مشكلة فى سكودا فليشيا ٢٠٠١
السلام عليكم
عندى يا جماعة مشكلة مش عارف سببها ايه، العربية بتدور الصبح على طول و بتمشى كويس لغاية ما ادخل فى الزحمة، بعد ١٠ دقائق تقريبا يبتدى الار بى ام ما يستجيبش طبيعى و بعدين لو انا مثلا واقف و اجى اتحرك على الاول مجرد ما ادوس بنزين تروح مبطلة ، ممكن لو لحقت اكارك بنزين ماتبطلش بس هى غالبا برضه بتبطل، و الشكمان بيفرقع لما اكارك بنزين، و بعد كدة مش بترضى تدور الا بعد ٥ او ٦ محاولات او ممكن اكتر، و بعد كدة تمشي طبيعى شوية لغاية ما المشكلة تتكرر تانى.
الحاجة التانية - غالبا مرتبطة بنفس المشكلة - و انا ماشى على طريق مفتوح و العربية طبيعية فجأة السحب يضعف، بس برضه اول ما ادوس مرتين تلاتة بنزين ورا بعض ترجع طبيعية زى ما كانت.
الحاجة التالتة ان الشكمان صوته عالى
العربية كان فيها من فترة مشكلة انها كانت بتاخر جدا فى الدوارة و بعد محاولات غيرت البوابة و حساس المياه (الحرارة) و حساس الكرنك. و المشكلة اتحلت ساعتها الحمد لله.
دلوقتى انا فعلا مش عارف ايه المشكلة.
شكرا يا جماعة