هيونداى تكشف رسمياً عن طرازها الجديد كلياً i20 2015 بنسختيها

عرض للطباعة

10-12-2014, 08:37 PM
Mohamed.Ramah

http://nileup.com/up/uploads/nilemotors_14182362361.jpg

ازاحت شركة هيونداى الكورية الستار عن صور الجيل الجديد من سيارتها المميزة هيونداى i20 -2015 والتى تسوق فى الهند بأسم Elite i20 التى تم عرضها بمعرض باريس الدولى للسيارات ، حيث أعلن حينها عن المواصفات الرسمية و المعلومات التقنية للجيل الجديد كلياً كما تم الكشف عن النسخة الكوبية من السيارة .

http://nileup.com/up/uploads/nilemotors_14182368601.jpg

تقدم هيونداى i20 2015 لعملائها مفهوم تصميمى موحد والذى يتشابة لحد كبير مع شقيقتها الكبرى i30 خاصة فى التصميم الخلفى مع لمسات التصميم الجديد التى تعتمدة الشركة بسيارتها مؤخراً والمعروف بأسم النحت المنساب 2.0،

http://nileup.com/up/uploads/nilemotors_14182362363.jpg

2015 new Hyundai i20 Coupe
http://nileup.com/up/uploads/nilemotors_14182362365.jpg
ظهر ذلك واضحاً فى التصميم الخارجى فتصميمها

أصبح أكثر حدة وعصرية ، حيث زودت السيارة الجديدة بشبك أمامي جديد وبمصابيح أمامية أرفع تعمل بتقنية LED، أما من الخلف فأصبحت i20 مختلفة تماماً بعد تجديدها بالكامل، مروراً بسقف بانوراما وبكاميرا رؤية خلفية تساعد السائق على الاصطفاف.

http://nileup.com/up/uploads/nilemotors_14182362366.jpg
أما في الداخل، فمقصورة i20 الجديدة تحمل عجلة قيادة متعددة الوظائف بتصميم محدث مع فتحات تهوية جديدة وصندوق للتخزين ومسند ذراع وسطي ومقعد سائق قابل للتعديل من حيث الارتفاع ونظام أوتوماتيكي للتحكم في الحرارة وزر إشعال المحرك بجانب وجود بلوتووث، وصلة USB وAUX وشاشة قياس 3.5 انش عالية الوضوح من نوع OLED LCD Supervision Cluster، مع مرايا تطوي بشكل كهربائي.
http://nileup.com/up/uploads/nilemotors_14182362367.jpg

سياسة التصميم الجديدة تقدم دمجاً واضحاً للعديد من المتطلبات لدى المستهلك الأوروبي بوجه الخصوص نظراً لتطوير هذا الجيل وفقاً لزيادة الطلب بالاسواق على السيارات الموفرة والصغيرة المعدة بتجهيزات لاتقل عن منافسيها فى هذة الفئة .

جديدة هيونداى i20 - 2015 تجمع بين التجهيزات والمساحة بالاضافة للعوامل التقنية ووسائل الأمان المتطورة، مع تصميماً أنيقاً بفارق واضح عن الجيل السابق .

http://nileup.com/up/uploads/nilemotors_14182362368.jpg

فهيونداى i20 2015 تتميز بهيكل جديد بالاضافة لقاعدة عجلات اكبر فالابعاد الخارجية للسيارة أصبحت 3.985 ملم للطول ، 1.734 ملم للعرض ،1.505 للارتفاع ، كما أصبحت قاعدة العجلات بمساحة 2570 ملم لتوفير المزيد من الاتساع والعملية بصندوق الامتعة الذى يتسع لـ 326 لتراً من الأمتعة وهو حجم مناسب ويعتبر الاكبر فى فى مثل هذة الفئة ..

أما عن وسائل الأمان بالرغم من اننا نشكو من وكيلنا المحلى غبور جى بى اوتو انة لا يوفر ابسطها كالوسائد الهوائية التى يعتبرها اوبشن اضافى لا حاجة لة !

تم تجهيز i20 / 2015 الموجهة للاسواق الهندية وهى المتوقع ان يتم تسويقها بنفس مواصفاتها بمصر مثلما حدث مع شقيقتها الاصغر جراند i10 .. تم تجهيزا السيارة بعدد 2 ايرباج بشكل اساسى لكل الفئات ،خاصية

Headlamp escort function ،

نظام المساعدة على الركن Rear parking assist system ، نظام التسخين بالزجاج الخلفى Rear defogger
نظام الحماية امبولايزر ، واخيرا نظام
Anti-lock braking system - ABS

http://nileup.com/up/uploads/nilemotors_14186347111.jpg
محرك هيونداى i20 2015 بنسختها ذات الخمسة أبواب ، سيتم تقديمها بمحرك كابا سعة 1200 سى سى Dual VTVT بقوة 83 حصان، والثانى ديزل سعة 1400 سى سى U2 CRD بقوة 90 حصان وسيتصل المحركان بناقلى حركة مانيوال الاول 5 سرعات للمحرك البنزينى والاخر 6 سرعات للنسخة الديزل
،أما الطراز الكوبية سيتوفر ولأول مرة بمحرك كابا سعة 1400 سى سى الثلاثي الأسطوانات والمدعوم بشاحن جبري .
10-12-2014, 10:00 PM
memo_p910

غبور هايجيبها من غير اوبشن وهاجيبها بسعر لا يقل عن 130 الف
10-12-2014, 10:53 PM
adelghanem

اما النسخه الاوربيه فوسائل الامان فحدث ولا حرج.
اما النسخه المصريه من حيث انعدام وسائل الامان
فحدث ولا حرج
11-12-2014, 12:09 AM
Mohamed.Ramah

اقتباس:

المشاركة الأصلية كتبت بواسطة memo_p910

غبور هايجيبها من غير اوبشن وهاجيبها بسعر لا يقل عن 130 الف

غبور حينفضها من وسائل الامان ممكن يسيب ايرباج مثلاً او abs دة اخرها او ممكن يفاجأنا ويسيب الاثنين منة لله .. اما السعر فالمتوقع تبدأ من 110.000 مانيوال لـ 130.000 اتوماتيك ومظنش حيزود لانة حينزلها الفئة الاولى البتنزل فى الخارج على انها هاى لاين زى ما عمل فى الجراند i10 علشان طبعاً يكسب وبالموتور 1.2 + مينفعش يبيعها بنفس سعر ال Rb هاتشباك لازم يبقى فى افضلية للاكسينت علشان سوقها مينمش ولان مبيعات النسخة الهاتشباك مش كبيرة فحيخلى اعلى فئة فى i20 اقل من تجهيزات الفئة الثانية من اكسينت rb هاتشباك السعرها بعد الخصم حالياً 129.000 والاكيد حيزيد خلال الفترة القادمة ولما ينزل i20 علشان تاخد مكانها فى السعر ..
11-12-2014, 10:34 AM
marwanragab

عقبال متيجي مصر هتبقي i10 غبور هيشيل كل وسائل الأمان وهيشيل الشاشة اللي جوه دي اول حاجة و ممكن يلغي السقف البانوراما هههههه في الاخر فعلا هتتحول ل i10
11-12-2014, 05:58 PM
engwms

مشكور والله يعطيك الف عافية
11-12-2014, 06:02 PM
memo_p910

غبور فعلا هامش ربحه عالي أوي أكتر من أي وكيل في مصر
11-12-2014, 08:04 PM
ashouhdy

عربية جميييييييلة ومجهود ممتاااز
11-12-2014, 10:46 PM
Mohamed.Ramah

اقتباس:

المشاركة الأصلية كتبت بواسطة adelghanem

اما النسخه الاوربيه فوسائل الامان فحدث ولا حرج.
اما النسخه المصريه من حيث انعدام وسائل الامان
فحدث ولا حرج

للاسف عودنا يسيب بصمتة فى كل العربيات لدرجة مزعجة هو شاطر فى التسويق ومقبول فى الصيانة لاكن مش بيهتم بخدمات ما بعد البيع او بمتطلبات العميل 0 xd
12-12-2014, 10:59 AM
Mohamed.Ramah

اقتباس:

المشاركة الأصلية كتبت بواسطة marwanragab

عقبال متيجي مصر هتبقي i10 غبور هيشيل كل وسائل الأمان وهيشيل الشاشة اللي جوه دي اول حاجة و ممكن يلغي السقف البانوراما هههههه في الاخر فعلا هتتحول ل i10

هو أبتدى ينزلنا النسخ الهندية هههههههههه ملوش دعوة بأوروبا لانا اقرب لينا فى المواصفات + انة جاحد هيعدل عليها كمان .. موضوع الشاشة ممكن يخليها فى اعلى فئة اما التكييف لاء طبعاً هيبقى بكر وسقف بانوراما اعتبرة جرافيك مش موجود :) .
12-12-2014, 03:16 PM
Mohamed.Ramah

اقتباس:

المشاركة الأصلية كتبت بواسطة memo_p910

غبور فعلا هامش ربحه عالي أوي أكتر من أي وكيل في مصر

كل التوكيلات بس غبور بيبيع فئة كسبانة خاصة الكورى باع كتير الفترة الفاتت اكتر من اى سيارات + ارتفاع الاسعار عند الكل

اقتباس:

المشاركة الأصلية كتبت بواسطة engwms

مشكور والله يعطيك الف عافية

الشكر لله وتسلم على الدعوة الجميلة :)
12-12-2014, 03:21 PM
Mohamed.Ramah

اقتباس:

المشاركة الأصلية كتبت بواسطة ashouhdy

عربية جميييييييلة ومجهود ممتاااز

تصميمها جميل فعلاً وشكراً على تقديرك للمجهود :)
12-12-2014, 03:44 PM
a7med ezz 20

اعتقد سعرها هيبقي من 120 للمانيوال العادية ، والهايلاين هتبقي ب 150 مثلا . زي الريو
13-12-2014, 09:55 PM
Mohamed.Ramah

اقتباس:

المشاركة الأصلية كتبت بواسطة a7med ezz 20

اعتقد سعرها هيبقي من 120 للمانيوال العادية ، والهايلاين هتبقي ب 150 مثلا . زي الريو

معتقدش توصل للمبلغ دة لان اصلاً المنافس للريو الاكسنت مش ال i20 دة فئة اقل وكمان كفئة سعرية مش مناسبة لان الهاى لاين من الrb هاتشباك 141.000
15-12-2014, 06:36 PM
Ahmed Tarek 00

يارب ارزقناااا:chirol_boo:
15-12-2014, 07:41 PM
marwanragab

اقتباس:

المشاركة الأصلية كتبت بواسطة mohamed.ramah

هو أبتدى ينزلنا النسخ الهندية هههههههههه ملوش دعوة بأوروبا لانا اقرب لينا فى المواصفات + انة جاحد هيعدل عليها كمان .. موضوع الشاشة ممكن يخليها فى اعلى فئة اما التكييف لاء طبعاً هيبقى بكر وسقف بانوراما اعتبرة جرافيك مش موجود :) .

ههههههههههه ادينا هنشووف وتسلم ايدك علي الموضوع ياباشا
16-12-2014, 06:55 PM
Mohamed.Ramah

اقتباس:

المشاركة الأصلية كتبت بواسطة Ahmed Tarek 00

يارب ارزقناااا:chirol_boo:

ربنا يرزقنا بالاحسن جميعاً :) :ask:
17-12-2014, 08:55 PM
Mohamed.Ramah

هيونداى i20 2015 اتوماتيك

بعد التأكد من المعلومات السيارة هتتوفر بناقل حركة اتوماتيك أربع سرعات والفئات المانيوال للمحرك 1.2 لتر فقط :) بالاضافة لموتور 1400 سى سى D-CVVT) -
4 سلندر - بقوة 100 حصان

علماً ان سعر السيارة يبدأ من 37.990 ليرة تركى بما يعادل 116.800 جنية مصرى لاول فئة مانيوال و 51.490 ليرة تركى لاعلى فئة كاملة التجهيزات المش بنشوف ربعها فى مصر بما يعادل 158.000 جنية مصرى.

الفيديو من احدى صالات عرض هيونداى بتركيا لعرض الجيربوكس الاتوماتيك /

[youtube]http://www.youtube.com/watch?v=crawQ7w1pcc[/youtube]
03-01-2015, 11:45 PM
S O P H O S

جميلة وعائلة ال i معروفة
ولكن السوق عندنا بيرفض 20 وال 30 للاسف
مع انهم عربيات من طراز خاص في هيونداي
07-01-2015, 03:22 AM
a7med ezz 20

علماً ان سعر السيارة يبدأ من 37.990 ليرة تركى بما يعادل 116.800 جنية مصرى لاول فئة مانيوال و 51.490 ليرة تركى لاعلى فئة كاملة التجهيزات لمش بنشوف ربعها فى مصر[/color][/u] بما يعادل 158.000 جنية مصري

شفت يا باشا توقعي جه صح قولتلك 120 للمانيوال العادية و 150 للاتوماتيك هاي لاين ، طبعا الهايلاين بتاع غبور غير الهايلاين بتاع العالم كله
07-01-2015, 11:04 PM
Mohamed.Ramah

اقتباس:

المشاركة الأصلية كتبت بواسطة S O P H O S

جميلة وعائلة ال i معروفة
ولكن السوق عندنا بيرفض 20 وال 30 للاسف
مع انهم عربيات من طراز خاص في هيونداي

بسبب سعرهم المبالغ فية + توكيل مش بيهمة غير مصلحة نفسة عارف انة بيبيع باسم هيونداى فى السوق يشيل بقى الكماليات كلها وينزل الاساسيات باسعار غريبة فملهمش سوق لان احنا السوق يعتبر الوحيد البيبيع الهاتشباك اغلى من السيدان :Copy of majd(4):

اقتباس:

المشاركة الأصلية كتبت بواسطة a7med ezz 20

علماً ان سعر السيارة يبدأ من 37.990 ليرة تركى بما يعادل 116.800 جنية مصرى لاول فئة مانيوال و 51.490 ليرة تركى لاعلى فئة كاملة التجهيزات لمش بنشوف ربعها فى مصر[/color][/u] بما يعادل 158.000 جنية مصري

شفت يا باشا توقعي جه صح قولتلك 120 للمانيوال العادية و 150 للاتوماتيك هاي لاين ، طبعا الهايلاين بتاع غبور غير الهايلاين بتاع العالم كله

دة سعرها برة مصر بالمواصفات الخارج مصر شوف بينزلهم كام ايرباج واية وسائل الامان والكماليات علشان كدة بالسعر دة اما غبور بيشيل الكراسى هههههههه ويبيعها ارخص من كدة فى حدود السعر الانا بقول علية زى ما عمل مع الجراند i10 وخلى بالك العربيات دة بتستورد من الهند باسعار اقل بكتير من البتنزل بمواصفات لتركيا واوروبا علماً ان الجنية المصرى = 8.98 روبية هندى وابسط مثال شوف السياز بكام بجانب الجمارك ومكسب التوكيل :)
08-01-2015, 02:08 AM
a7med ezz 20

اقتباس:

المشاركة الأصلية كتبت بواسطة mohamed.ramah

بسبب سعرهم المبالغ فية + توكيل مش بيهمة غير مصلحة نفسة عارف انة بيبيع باسم هيونداى فى السوق يشيل بقى الكماليات كلها وينزل الاساسيات باسعار غريبة فملهمش سوق لان احنا السوق يعتبر الوحيد البيبيع الهاتشباك اغلى من السيدان :copy of majd(4):

دة سعرها برة مصر بالمواصفات الخارج مصر شوف بينزلهم كام ايرباج واية وسائل الامان والكماليات علشان كدة بالسعر دة اما غبور بيشيل الكراسى هههههههه ويبيعها ارخص من كدة فى حدود السعر الانا بقول علية زى ما عمل مع الجراند i10 وخلى بالك العربيات دة بتستورد من الهند باسعار اقل بكتير من البتنزل بمواصفات لتركيا واوروبا علماً ان الجنية المصرى = 8.98 روبية هندى وابسط مثال شوف السياز بكام بجانب الجمارك ومكسب التوكيل :)

كلامك كله صح طبعا ، بس التوقع بتاعي ده مبني علي جشاعة غبور
09-01-2015, 01:31 AM
Mohamed.Ramah

اقتباس:

المشاركة الأصلية كتبت بواسطة a7med ezz 20

كلامك كله صح طبعا ، بس التوقع بتاعي ده مبني علي جشاعة غبور

وياريت الموضوع بعقل شوية لا دة بيشيل وسائل الامان لحد 3 فئة وبقى بينزل عربيات بدون وسائل امان يعنى لازم اليفكر يجيب هيونداى يعمل حسابة فى 140.000 علشان يجيب عربية فيها وسائل الامان الاساسية على الاقل Abs - 2 Airbag ! :beated: