السلام عليكم
انا معايا ابيزا 2001 , 1000 سي سي
العربية حلوة بس بدأت الاحظ حاجة غريبة
انا اول مرة اركب عربية الف سي سي فمش عارف ده شئ طبيعي ولا لاء
العربية كل ما ادوس بنزين جامد اسمع صوت كركرة
في الاول كنت مفكر انه عيب بنزين , فعملت سرفسة كاملة غيرت فلتر بنزين و هواء و عملت منظف انجيكشن و بحط فيها 92 و غيرت بوجيهات
بس لسه الحوار ده موجود
ممكن تكون الكركرة دي كهربا مش مضبوطة ؟
لو عايز افرق بين انها مشكلة كهربا ولا بنزين . ايه الاجراء اللي اعمله عشان اتأكد
تاني حاجة لاحظتها بردو
كم مرة كده اجي ادوس بنزين عشان العربية تجري , الاقيها مخنوقة قوي . افضل ادوس الاقيها مخنوقة برده و فجأة تفتح لوحدها و تجري
هل كده الموضوع دخل في نطاق "طلمبة بنزبن" ؟
و معلش ع الاطالة , جزاكم الله خيرا .