عرض للطباعة
مشكله عندى فى الكروز فى الباور ستيرنج بالتحديد. يكون الدركسيون تقيل جدا عند (اللف) الدوران السيارة من وضع الثبات والموتور داير طبعا. فلذلك بجعل الفتيس على وضعn وادوس على بدال البنزين والف الدركسيون ثم اعاود الى وضع d والا هلف على واسع جدا وبصعوبة بالغة. اما اثناء السير يكون الدركسيون مريح جدا ومافيش مشاكل. ارجو افادتكم
معنى كده ان الباور بقى ضعيف ويحتاج عدد لفات موتور اعلى علشان يظهر تأثيرة وده ليه اسباب كتيرة:
- الزيت ناقص تزوده وتشوف هل فيه تسريب ولا لأ من خراطيم الباور.
- الزيت معكر مش شفاف ( الغالب بيبقى لونه احمر شفاف) يبقى تغيره.
- السير بتاع طلمبة الباور مش مشدود فتزود شده شويه أو السير نشف وبيفوت فتغيره .
- فيه حاجه كمان لو سير طلمبة الباور عندك مشترك معاه حاجه تانية زى التكييف مثلاً ( أنا معرفش بصراحة ظروف الكروز) يبقى ممكن يكون حاجة من اللى بيشتغلوا بنفس السير الطارة بتاعتها مزرجنة شوية وبتسبب لف السير بسرعة اقل فبالتالى طلمبة الباور بتلف برضه لفات اقل وتبقى ضعيفة ... فتشوف الحاجات اللى مشتركة فى نفس السير مع طلمبة الباور.
- بعد كده كشف على الإسكاترا والبيضات بتاعة الدركسيون والطلمبة بتاعة الباور والبلف بتاعها.
لا فض فوك..... :)اقتباس:
المشاركة الأصلية كتبت بواسطة amadios
الف شكر
ماشاءالله رد وافي و كافي
رد وافى افادنى كثيرا
شكرا جزيلا.