تقييم سريع الفورد فوكس ٢٠١٤ بعد تجربة القيادة

السلام عليكم

حبيت بس أشاركك رأيي البسيط في الفورد فوكس ٢٠١٤ بعد تجربة القيادة

اولا: الإحساس العام داخل السيارة جميل جدا من ناحية جودة التصنيع و شكل التابلوه و العدادات ، الصالون مش واسع بالذات من الكنية الخلفية بس مش ضيق لدرجة عدم الراحة.

ثانيا: العزل الداخلي للصوت رائع جدا صوت العربية ناعم قوي و تحس بالقوة مع ضغط البنزين

ثالثا: القيادة على الطريق احساس رائع بالثبات و القوة، الاستجابة عاليه و في نفس الوقت مع تحكم كامل في كل حركة، الإحساس العام بالطريق من ناحية المطبات و الملفات و كل ما نواجه يوميا رائع، العربية ثابته و فعشت ها مريحه قوي و سواقتها ممتعه فعلا.

رابعا: العربية انزله باوبشنز جامده قوي ، و التصنيع الماني و ده واضح جدا في جوده كل حاجة في العربية.


بالنسبة للتوكيل و خدمة ما بعد البيع و ده شيء مهم جدا بالنسبة لي انا مش عارف عنهم حاجة خالص و عايز الأعضاء المحترمين يفيدونا بخبراتهم.


شكرًا للجميع

ألف مبروك .. وربنا يبارك ويكفيك شرها.
وياريت تفيدنا في إستهلاك البنزين للعربية من واقع التفويل مش من واقع الكمبيوتر..
وأيضا تابعنا بمركز الخدمة والصيانات الدورية

الف مبروك ، انا شاري العربيه الشهر اللي فات و كنت بفكر اعمل موضوع عنها وحضرتك سبقتني ، انا جبت سبورت تريند ومرتاح فيها جدا ومتفق معاك في كل اللي قولته بس بحس احيانا لما تهدي علشان مطب مثلا وترجع تاخد سرعتك ان العربيه مخنوقه ومرة واحدة تنتش وتطلع بسرعتها ، انا عامل حسابي حشوف المشكلة ديه معاهم في صيانة الالف بس المشكلة ديه حصلت مع حد تاني ولا عندي بس.

اقتباس:

---

المشاركة الأصلية كتبت بواسطة dovy999

السلام عليكم

حبيت بس أشاركك رأيي البسيط في الفورد فوكس ٢٠١٤ بعد تجربة القيادة

اولا: الإحساس العام داخل السيارة جميل جدا من ناحية جودة التصنيع و شكل التابلوه و العدادات ، الصالون مش واسع بالذات من الكنية الخلفية بس مش ضيق لدرجة عدم الراحة.

ثانيا: العزل الداخلي للصوت رائع جدا صوت العربية ناعم قوي و تحس بالقوة مع ضغط البنزين

ثالثا: القيادة على الطريق احساس رائع بالثبات و القوة، الاستجابة عاليه و في نفس الوقت مع تحكم كامل في كل حركة، الإحساس العام بالطريق من ناحية المطبات و الملفات و كل ما نواجه يوميا رائع، العربية ثابته و فعشت ها مريحه قوي و سواقتها ممتعه فعلا.

رابعا: العربية انزله باوبشنز جامده قوي ، و التصنيع الماني و ده واضح جدا في جوده كل حاجة في العربية.


بالنسبة للتوكيل و خدمة ما بعد البيع و ده شيء مهم جدا بالنسبة لي انا مش عارف عنهم حاجة خالص و عايز الأعضاء المحترمين يفيدونا بخبراتهم.


شكرًا للجميع

---

السلام عليكم

بص انا اتعاملت معاهم في صيانة ال 1000 و كانوا ناس محترمين .. و الناس اللي اتغاملت مع عبد اللطيف جميل قبل كده قالوا عليه كويس ..
اتمنى انه يفضل كده غلى طول ..

اقتباس:

---

المشاركة الأصلية كتبت بواسطة eng_amg

ألف مبروك .. وربنا يبارك ويكفيك شرها.
وياريت تفيدنا في إستهلاك البنزين للعربية من واقع التفويل مش من واقع الكمبيوتر..
وأيضا تابعنا بمركز الخدمة والصيانات الدورية

---

بص انا نص طريقي كل يوم زحمة و النص التاني متقدرش تقول عليه سريع بس مبيقفش كتير و متوسط الاستهلاك من كومبيوتر العربية و من التفويل (تقريبا زي بعض) في حدود من 8 - 9 لتر / 100 كم و ده بالنسبة لعربية 1600 cc و 125 حصان فاعتقد ان ده معقول جدا ..

اقتباس:

---

المشاركة الأصلية كتبت بواسطة yehiaramadan

الف مبروك ، انا شاري العربيه الشهر اللي فات و كنت بفكر اعمل موضوع عنها وحضرتك سبقتني ، انا جبت سبورت تريند ومرتاح فيها جدا ومتفق معاك في كل اللي قولته بس بحس احيانا لما تهدي علشان مطب مثلا وترجع تاخد سرعتك ان العربيه مخنوقه ومرة واحدة تنتش وتطلع بسرعتها ، انا عامل حسابي حشوف المشكلة ديه معاهم في صيانة الالف بس المشكلة ديه حصلت مع حد تاني ولا عندي بس.

---

انا زيك بالضبط مع اختلاف اني جبت سبورت بلاس ..
اللي حضرتك بتقولوا ده طبيعي جدا على فكرة علشان لما بتهدي في المطب الغيار بينزل من نقلة عاليه لنقلة اقل او نقلتين على حسب سرعتك و في الفوكس الفتيس دوال كلتش اللي هو 2 جير بوكس .. فلما بتهدي هو بيعمل حسابه انه هينقل عند نقة معينة من الجير الاول مثلا و لما تهدي اكتر بيضطر انه يقلل النقلة فيروح للي قابليها اللي بتبقى على الجير التاني ف عبيبقى متردد شويه في النقل فانت بتحس بالنتشة ديه .. نصيحة من اخوك لما تهدي او ياخد مطب و تيجي تطلع بعد كده اطلع بهداوة و متكبسش اوي على النفلة و مش هتحس باي خنقة او نتشة ..

يا جماعة انا بس رحت اختبر العربية بس ان شاء الله ناوي اشتري قريب، بس انا بفكر في السبورات بلس عشان فقط مثبت السرعة، السؤال بقى هو ممكن يركب على السبورت؟؟ ولا مفيش الكلام ده