السلام عليكم
انا معايا سيراتو 2010 وكنت عاوز اغير لمبات الواطى والعالى والشبورة بلمبات نور ابيض فرايكم اجيب Phillips Rally ولا Osram Night Breaker من غير ما اغير حاجة فى كهربة العربية واسعارهم ايه واجيبهم منين؟
شكرا مقدما لمساعدتكم.
عرض للطباعة
السلام عليكم
انا معايا سيراتو 2010 وكنت عاوز اغير لمبات الواطى والعالى والشبورة بلمبات نور ابيض فرايكم اجيب Phillips Rally ولا Osram Night Breaker من غير ما اغير حاجة فى كهربة العربية واسعارهم ايه واجيبهم منين؟
شكرا مقدما لمساعدتكم.
ناس كتير بتشكر فى الفيليبس رالى والإكستريم فيجن أكتر من الأوزرام - فيه موضوع هنا فى المنتدى تكرم الإخواة الأعضاء وكتبوه عن تعديل الإضاءة هحاول أجيبلك اللينك بتاعه
دى مقارنة بين أنواع اللمبات الفيليبس وإستخداماتها
http://www.nilemotors.net/Nile/450942-a.html
دعبس فى المنتدى هنا على مواضيع اللمبات الفيليبس والأوزرام والتنسجرام
هتلاقى الأعضاء عاملين الواجب وزيادة
انت لقيت الفيلبس رالى الاول لانها مش موجوده اساسا لو لقتها اشتريها وش بدون تفكير بس لازم تركبلها كتاوت والموضوع بسيط مش لعب فى الكهرباء ولا حاجه وخاصه لو كهربائى فاهم بس اهم حاجه تلاقى فيلبس رالى
انا مجرب Osram Night Breaker الاضائه كويسه بس مش وهميه يعنى يعنى اقوى من العادى بحاجه بسيطه مش فرق جوهرى خالص دا وجهه نظرى الشخصيه
انا لسه هاشترى بس قلت اعرف رايكم الاول وانا عرفت من الموضوع اللى بعتهولى الزميل رامى ان الاحسن لمبات ال Philips X-treme Vision ودى بتدى 100% اضاءة اضافية وده عن طريق انهم غيروا نوع الغاز المستخدم داخل اللمبة وخلوه غاز زينون وده نتج عنه ان اللمبة اضاءتها بقت اقوي لكن بنفس استهلاك الكهرباء وفي نفس الوقت الحرارة الناتجة نفس الحرارة الناتجة عن اللمبات الاستاندر لان الزينون بطبعه مش بينتج حرارة عالية ومن غير ما اركب كتاوت وسعرها على سوق.كوم 230 جنيه للواطى H1 و295 جنيه للعالى H7 بس كنت عاوز لو حد من الاخوة يفيدنى اقدر الاقيها فين فى التوفيقية او ش دمشق يبقى كتر خيره
السلام عليكم ورحمة الله وبركاته
بصراحة أنا ما شفتش إضاءة اللمبات بنفسى وهى راكبة - بس عن تجربة الأعضاء هنا وتجربة واحد زميلى إن الرالى أقوى فى فرش النور بتاعها بره المدينة - إنما X-treme Vision إضائتها قوية جوه المدينة أكتر لأن توجيه إضائتها قدام العربية بعكس الرالى بتفرش الإضاءة على مدى عرضى واسع مش طولى قدام العربية
أنا معايا عربية أخويا فيرنا 2009 - قريب جداً إن شاء الله هغير اللمبات بالرالى X-treme Vision بحيث إنى ما أبدأش بتركيب الكتأوت وربنا يكرم وتطلع كويسة بإذن الله زى ما الإخوة الأعضاء هنا تكرموا بالإفادة وزى ما كل فيديوهات الريفيو بتاعها بتقول
وربنا يكرم بالأحسن لينا كلنا
السلام عليكم ورحمة الله وبركاته
فعلاً زى ما أخونا أ/ احمد المصرى الرالى قليلة جداً وده برضه كلام كتير أوى من الإخوة الأعضاء هنا
بس هسأل علي اللمبتين الرالى والإكستريم فيجن إن شاء الله فى شارع دمشق - كانوا الرجالة هنا قالوا موجودة عند محل إسمه المدينة
نسأل عليهم إن شاء الله وربنا يكرم وتظبط الإضاءة شويه أحسن الواحد بقى بيشوف قدامه 2 متر بالعافية
اللمض الرالى موجودة فى محل المدينة اللى فى شارع دمشق بس عنده h1 وh7 فقط
وبعدين اللمض الرالى نورها اصفر يعنى مش زى الاكستريم فيجن ولا النايت بريكر وفى رأيى الرالى هى افضل من الاتنين.
اعتقد ان الرالى مناسبة اكتر للى بيسافر كتير لانها بتدي اضاءة قوية لكن مش مركزة امام السائق بمعني انها بتنتشر اضاءتها في كل الاتجاهات وده عشان تفي بالغرض الاصلي منها وهو ان السيارة في الجبل او الصحراء (علشان كده اسمها رالى) مش بتبقي ماشية بسرعة فمش محتاج طول اضاءة لمسافة بعيدة امام السيارة ولكن بيبقي محتاج قوة اضاءة في كل الاتجاهات ولذلك فاضاءتها مبعثرة لكن لو كل مشاويرك جوه البلد تبقى الاكستريم فيجن احسن.
بالمناسبة هى كود لمبات الشبورة ايه؟
حد متاكد انها موجوده فى محل المدينه فى شارع دمشق يا رجاله ولو حد قريب من شارع دمشق ياريت يقلنا علشان بجد عايزين نجيب الفيلبس رالى لانها ممتازه بشهاده الاعضاء
اسف لو دي دعايه بس حابب افيد دا لينك ممكن يكون عنده اللمبات
https://www.facebook.com/crazy.car.lights