طريقه نقل الغيار الصحيح باستخدام ال rpm

**iEgyptian** · 10-12-2014 04:11 AM

السلام عليكم اخوانى الأعزاء أرجو من اصحاب الخبره الرد على سؤالى البسيط ..انا معايا ام جراند وكنت اتسأل ما الصح عند نقل الغيار انا كنت بنقل الغيار حين وصوله 2.5 rpm ولكن الان بنقل عند وصول 3.00 rpm وحاسيت فرق واضح فى سحبه وسرعه العربيه ..ولكن السؤال على انا بعمل ألطريقه الصحيحه على يكون هذا له تأثير على البنزين او الموتور وايه الصح !! شكرًا مقدما على إجابتكم ..تقبلوا تحياتي ...

**mhmd_farouq** · 10-12-2014 07:46 AM

يا باشا انت معاك تنقل في اي وقت طالما مبتحرقش عالاحمر في الار بي ام .. ممكن تغير عند 4 او 5 كمان بس الفكره انت محتاج ايه من العربيه عايزها جرايه وبتاعه شد تسيب لفات الموتور تزيد وتحرق اكتر .. عايز تريحها انقل بدري .. على رأى عم فورد ريحها عالمطبات ودلعها في الغيارات .. رأي بلاش تحرق عالفاضي وانقل على 2.5 كده .. تحياتي

**exelence** · 10-12-2014 08:16 AM

انا لما باسيب ال rpm يوصل لبعد ال 2.5 باحس ان صوت الموتور عالى

**bassemali** · 14-12-2014 09:21 PM

بس 2.5 اربي ام ف الجيلي يخلي سحبها ضعيف لان العربيه وزنها تقيل زي عندي ف الاسبرانزا العربيه وزنها تقيل فسحبها تقيل عشان كده انا بنقل ف الاسبرانزا على 3 كل الغيارات ماعدا الخامس على 3.5 عشان لما بيكون الار بي ام على 3 بتبقى العربيه ماشيه على 90 وطبعا مش هحط الخامس على 90 عشان عزم العربيه هيموت ... لكن لما اوصل 3.5 بيقبى 100 وشويه ساعتها بديها الخامس والحمد لله ماشيه بدون اي مشاكل ... فرأيي انك بتتصرف صح لما تنقل على 3 ار بي ام .

**ARKOON** · 14-12-2014 10:38 PM

محرك 1.5 ووزن العربية ار بي ام 3 مناسب جدا ولو عاوز تعود الماتور على الجري هتزود شوية ولو عاوز تخلي العربية هادية على 2.5 زي الفل بس ممنوع تنقل والار بي ام عند المنطقة الحمرا red zone والعربية عند سرعة 30 كم بيزيد استهلاك اللحظي للبنزين وبعد كدا بيقل واحسن سرعة ليها 90 على الغيار الرابع والار بي ام على 2.5 بيكون احسن سحب واقل استهلاك للبنزين .