الموضوع: كيا بيكانتو هاي لاين 2015

انا رأيي ان حضرتك تخرجى ال i10 برة المقارنة وتقارنى البيكانتو مع السوزوكى سويفت بسبب ان ال i10 قطع غيارها قليلة فى السوق واغلب الحاجات مش هتلقيها غير فى التوكيل وكمان الi10 سيارة كورى بس تقفيل هندى وتقفيلها اقل جودة بكتير من تقفيل البيكانتو لأن البيكانتو سيارة كورى تقفيل كورى وعموما معروف ان الكيا هى رقم 1 فى كورى ورقم 2 الهيونداى اما السويفت فهى سيارة يبانى تقفيل هندى لكن تقفيلها نضيف جدا و سيارات السوزوكى سمعتها كويسة جدا فى مصر ومعروف عنها انها حمالة اسية وقطع غيارها وصيانتها مش غالية بس قطع غيارها مش متوفرة فى السوق زى البيكانتو وحاجة اخيرة عن السويفت انها نازله بأمكانيات جامدة جدا وبسعر ممتاز قصاد كل المميزات اللى فيها غير البيكانتو سعرها اغلى من قيمتها الحقيقية علشان اسمها كيا بيكانتو

ابعدى عن الافيو هى الاسوأ بجدارة لأنها تقفيل مصرى والتقفيل المصرى اسوأ من الكورى والهندى وحتى الصينى و عموما سيارات الشيفرولية هى الأسوأ فى الكورى وتوكيل منصور هو من اسوأ التوكيلات فى مصر و فى واحد راح غير سير كاتينة كروز عند منصور وبعد ما خرج السير اتقطع والعربية جابت عمرة ولما راح لهم قلولو مش مسؤليتنا فقطع الغيار اللى عند منصور مضروبة ومش اصلى

انا بس عندي ملاحظة معرفش صح و لا غلط لاني مليش خبرة في العربيات البيكانتو الهاي لاين الفرق بينها و بين الفئات اللي اقل منها مش كبير في الاوبشنز لكن فرق السعر كبير هل ده حقيقي و ايه السبب
انا شخصيا كنت بفكر اساسا في الi10 لكن غيرت رأيي و ان شاء الله اجيب البيكانتو الbasic انما الافيو كانت عند اخويا و سيئة جدا و التوكيل سيء جدا كان بيشتكي منه بس مش عارفة تفاصيل بصراحة

شكرا ليكوا جدا بس سؤال مهم من فضلكوا ايه رايكوا في معرض كيا موترز مضمون اجبها منه ان شاء الله ولا لا

المشاركة الأصلية كتبت بواسطة هاجر

شكرا ليكوا جدا بس سؤال مهم من فضلكوا ايه رايكوا في معرض كيا موترز مضمون اجبها منه ان شاء الله ولا لا

بصي , البيكانتو الهاي لاين احسن من السويفت وال اي تن والافيو
فيها كل الكماليات الي عايزاها بيحوالي 108 الف وكيل
معرض القصراوي الي مصطفي النحاس كويس جدا وانا مجربه
ووسائل امان هاتي قفل للدركسيون مالتوفقيه مثلا كويس وفي هناك حاجات كتيره راوي

كل عربيات الكيا الوكيل فيها أيموبلايزر
الجنوط الأسبور مجرد شكل أحلى و بتكون أخف من العادى
معتقدش أنك محتاجه تيجيبى قفل دركسيون , الأيموبلايزر كفايه
معرض القرش ألى خلف المريلاند كويسين وأنا أتعاملت معاهم
كمان محمد زكى ألى على الدائرى محترمين برضه