الموضوع: شركات الطيران فى العالم ومصر الطيران من اقوى الشركات

أليتاليا أحد أسوأ شركات الطيران في العالم وطياريها دائما معروف عنهم أنهم أسوأ طياري العالم كفاءة
هي ممكن من وجهة نظر الرخص تكون أرخص في أوقات محددة من العام
مشكلتهم التدقيق بإفتراء في الوزن وغلاء سعر الشنطة التانية
أفضل شركات الطيران في العالم وفقا للإحصاءات العالمية وأفضلهم سعرا كمان "أوقات العروض والخصومات" الإمارات والقطرية ودول بيتناوبوا المركز الأول والثاني عالميا كل سنة

من الشركات العربية برده موجود طيران الاتحاد الإماراتية ودي المركز التامن على العالم
لوفتهانزا هي الشركة الأوروبية الوحيدة المحترمة والباقي كله أقل من العادي وموشك على الإفلاس وده اللي دفع شركات زي كيه إل إم الهولندية للتحالف مع الأخرى الفرنسية إير فرانس

أميريكيان إيرلاينز على سبيل المثال أحد أفشل وأحقر وأبخل شركات الطيران في العالم ومعاها دلتا والبريتيش إيروايز
مصر للطيران على عكس ما يتوقع الجميع إلا المجربين هي أحد أنضف طائرات العالم وأجودها ودي كانت مفاجأة ليا أنا شخصيا وأنا مسافرة عليها مرة .. وعلى فكرة هي شركة غالية في السعر مهياش شركة أونطة يعني
العربية وفلاي دبي دي شركات طيران اقتصادي رخيص للعاملين في دول الخليج والعمالة في أغلب الأوقات الهادفة للتوفير الكبير بدون البحث عن خدمات مميزة على الطائرة " وسيلة مواصلات وبس يعني "
لازم تقارن الأسعار زي ما الأدمن قال في مواقع كتير ممكن تعمل بيها كده


لكن نصيحة
دايما لما تقارن أدخل في كل الأوقات على القطرية والإمارات والاتحاد لأن دايما فيها عروض أسعار أغلب الأوقات
حاول تشوف مزايا الحجز بالفيزا كارد لأن بعض المواقع الكبيرة بتعمل خصومات تصل ل25% لو حجزت بالفيزا
لو بتدور على الفخامة والرقي هيكون القطرية والإمارات وخاصة لو معاك أطفال هيدوهم لعب وشوكولاتة وحاجات كتير هتهبلهم ورفاهية ملحوظة
نصيحة برده حاول تسجل نفسك في عضويات شركات الطيران وعندك تحالفين عملاقين زي تحالف وان وورلد وده فيه شركة فخمة اللي هي القطرية وده تالت أكبر تحالف طيران في العالم

وتحالف ستار أليانز ده اللي فيه مصر للطيران والعجيب إنه أكبر وأول تحالف طيران في العالم
وفيه تحالف تاني اسمه سكاي تيم بس ده تحالف فاشل وشركاته كلها تعبانة رغم انه تاني أكبر تحالف شركات طيران في العالم
وسجل نفسك في برامج مكافآت طيران الإمارات اللي اسمه سكاي أووردز
مزايا التسجيل في البرامج دي إنها بتديك مزايا في الوزن وخصومات في السعر وشنطة زيادة في الشركات اللي ملكش فيها غير شنطة واحدة وزن