الموضوع: معادلة التسعير المصرية

لما كنت فى الرياض كانت العربيات برخص التراب ، يا اساتذة ايه علاقة رخص اسعار العربيات بالمرور
1- العمر الافتراضى للعربية المصنعة حديثا حوالى 6 سنين صيانة خفيفة ثم 4 سنين صيانة اثقل ثم عمرات وتغييرات ، يعنى لما ترخص العربيات هما 4 الى 6 سنين وترمى العربية من فوق الجبل .
2- لما ترمى عربية سيادتك الذى يصل عمر السيارة فى السوق المصرى الى 30 و40 واحيانا 50 سنة (فيه عربيات نقل من الاربعينات من القرن الماضى)ولا تكهن نبقى حصرنا نفسنا فى عربيات قديمة علشان الجديد غالى
3- فى اوروبا على حسب مابرموا العربيات هما 3 او 4 سنين ويتخلص من العربية ليه ؟
لانها من 10 الى 12 او حتى 16 الف دولار وهوة بيأخذ من 3 الى 6 الى 9 الى 12 الف دولار فى الشهر يبقى العربية دى عنده ولا البسكلتة ، يرميها ولا يبص لها
لو رخصت السيارات هاتتحسن مستوى العربيات فى مصر ، وستدخل شريحة جديدة للسوق (تدخل ياسيدى ماهم بنى آدمين)
نغلى البنزين فنحجم الاستهلاك وكل واحد يلزم جحره ، هايفكر يتقمع بالعربية ولا يأخذ مواصلات ، وهايفضل المواصلات فى المناطق المزدحمة بس يبقى عنده عربية للطوارئ
فى الخليج اسعار العربيات نصف قيمتها فى مصر ونازل ، يعنى العربيات فوق 2400 سى سى بتبقى ثلث او حتى ربع ثمنها فى مصر وممكن تصل للخمس،ده كلام معقول كده
ارجوا ان تنخفض اسعار السيارات فى مصر لانها لم تعد رفاهية وخاصة فى المناطق البعيدة(الرحاب - الشروق- التجمع الخامس- العبور -العاشر من رمضان - 6 اكتوبر- الشيخ زايد- او حتى الاقاليم)

المشاركة الأصلية كتبت بواسطة SuccessCre8or

BiZaholic ...
عندك حق المشكلة فينا احنا بس مش كل الناس تقدر تشترى اوروبي ( طبعا الاوروبي افضل فى الأمان و الثبات ... مفيش كلام ) بس الناس بتدور على العربية اللى بتتطلب اقل مصارثف تشغيل ...

حضرتك لو بسيط على اسعار العربيات الجديدة دلوقتى هتكتشف ان العربيات الاوروبى بعضها سعره اقل من اليابانى و بعضها فى نفس مستوى السعر و البعض الاخر اعلى بحاجة بسيطة

هتقولى قطع الغيار... هقولك زمان كان اليابانى قطع غياره غالية جدا لحد لما انتشر و بعد كده قطع غياره بقت مترمية على الرصيف و رخيصة

الشعب هو اللى بيتحكم فى سعر العربية و فى شعبيتها بس احنا اللى مش واخدين بالنا

مع احترامى لكل اللى راكبين اللانسر قبل ما تنزل الكرستالة كانت الالنسر دى ولا حد يسمع عنها و نزلت الكرستالة و كسرت الدنيا فى مصر ( لانها كانت انجح موديلات اللانسر فى التاريخ ) و من ساعتها بقت مصر عندها وهم اسمه ميتسوبيشى لانسر و بتتحجز العربية بأعداد كبيرة جدا من قبل ما تنزل السوق اصلا و من قبل ما الناس تشوفها

و من ساعتها و التوكيل كل شوية عمال يغلى فى سعرها و اهو وصل بيه انه بقى يقلد غبور و حاطت موديلين فى السوق الشكل القديم و الجديد

يبقى احنا اللى نستاهل اللى التوكيلات بتعملوا فينا ولا لاء ؟

يا جماعة السيارة ليست رفاهية او منظرة او عشان تطلع فيها بنات السيارة هى وسيلة انتقال وموضوع

انة اذا رخصت العربيات كل الناس حا تشترى دة كلام غير صحيح السيارة لها تكلفة سواء للصيانة او البنزين

ومش يقدر علية الموظفين يا عم لانة يادوب بيقدر يجيب كيلو لحمة من المرتب كل اول الشهر وانا اقترح

ان تكون السيارات جمركها حوالى 15% من القيمة الاجمالية من غير موضوع السى سى ده لكل

من لدية سكن خارج القاهرة ويعطى لوح لون تانى يمنع فيها من الدخول الى القاهرة فى مواعيد خاصة

واذا اراد ان يدخل يدفع رسوم دخول الى القاهرة ودة راى وحل تانى لكل من يعارض تخفيض الجمارك

موضوع تانى ذى صلة

http://www.nilemotors.net/Nile/showt...t=37954&page=3

الشعب المصرى على مر العصور شعب سلبى مغلوب على امرة يرضخ لقوانين الحاكم من اتاوات مهما عمل فية لا يقف فى وجة الظالم

يقول الله تعالى: ﴿.. إن الله لايغير مابقوم حتى يغيروا مابأنفسهم وإذا أراد الله بقومٍ سوءً فلا مرد له ومالهم من دونه من والٍ ﴾[ الرعد:11]


ودة تفسير الاية الكريمة
http://www.quranway.net/index.aspx?f...em&id=323&lang

المشاركة الأصلية كتبت بواسطة أبو عبدالله

يا اخواني اعذروني
ولكن العيب فيا قبل ما يبقى فيهم
ما هو لو ملقوش حد يتري العربيات دي مكنش سعرها طلع كده

+100000000000000000000