بعد بحث كتير اكرمنى الله بسيراتو 2006 اوتو برجاء من الاعضاء الكرام النصح والمشوره

الحمدلله بعد 3 سنوات مع عربيتى اللانوس 1 والعشره الطيبه اللى بجد عمرها ما قصرت معايا ولا زعلتنى وبجد شوفت معاها ايام ماتتنسيش وكتير استحملت حاجات ماتخيلتش انها ممكن تتحمل بجد عربيه اصيله لدرجة انى صعبان عليا ابيعها بس هى دى سنة الحياة التغير وبفضل الله ربنا اكرمنى بسيراتو 2006 اوتوماتك واتمنى من الله تكون عند حسن الظن وربنا يباركلى فيها ويكون اختيارى موفق فبرجاء من الاعضاء المحترمين بعد انتقالى من منتدى اللانوس الى الكيا اعطائى النصح والارشاد فى التعامل مع السيراتو واول شئ يجب ان افعله من صيانه او اى شئ اخر واسف على الاطاله ولكم جزيل الشكر :ask:

الف مبروك يا باشا ربنا يديك خيرها ويكفيك شرها حضرتك هتعمل الصيانة المعتادة من سيور وبويجهات وزيوت وتراجع على زيت الفتيس وتشوف اخباره ايه

الف مبروك و ربنا يديلك خيرها و يكفيك شرها و يحفظهالك من كل سوء
# لازم تعمل صيانه كامله للعربيه
تغيير زيوت و فلاتر و تشوف حاله السيور - تغيير بوجيهات - تنظيف البوابه - الكشف على العفشه و تغيير الأجزاء اللى محتاجه تغيير - حدد حاله البطاريه و الكاوتش
# تأمين العربيه انذار + وحده فصل اداره او فصل طلمبه البنزين

الف شكر على اهتمامك وردكم وربنا يباركلكم بس كان عندى بعض الاستفسارات انا سمعت ان سير الكاتينه بتعها حديد يعنى مابيتغيرشى ولا بليه الكاتينه صح ولا غلط وياترى فلتر زيت الفتيس بيتغير ولا داخلى جوه الفتيس مابيتغيرشى وزيت الفتيس اغيره ولا لاء واسف على الاستفسارت الكتيره بس انا بحب اعرف ولما اروح عند صنايعى ابقى فاهم قبل مايشتغل ولو فى حد كويس اشترى منه قطع الغيار سواء فى شارع شبرا او دمشق يكون محل ثقه وقطع غيار اصلى

الف مبروك و ربنا يديلك خيرها و يبارك لك فيها

ربنا يبارك لك فيها يا باشا .. ممكن اعرف السعر وماشية اد ايه وحالتها؟

شكرا على مروركم وربنا يبارك فيكم هى 2006 خليجى مش مصرى جنوط وايرباج وفبريكه كلها ماشيه 90 الف كيلو وخلصتها على 75 الف ياترى ده سعر مناسب ولا غاليه ؟ انا شايف انك معاك سيراتو 2006 ممكن اكلمك على الموبيل عشان اعرف بعض التفاصيل عن العربيه زى قطع غيار ومراكز صيانه لو امكن وتكون فرصه نتعرف على بعض يا timtim

ألف مبروك وربنا يبارك لك فيها.

Sent from my GT-N8000 using Forum Runner

الف مبروك يا باشا

الله يبارك فيم جميعا بس ياريت لو حد يقد يرد عليا فى اسائلتى وكتر خيركم