هل الفورد فيستا من موديل 96 ل 2000 تستحق الشراء ؟
سلام عليكم و رحمة الله وبركاته
أنا بقالى حوالى شهر كل يوم دايخ بدور على عربية تناسب إمكانياتى (25,000)
و ظهرت قدامى كذا فيستا أكترهم موديل 96 كامله
قلقان جدا عشان أكتر الناس بسمع منهم الكلام التالى :
"أنت عبيط يا أبنى فورد , أنت بتلاقى فلوسك فى الأرض"
"هاتها بس متعيطش بعدين"
"مشاكلها كتير و هتدوخ و محدش هيحلهالك وهتمشى بيها على عيوبها و تلصم"
"أصلا ملهاش قطع غيار و الموردين هيزلوا فيك هتجيلى يوم كذا و هتيجلى يوم كذا ولو عنده هتسمع رقم يزعلك"
طبعا كل الناس دى محدش كان عنده منهم فورد خالص , بس أغلبهم بيفهم فى العربيات , وأنا مش بفهم فيهم لأن أصلا دى هتبقى أول عربية
إنهرده بإذن الله رايح أشوف فيستا 1996 كامله بس التكييف محتاج صيانه , معروضه ب 22 .
أرجوكم فيدونى هل العربية الفيستا 96 دى حلوة ؟؟ هل هتتعبنى ولا إيه؟؟
ساعدونى من فضلكم..... وجزاكم الله كل الخير