ليه العربيات هنا اغلى من اي دولة تانية جارتنا او بعيده عننا ؟؟؟؟؟
- ناس بتقول لو الجمارك اتشالت ...العربيات هترخص ....و بالتالي الشراء هيزيد و تزيد العربيات في الشوارع ...اللي هي اصلا مش ناقصة ....و بالتالي هتحصل ازمة كبيرة جدا في المرور (وطبعا دي تبقى ازمة الناس و الشعب لانهم عيزين يبقوا بنأدمين يركبو عربيات)....النتيجة ان الجمارك تفضل زي ما هيا
- ناس تانية تقول ان الجمارك تتشال ...ويزودوا تراخيص العربيات ...ويغلو البنزين ويشيلو من الدعم ....عشان محدش يشتري عربيات كتير ...ومتحصلش زحمة (وده طبعا هيجي برده على المواطن الغلبان اللي بيحلم انه يبقى عنده عربية ويقعد كل سنة يفكر في ال3000 جنيه بتوع ترخيص ال 1300 سي سي ..وكمان فلوس البنزين اللي هتكلو العربية)
-وطبعا يرجعوا الناس الاولنين و التانين يقولوا ان الجمارك تفضل ...وكمان نغلي التراخيص ...وكمان نغلي البنزين ...عشان الزحمة تقل
يعني عشان معندهمش خبرة ولا عايزين يفكروا ولا عايزين يصرفوا بحق الله وبكل ضمير عشان يحلو مشكلة الزحمة..
.يبقى مفيش غير الشعب الوحش اللي مسببلهم كل الصداع ده اللي دايما عملهم قلق وهما راكبين المرسيدس في طريقهم لشغلهم ومش عارفين يستمتعوا بالرفاهية اللي فيها ...هو اللي يدفع التمن عشان يبقى بني ادم ويركب عربية يعافر فيها في شوارع المحروسة
ياترى الحل هيجي امتى ...مش هنقول تغيير العربية ...نقول امتلاك عربية شئ متاح وسهل ...
المفضلات