامل والطنابير
*الافيو :لما كانت كورى كانت انضف عربيه فى مصر فى سعرها،لما منصور حط ايده الكريمه فيها وجمعها فى مصر بقت زباله وتوكيل اى كلام وقطع غيار مضروبه حتى فى التوكيل لكن الصراحه ماسمعتش عن الجديده كتير وعموما هى مش منتشره فنصيحتى تبعد عنها.
*الاتراج:ماسمعتش عنها كتير غير انها موفره جدا فى البنزين بس هى مش بتاعة شغل وسفر ،ولا تنفع عيله كبيره وطبعا مش منتشره فاكيد مش هتلاقيلها قطع غيار بسهوله
ممكن تزود حوالى 20 الف وتجيب لانسر شارك بجد عربيه تحفه ومفيش اى حد حتى اللى جربوها والميكانيكيه طلع فيها عيب واحد:ثبات تحفه،عفشه قويه،صالون واسع،قطع غيار متوفره،يابانى حتى النخااع
اول مرة اسمع ان الصنى الشكل القديم فيه مشاكل فى الفتيس
للاسف بيحطولها فى مصر زيت فتيس سىء جدا بيبوظ الفتيس على المدى البعيد