لو مش عايز تنزل تشتغل .اشتغل من بيتك بس اشتغل- شغل انترنت

طبعا مركز معاكو
اصل حال الشباب يصعب عالكافر
قاعدين فيسبوك وشات واتس اب علي ماسنجر
مبيرفعوش عينهم من الموبايل وكروش مدل دله ونظر ضعيف
طب عملت اي حاجه وانت بتضيع في عمرك وحياتك كدة في شات وتصفح للفيسبوك
ايه مدي الاستفاده اللي استفدتها
طيب شوف ناس استفادت من الانترنت ازاي وعملت فلوس

المقال الجاي من صفحه محمد الجوهري :

https://fbcdn-sphotos-c-a.akamaihd.n...43d1a45826778c

ده ماركيز برونلي .. طالب عنده 21 سنة خريج مدرسة كولومبيا الثانوية ودلوقتي بيدرس بيزنس وتكنولوجيا في معهد ستيفنز للتكنولوجيا
الجدع ده عنده يوتيوب تشانل بيتكلم عن التكنولوجيا وبالأخص الـ mobility
https://www.youtube.com/user/marquesbrownlee
عنده اكتر من 2 مليون subscriber و النائب الأول لرئيس جوجل السابق Vic Gundotra قال عليه انه من افضل الـ reviewer عالكوكب
ماركيز اتعامل مع شركات كبيرة زي Google و Samsung و Apple و LG و Sony و Motorola و HTC وغيرهم كتير
وكانوا هم الي بيبعتوله العينات علشان يعمل عليها مراجعات ويتكلم علي منتجاتهم
ماركيز بيصور فيديوهاته 4K بكاميرا RED EPIC-X MYSTERIUM-X تمنها من غير العدسات 20 الف دولار
ماركيز اول ما بدأ كان بيعمل screencasting يعني بيجيب صورة في الفيديو ثابتة ويقعد يتكلم عليها ويشرح وبعد كده بدأ يعمل tutorials وبعد ما الموضوع مشي معاه شركات السوفتوير طلبت انه يعملها فيديوهات شرح البرامج بتاعتها ومرة في مرة بدأ يعمل فيديوهات مراجعات الموبايلات والتابلت الي بنشوفها دلوقتي
ماركيز اتصنف رقم 18 في قايمة أكتر 20 شخصية مؤثرة علي الأنترنت تحت سن الـ 30
فيديوهات ماركيز اتعرضت علي قناة NBC ونزلت علي مواقع كتير زي The Verge و Gadget و Forbes و HuffPost و CNET و Time Magazine
قولي بقي اخبار الـ CV بتاعك ايه؟ ..... عملت update بالكورسات الي خدتها والشهادات الي جمعتها؟!

كلام جميل وفعلا اللي عاوز يشتغل بيشتغل

بس بما اني شاب زيه بس اكبر منه شوية ، الحياة في مصر هنا اصلا لوحدها مكافأة، يعني انك عايش ومتعايش هنا مع المجتمع دي لوحدها ميزة صعبة البني ادم سعى لها .

هنا سلطات فاسدة ومجتمع فاسد وضرايب وجمارك ووسايط وورشاوي ومحسوبيات ونظام حكومي من ال خمسينات مسيطر على البلد، فاللي بينجح في مصر ايا كان نجاحه اد ايه ده في حد ذاته نجاح ميقلش عن المستوى ده، والمجهود اللي المصريين بيبذلوه هنا لما بيبذلوا نصفه بره بيحققوا نجاح منقطع النظير.

الواد ده ريفيوهاته كلها جامدة وأول واحد بيعمل ريفيوهات لأي جهاز جديد بينزل بس بيعمل شغل عااالي

لو كان اينيشتين عايش في مصر كان زمانه عمل فرشه جرجير في الترجمان يسترزق منها :d

البلد دي بتقتل طموح اي حد لان اللي ماسكينها عايزين الناس تفضل جاهله طول الخط

شوف واحد زي باسم يوسف ابتدي من الصفر حصل فيه ايه

اه عمل فلوس و شهره عالميه مكنش يحلم بيها بس شوف الناس اللي عماله تشتم فيه

و التهديدات الشخصيه اللي حصلتله

علي رأي عادل امام: البلد دي مش عايزه مهندسين و دكاتره ... البلد دي عايزه صيع

اقتباس:

---

المشاركة الأصلية كتبت بواسطة باسم يوسف

لو كان اينيشتين عايش في مصر كان زمانه عمل فرشه جرجير في الترجمان يسترزق منها :d

البلد دي بتقتل طموح اي حد لان اللي ماسكينها عايزين الناس تفضل جاهله طول الخط

شوف واحد زي باسم يوسف ابتدي من الصفر حصل فيه ايه

اه عمل فلوس و شهره عالميه مكنش يحلم بيها بس شوف الناس اللي عماله تشتم فيه

و التهديدات الشخصيه اللي حصلتله

علي رأي عادل امام: البلد دي مش عايزه مهندسين و دكاتره ... البلد دي عايزه صيع

---

مع كامل احترامي لحضرتك
بس مين باسم يوسف ده ؟ بيشتغل إيه يعني ؟ أفاد المجتمع والبشرية بإيه ؟ ده واحد أراجوز وفي بهلوانات بيشتغلوا في الملاهي أشهر منه على فكرة
ده واحد صنيعة نظام لغرض معين ولما انتهى الغرض خد التذكرة وخلع زيه زي العشرات اللي زيه
مش عايزين ندي ناس أكبر من حجمها ونحطها في مقارنات مجحفة
يعني ماركيز اللي التوبيك بيتكلم عنه هنا أفضل آلاف المرات من الأراجوز ده لأن ماركيز بيفيد ملايين الناس من خلال ريفيوهاته لكن الأراجوز ده فايدته إيه في الحياة ؟!
آسف على الخروج عن السياق بس المقارنة العجيبة والمثال الغريب ده استفزني شوية

كل الناس اللى عماله تهاجم و تقول البلد و خلافه
و لو كان الناس دى هنا كان زمانهم فارشين جرجير

انا عايش برضه فى البلد و مش هاقول انها كويسه و انها بتشجع المواهب و خلافه

و لكن هاقول اللى عاوز يعمل حاجه بيعملها

هو لو اخدنا هذا الشاب كمثال , لامؤاخذه ايه اللى كان عنده غير اللى عندك

وصله نت و كمبيوتر و خلصت , و بدل ما تفتح اليوتيوب علشان تشوف مقاطع بلوتوث ساخنه (حزلقوم استايل ) او تشوف احدث الافلام فكر فى انك تعمل حاجه مفيده

و لو عاوزين امثله على ناس تانيه فى بلاد حالتها اسوء من مصر بكتييييير برضه موجودين

مثلا : الناس كلها بتشتكى من الكهربا سواء غلوها او انقاطعها طيب حد فكر يتعامل مع المشكله دى ازاى

هناك شاب افريقى احس بمشكله مشابهه و قرأ و علم نفسه و ابتكر طريقه يجيب بها كهربا

و علشان تعرفوا حال بلده , يكفى اقولكم ان الناس كانت فى قريته تقف عليه طابور علشان يشحنوا تليفوناتهم مش اكتر

ربنا يوفقنا لما فيه الخير

متابع جدا

الولد ده فعلاً هايل و فيديوهاته مميزة, أنا من فترة كنت بتفرج على reviews من اللي بيعملها أيام ما كنت بفكر أغير موبايلي..
و لفت أنتباهي فعلاً جودة تصوير الفيديوهات بالأضافة للمحتوى المتميز و طريقة العرض, و شدني برضه أن الأنجليزي بتاعه لكنته مختلفة عن لكنة الأمريكان السود و حسيت أن واحد أبيض اللي بيتكلم.. (مجرد ملحوظة مش عنصرية)..
هو عموماً الـYouTube بالنسبة للشباب بره و بالذات في أمريكا هو وسيلة لعرض المواهب و نافذة يتشافوا منها..
حتى طلع مصطلحات جديدة تطلق على الناس دي زي Youtuber أو VLogger و بقى بيتعمل ليهم مؤتمرات سنوية زي VidCon وفي غيره..
كمية الناس و المواهب اللي طلعت في الموضوع ده خزعبلية, و كمية أفكار مش طبيعية بتطلع من شباب صغير و في كمان أصغر من 21 سنة..
في ناس أستفادوا أوي في الحوار ده من حيث الشهرة و الفلوس, عن طريق عدد المشاهدين الكبير اللي بيحققوه ففي المقابل YouTube بتدفعلهم فلوس, بالأضافة للـSponsors اللي بيدفعوا مقابل أن حد يقول تقييم أيجابي للمنتج بتاعهم على القناة بتاعته فبتكون زي دعاية غير مباشرة ليهم..
أنا مستعجب أزاي مفيش ناس هنا قادرة تستفاد من الموضوع ده, قليل أوي أوي أوي لما بيعدي عليا فيديو عربي بيقدم أفكار زي الناس دي!!..

اقتباس:

---

المشاركة الأصلية كتبت بواسطة أبو آسر

مع كامل احترامي لحضرتك
بس مين باسم يوسف ده ؟ بيشتغل إيه يعني ؟ أفاد المجتمع والبشرية بإيه ؟ ده واحد أراجوز وفي بهلوانات بيشتغلوا في الملاهي أشهر منه على فكرة
ده واحد صنيعة نظام لغرض معين ولما انتهى الغرض خد التذكرة وخلع زيه زي العشرات اللي زيه
مش عايزين ندي ناس أكبر من حجمها ونحطها في مقارنات مجحفة
يعني ماركيز اللي التوبيك بيتكلم عنه هنا أفضل آلاف المرات من الأراجوز ده لأن ماركيز بيفيد ملايين الناس من خلال ريفيوهاته لكن الأراجوز ده فايدته إيه في الحياة ؟!
آسف على الخروج عن السياق بس المقارنة العجيبة والمثال الغريب ده استفزني شوية

---

أنا مش هجادل في حتة المحتوى اللي كان بيقدمه عشان نبعد عن أي نقطة خلاف, بس عايز أتكلم على الطريقة اللي عرفنا باسم يوسف من خلالها..
باسم يوسف أول ما طلع كان عن طريق اليوتوب, و حقق نجاح غير عادي و كمية مشاهدات غير معتادة على الوطن العربي..
النقطة كلها أن ده واحد كان عنده فكرة مختلفة عايز يعملها و بأمكانيات بسيطة قدر ينجح بيها, كل اللي كان محتاجه هو كاميرا و أنترنت و أوضة فاضية يصور فيها..

اقتباس:

---

المشاركة الأصلية كتبت بواسطة MTAK

كل الناس اللى عماله تهاجم و تقول البلد و خلافه
و لو كان الناس دى هنا كان زمانهم فارشين جرجير

انا عايش برضه فى البلد و مش هاقول انها كويسه و انها بتشجع المواهب و خلافه

و لكن هاقول اللى عاوز يعمل حاجه بيعملها

هو لو اخدنا هذا الشاب كمثال , لامؤاخذه ايه اللى كان عنده غير اللى عندك

وصله نت و كمبيوتر و خلصت , و بدل ما تفتح اليوتيوب علشان تشوف مقاطع بلوتوث ساخنه (حزلقوم استايل ) او تشوف احدث الافلام فكر فى انك تعمل حاجه مفيده

و لو عاوزين امثله على ناس تانيه فى بلاد حالتها اسوء من مصر بكتييييير برضه موجودين

مثلا : الناس كلها بتشتكى من الكهربا سواء غلوها او انقاطعها طيب حد فكر يتعامل مع المشكله دى ازاى

هناك شاب افريقى احس بمشكله مشابهه و قرأ و علم نفسه و ابتكر طريقه يجيب بها كهربا

و علشان تعرفوا حال بلده , يكفى اقولكم ان الناس كانت فى قريته تقف عليه طابور علشان يشحنوا تليفوناتهم مش اكتر

ربنا يوفقنا لما فيه الخير

---

أنا متفق معاك جداً..
الموضوع لا هو صعب و لا مكلف, لكن المشكلة محدش عايز يتحرك من على كرسيه..
في ناس من الـVloggers دول كل اللي بيعملوه أنهم بيصوروا حياتهم اليومية و ينزلوها على يوتوب, يعني معتقدش أن في فكرة أبسط من كده أصلاً...
الموضع مش مقتصر على الـYouTube بس على فكرة, في شباب كتير محققين شهرة و نجاح مش طبيعي عن طريق أستخدام الـSocial Media زي الفيسبوك أو أنستجرام..

اقتباس:

---

المشاركة الأصلية كتبت بواسطة dede_dodo88

أنا مش هجادل في حتة المحتوى اللي كان بيقدمه عشان نبعد عن أي نقطة خلاف, بس عايز أتكلم على الطريقة اللي عرفنا باسم يوسف من خلالها..
باسم يوسف أول ما طلع كان عن طريق اليوتوب, و حقق نجاح غير عادي و كمية مشاهدات غير معتادة على الوطن العربي..
النقطة كلها أن ده واحد كان عنده فكرة مختلفة عايز يعملها و بأمكانيات بسيطة قدر ينجح بيها, كل اللي كان محتاجه هو كاميرا و أنترنت و أوضة فاضية يصور فيها..

---

أنا مش بتكلم على مسألة بدابة شهرته كانت ازاي وانها كانت عن طريق يوتيوب وبعدين تعاقد مع قنوات فضائية وكده
أنا بتكلم عن المحتوى اللي بيعرضه
في فيديوهات عربية على يوتيوب برده بتحقق أرباح مهولة ومشاهداتها بالملايين أكتر من فيديوهات باسم يوسف ، بس محتواها عبارة عن المشهد المحذوف من الفيلم الفلاني وشاهد فلانة وهي عارية والكلام اللي عارفينه ده ! هل ده معيار للنجاح ؟ أكيد حضرتك بتقول لأ
نفس الكلام بالنسبة لباسم يوسف المحتوى اللي بيقدمه عندي لا يقل سفاهة وتضييعا للوقت عن المحتوى بتاع الفيديوهات دي ومش عشان في ملايين بيشوفوه يبقى ده نجاح لأن فيلم حلاوة روح أو عبده موتة بيحقق برده مشاهدات أكتر بكتير من برامج باسم يوسف !
أرجو تكون وجهة نظري وصلت وأرجو برده إن الخلاف في المسألة دي لا يفسد للود قضية لأني مش بتكلم من منطلق سياسي والله
أنا لو متناقض كان ممكن أعرض حالة لنجاح واحد من النوعية دي فيديوهاته الأسبوعية بتحقق ملايين المشاهدات وبتاخد المركز الأول باستمرار في المحتوى العربي يوتيوب ألا وهو ( جو تيوب ) وأنا شخصيا بشوفه مفيش مشكلة بس مقدرش آخده كمعيار للنجاح ويبقى مثال يحتذى به لأن من وجهة نظري برده فيديوهاته لا تفيد في شيء وليس لها أهمية زيه زي فيديوهات وبرامج باسم يوسف اللي الاتنين زيهم زي فيديو مسرحية العيال كبرت مثلا أو مدرسة المشاغبين كلها حاجات بنشوفها علشان نضحك ونرفه عن نفسنا شوية مش أكتر لكن في الواقع ليس لها أي قيمة في الحياة ومينفعش ناخدها كمعيار على النجاح !

بسم الله الرحمن الرحيم
الحمد لله والصلاة والسلام على رسول الله نبينا محمد خير خلق الله

ما شاء الله الموضوع حلو وكمان كل الردود حلوة بس هو فيه سؤال اذا كل الشباب أو أغلبهم بدأ ياخد موضوع التعامل مع الشبكة ومواقع التواصل بشكل مختلف وقرر فعلا انه يحاول يفيد غيره وكمان هو يستفيد السؤال هو ايه أقصى حد من النجاح ممكن يتحقق من خلال الطريق ده طيب سؤال تانى لو الشركات الى بتنتج الحاجات دى بطلت تنتج الشباب ده حيعمل ايه طيب لو بتنتج بس الانتاج ده مبيجيش بلدنا ايه الفايده زى دول افريقيا الفقيرة وده حاصل فعلا عندنا شوف اى هارد وير بينزل مصر بعد كام شهر واحيانا سنة والعربيات كمان وغيره ، طيب بلاش كل ده هو اصحاب الشبكة العنكبوتية اللعينة ديه لو قرروا انهم يقطعوا الشبكة عن العرب حيحصل ايه وليه مثلا البرازيل خلت الشبكة بتاعتها كلها على سيرفرات جوه البرازيل وكمان هو كام واحد من الملايين سكان بلدنا عنده دراسه واتقان لمجال ممكن يفيد الناس بيه والمنتديات العربية فى السوفت وير أو الهارد وير خير دليل بيكون فيه قليل من الناس بتعرف لغة كويس وقليل جدا بيكون ده مجال تخصصه هما الى بيقوموا بشرح السوفت وير أو الهارد وير علشان الشباب تفهم ازاى تستخدمهم وده بيكون بغرض غالبا الربح من خلال مواقع الرفع او رفع مستوى المنتديات من عدد الاعضاء والمشاركات يعنى الموضوع كله فلوس وارباح
طيب يعنى مينفعش الناس تفيد بعض من غير مقابل لازم شىء مقابل شىء واساسا الحاجة بالنسبة لنا استهلاك فقط وكمان بننتقد ونحلل
يبقى فى النهاية لازم ننتج حاجة وبعد كده كل واحد بيفهم فيها يحللها ويقدم فايده للناس عنها

سبحان الله العظيم وبحمده

انا شغال اونلين و الحمد لله بكسب كويس تصميم مواقع و اعرف ناس بتكسب فوق ال 2000 دولار شهريا من فيدوهات الشرح على اليوتيوب كلهم مصرين و عرب الحمد لله الناس بس تاخد بالها و تركز و تشتغل

طب انا بقالى فتره بفكر جديا اعمل موقع على النت
بس مش عارف مدى جدوى الفكره
وهل المواقع بتبقى مربحه فعلا ولا مجرد عائد بسيط
فى نفس الوقت لسه بفكر فى فكره موقع مميز ويكون جديد

الموضوع ده شاغلنى جدااااا

استاذ كريم ,موضوعك عن البنزينه عاجبني جدا
وكنت بسال عن طرمبة او بنزينة صغيرة تكلف كام والاجراءات وممكن تجيب تمويل بنكي

محدش ليه دعوه بالدوله
دول اسوء مننا بكتير بس اللي عايز يعمل حاجه بيعملها
مش تعمل موقع
مهم تعمل حاجه الناس محتاجاها واعملها باسلوب مبتكر
فيسبوك طلع في عز ما كان هاي فايف شغال
فايبر موجود مع واتساب
المهم تقدم فكر جديد وتبتكر
نايل موتورز نفسه طلع في ظل منافسين اقويا جدا
اشتغل واسعي بس


Mecha معذرة مش فاهم ايه موضوع البنزينه ده ؟

مع احترامي لوجهة نظركم
الجرجير اللي مش عاجبكم ده مفيد ومغذي جدا
..
والله لسة واكل جرجير الصبح مع سندوتشين فول من عند سيد .... زي الفل
مش معني انا مركيز ده نجح في الريفيوهات اللي بيعملها ان الجرجير وحش

السعي ورا لقمه العيش في مصر حط الناس في دوامه فمفيش عندهم وقت للابداع
وقت الابداع ده يشتغل فيه وياخدله مليمين زياده
بجانب اننا عندنا قاتلي الابداع ودول ماشاء الله عليهم
تخيل ان واحد مصري بيعمل اختبارات التصادم والخدش لايفون وجالاكسي مثلا
وعمال يخربش ويخبط فيهم ويحدفهم علي الاسفلت
حتلاقي كومنتات من نوعيه كنت اتبرعت بالفلوس دي للفقرا
ربنا يحرقك ويكسرك زي ما بتكسرهم
انت عبيط يلا
دا غير الشتايم بقي
الابداع محتاج تشجيع او قلب جامد +ماديات مش دايما بتكون متوفره
كمان لازم تقدم حاجه الناس محتاجاها
هو بيعمل ريفوهات لانظمه تشغيل وسط ناس وشعوب بتفاضل بين تكنولوجيات مختلفه ومدي ثبات النظام علي هارد وير مختلف
وحاجات كده كتير ملناش دعوه بيها
تعالي نحاول نقلده بقي
ايه اكتر حاجه الشعوب العربيه محتاجالها ريفيوهات نظرا لان اللي حيعمل الريفيو عربي وعاوز ينتشر بين شعوبه علشان يوصل للعالميه
حتعمل ريفيوهات سيارات مثلا للخليج ودي محتاجه يا تعملها بفلوسك يا تروح لشركه عربيات وتقنعهم يدولك عربيه تفرمها علي الاسفلت
او ريفيو للمكيفات والمخدرات ودي حتلاقي اقبال غير عادي
او ريفيو جنسي ودا حتتشهر برضه من وراه ولما تمسك فلوس حيبلغوا عنك علشان مبتدفعش ضرايب
باختصار
الابداع محتاج تشجيع ووقت فراغ
او محتاج ماديات
او عزيمه وتوفيق من ربنا
وانك تسد ودانك او تلغيهم

اقتباس:

---

المشاركة الأصلية كتبت بواسطة shnory

السعي ورا لقمه العيش في مصر حط الناس في دوامه فمفيش عندهم وقت للابداع
وقت الابداع ده يشتغل فيه وياخدله مليمين زياده
بجانب اننا عندنا قاتلي الابداع ودول ماشاء الله عليهم
تخيل ان واحد مصري بيعمل اختبارات التصادم والخدش لايفون وجالاكسي مثلا
وعمال يخربش ويخبط فيهم ويحدفهم علي الاسفلت
حتلاقي كومنتات من نوعيه كنت اتبرعت بالفلوس دي للفقرا
ربنا يحرقك ويكسرك زي ما بتكسرهم
انت عبيط يلا
دا غير الشتايم بقي
الابداع محتاج تشجيع او قلب جامد +ماديات مش دايما بتكون متوفره
كمان لازم تقدم حاجه الناس محتاجاها
هو بيعمل ريفوهات لانظمه تشغيل وسط ناس وشعوب بتفاضل بين تكنولوجيات مختلفه ومدي ثبات النظام علي هارد وير مختلف
وحاجات كده كتير ملناش دعوه بيها
تعالي نحاول نقلده بقي
ايه اكتر حاجه الشعوب العربيه محتاجالها ريفيوهات نظرا لان اللي حيعمل الريفيو عربي وعاوز ينتشر بين شعوبه علشان يوصل للعالميه
حتعمل ريفيوهات سيارات مثلا للخليج ودي محتاجه يا تعملها بفلوسك يا تروح لشركه عربيات وتقنعهم يدولك عربيه تفرمها علي الاسفلت
او ريفيو للمكيفات والمخدرات ودي حتلاقي اقبال غير عادي
او ريفيو جنسي ودا حتتشهر برضه من وراه ولما تمسك فلوس حيبلغوا عنك علشان مبتدفعش ضرايب
باختصار
الابداع محتاج تشجيع ووقت فراغ
او محتاج ماديات
او عزيمه وتوفيق من ربنا
وانك تسد ودانك او تلغيهم

---

هي دي وجهة النظهر يا شنر بالظبط

الدنيا في مصر مش بالسهولة دي ، احنا عندنا عصام حجي شوف وصل لايه والدولة اصلا مفكرتش تجيب عنه خبر 3 دقايق في النشرة !

ده مش معناه انك كله ميشتغلش بس الفكرة ان المصريين بيجتهدوا والله لكن مجهودهم على الفاضي ده غير ان اصلا مفيش تعليم في البلد علشان الشاب يعمل مشروع ، يعني هو درس ايه يخليه يعمل مشروع، هتقولي ما ملياردير قدامك اهه بدون تعليم، هنرجع ونقول انه عايش في دول متقدمة فيها حقوق ملكية وفكرية ودول متفتحة ومنتجة وهنا الشاب بيضيع عمره كله في انه يجمع حق شقة يتجوز فيها .

الملخص ان الدولة هنا لو بقت في ربع احترام الدول الأدمية هتشوف شعب مبدع في كل المجالات.

اقتباس:

---

المشاركة الأصلية كتبت بواسطة karim_monir

محدش ليه دعوه بالدوله
دول اسوء مننا بكتير بس اللي عايز يعمل حاجه بيعملها
مش تعمل موقع
مهم تعمل حاجه الناس محتاجاها واعملها باسلوب مبتكر
فيسبوك طلع في عز ما كان هاي فايف شغال
فايبر موجود مع واتساب
المهم تقدم فكر جديد وتبتكر
نايل موتورز نفسه طلع في ظل منافسين اقويا جدا
اشتغل واسعي بس


mecha معذرة مش فاهم ايه موضوع البنزينه ده ؟

---

موضوعك علي عن محطة بنزين وادارتها واظن اسمه يوميات مدير محطة بنزين

انسو الدوله و الى بيقول اختبارات الخدش الناس مش محتاجه هنا اختبارات الخدش اعمل ريفوهات للعربيات فى المعارض حد جربها ؟؟ و الله لو عندى وقت لاعملها روح معارض و اعمل ريفيو كامل للعربيه و قول مميزاتها و عيوبها هنا فى مصر واحده واحده هتبقى ملك و المعارض هى الى هتبعتلك طبعا ده لو انت بتفهم فيها و اسلوبك خلى الناس تحب تتفرج عليك

دور على الى الناس عايزاه و استخدم جوجل ترند عشان تعرف الناس بتتبحث اكتر عن ايه

انسو ام الدوله انسى ام قاتلو الابداع دول قوم اشتغل اعمل لنفسك فرصه عمل بعيدا عن الدوله و مجالها و اقتصادها الواقع و بعيدا عن الجنيه المدمر

الناس دي في دول ضايعه
اول بدايه ليه كان صوره وتعليق بس
لا كسر ولا اختبر
قال تعليقه
ابتكر نجح
عارفين موقع بكام فكرته ايه
بيجبلك سعر كل سلعه من المواقع المختلفه
لا باع ولا اشتري
عمل فكره ونفذ نجحت صرف وكبرت اكتر
الموضوع مش بسيط ومش سهل
لكن ممكن وموجود
الانترنت اتصال مفتوح للعالم
هول تكون مرسل مش مستقبل
حاول تكون حضاري مش متحضر
علموني في كورسات الماركتنج الفرق بين الحضاري والمتحضر
ان الحضاري هو اللي بيصنع الحضاره
هو اللي صنع الكرسي الخشب
المتحضر هو اللي قعد علي الكرسي بدل ما يقعد علي الارض

دي فكرتي و وجهة نظري
ليه منعملش
انتو عارفين ان المحتوي العربي علي النترنت هو اقل محتوي في العالم
عارفين اننا ممكن نعمل محتوي لاي مجال ونكبره وننميه ولو نجح تلاقي ناس رعاه يدخلو يدعموك بفلوس
عارفين ان موقع امازون قعد من سنه 94 الي سنه 99 تقريبا ميكسبش فلوس في جيبه كل اللي يكسبه يحطه في المكان ويكبره لحد ما بقي امازون
سوق وجوميا وبلا بلا بلا مقالوش ما في امازون خدو الفكره وطبقوها في المدن العربيه مصر والخليج وغيرها
بس بدئو
لقيت فكره انجليزي عربها
لكن متستلمش
ومتضيعش عمرك في الشات
والله ولا هاتستفيد باي حاجه لا معلومه ولا ماديا ولا اي حاجه
قاتل للوقت والعمر

وادي مثال تاني بدء وبقي ليه متابعين
لا عنده موقع ولا سيرفر ولا بيدفع هوستنج ولا مانجمنت
اكونت علي يوتيوب وبدء واشتغل

موكاكي ريفيوز
https://www.youtube.com/watch?v=_qtCnRrMQlA

اقتباس:

---

المشاركة الأصلية كتبت بواسطة Karim_Monir

وادي مثال تاني بدء وبقي ليه متابعين
لا عنده موقع ولا سيرفر ولا بيدفع هوستنج ولا مانجمنت
اكونت علي يوتيوب وبدء واشتغل

موكاكي ريفيوز
https://www.youtube.com/watch?v=_qtCnRrMQlA

---

بصراحة مش بثق فى اراءه اوي دة غير انه قليل الادب و بيشتم علي العلن

Sent from my Nexus 5 using Forum Runner

طب انا عايز افهم حاجه
الناس دى بتكسب ازاى من وراء الريفيوز
يعنى بيكسب من الاعلانات اللى بتنزل على القناه بتاعته ؟؟؟؟

اقتباس:

---

المشاركة الأصلية كتبت بواسطة besso

طب انا عايز افهم حاجه
الناس دى بتكسب ازاى من وراء الريفيوز
يعنى بيكسب من الاعلانات اللى بتنزل على القناه بتاعته ؟؟؟؟

---

يوتيوب يتبع جوجل بتفتح حساب يوتيوب و منه حساب جوجل ادسنس و جوجل بتحط اعلانات نصيه و صوريه و فيديو الى هو بيبقى فى اول الفيديو و فى نصه و بتدفعلك الدولارات من خلال جوجل ادسنس بالدولار عن طريق ويسترن يونيون كل شهر

اقتباس:

---

المشاركة الأصلية كتبت بواسطة Karim_Monir

الناس دي في دول ضايعه
اول بدايه ليه كان صوره وتعليق بس
لا كسر ولا اختبر
قال تعليقه
ابتكر نجح
عارفين موقع بكام فكرته ايه
بيجبلك سعر كل سلعه من المواقع المختلفه
لا باع ولا اشتري
عمل فكره ونفذ نجحت صرف وكبرت اكتر
الموضوع مش بسيط ومش سهل
لكن ممكن وموجود
الانترنت اتصال مفتوح للعالم
هول تكون مرسل مش مستقبل
حاول تكون حضاري مش متحضر
علموني في كورسات الماركتنج الفرق بين الحضاري والمتحضر
ان الحضاري هو اللي بيصنع الحضاره
هو اللي صنع الكرسي الخشب
المتحضر هو اللي قعد علي الكرسي بدل ما يقعد علي الارض

دي فكرتي و وجهة نظري
ليه منعملش
انتو عارفين ان المحتوي العربي علي النترنت هو اقل محتوي في العالم
عارفين اننا ممكن نعمل محتوي لاي مجال ونكبره وننميه ولو نجح تلاقي ناس رعاه يدخلو يدعموك بفلوس
عارفين ان موقع امازون قعد من سنه 94 الي سنه 99 تقريبا ميكسبش فلوس في جيبه كل اللي يكسبه يحطه في المكان ويكبره لحد ما بقي امازون
سوق وجوميا وبلا بلا بلا مقالوش ما في امازون خدو الفكره وطبقوها في المدن العربيه مصر والخليج وغيرها
بس بدئو
لقيت فكره انجليزي عربها
لكن متستلمش
ومتضيعش عمرك في الشات
والله ولا هاتستفيد باي حاجه لا معلومه ولا ماديا ولا اي حاجه
قاتل للوقت والعمر

---

اديني يا عم كريم الواحد محتاج الجرعة دي من زمان علشان حاسس إنه بقى في الضياع واليوم بيخلص ما بين الفيس بوك ونايل موتورز وآخر الليل الأحلام الوردية الجميلة :breakpc1:

والله حسين يا ابو اسر علي الل يبيضيعو عمرهم في الفيسبوك والشات
خاصه الشات
كارثه غير طبيعيه
اقعد ارغي بالساعات ليه
في حاجه عايز تقولها اعمل مكالمه وخلصها
طب شوف كلام مفيد
مش عايز تدور علي موقع مفيد نزل كتاب ولا اتنين واقراهم
كتاب مش روايات
كفايه تضيع وقت وعمر بجد