الاخوة والاخوات الاعضاء اليكم البيان التالى

**masrawy99** · 01-11-2008 08:35 PM

القاهرة فى تمام الساعة الرابعة الا خمس دقائق بتوقيت المطرية
ايها السادة بعد ان استطاع العضو مصراوى المستجد فى قيادة السيارات من تحقيق معجزة نادرة فى عالم القيادة وهو اجتياز مطالع ومنازل جراج ستى ستارز الامس الموافق اخر اكتوبر حدث له اليوم الاول من نوفمبر فى تمام الساعة الرابعة الا خمس دقائق بتوقيت المطرية حادثة دنئية اشتركت فيها سيارة تريلا سوداء وعربية كارو محملة بثمار الجوافة والبرتقال ابو صرة .
حيث كان العضو مصرواى يسير بمركبته الدوجان فى اتجاهه الى شارع سليم الاول وفوجئ حين سيره تحت كوبرى المطرية بسيارة تريلا ضخمة سوداء تهجم عليه واخذت طريقها يسار العضو مصراوى ولكن العضو مصرواى احس بالخطر والخيانة من سائق التريلا وانه سوف يحدف عليه قليلا فقرر مصرواى ان يميل ناحية العربة الكارو لان حمار الكارو سوف يكون ارحم عليه من حمار التريلا
ولكنه فوجئ بعد ذلك ان قائم من قوائم السيارة الكارو الخشب قد احدثت احتجاك شديد جدا فى رفرف السيارة الايمن مما نتج عنه تطبيقة لجزء من الرفرف والى مسح نصف سوكة الباب الايمن بجوار السائق مع تجريح ظاهر فى اللون
هذا ونهيب بالسادة الاعضاء الى عمل حملة واسعة المدى ضد عربات التريلا التى مصرح لها ان تسير فقط فى اوقات ما بعد الثانية عشر صباحا وحتى الثامنة صباحا
واخير نقول انا لله وانا اليه راجعون وحسبنا الله ونعم الوكيل

**shanodaa** · 01-11-2008 08:39 PM

جت بسيطه الحمد لله

**ibrahimsaad** · 01-11-2008 08:45 PM

الحمد لله يامصراوى باشا قدر الله وماشاء فعل

وابقى خد بالك مره ثانيه لان فى مصر مااكثر الحمير

**دموع الثلج** · 01-11-2008 08:50 PM

ههههههههههههههههههه حمار الكارو اهون من حمار التريلا

حمد لله على سلامتك يا مصراو ى معلش دى اول قرصه ودن ربنا يكفيك شر الطريق

**Noha-Esmat** · 01-11-2008 08:55 PM

ههههههههههههههههههههههههه ههههههههههههههههههههه

الحمد لله انها جت على قد كدة يا مصراوى و ربنا يسترها معاك

المشاركة الأصلية كتبت بواسطة masrawy99

ولكنه فوجئ بعد ذلك ان قائم من قوائم السيارة الكارو الخشب قد احدثت احتجاك شديد جدا فى رفرف السيارة الايمن مما نتج عنه تطبيقة لجزء من الرفرف والى مسح نصف سوكة الباب الايمن بجوار السائق مع تجريح ظاهر فى اللون

و هتفكر تاخد تعويض ؟؟؟؟ من الحمار؟؟؟

**AhmedSarhan** · 01-11-2008 08:59 PM

قدر الله و ما شاء فعل...الحمد لله ان حضرتك بخير

**aratux** · 01-11-2008 09:24 PM

و الحمار كدة هايرش قوايم؟؟

**ahmedgoldberg** · 01-11-2008 09:40 PM

الف حمد لله ع سلامتك انت اتحسدت لما قمت بعمليه جراج سيتى ستارز لوحدك

الحمد لله ع كل شى

**mabdelaziz** · 01-11-2008 10:14 PM

لما تعرف بلاوى الناس ممكن تهون عليك بلوتك
أخوك برضه مستجد فى السواقة وأخدت خبطة من حمار ميكروباص بقى جاى من أقصى اليسار لأقصى اليمين وأنا ماشى فى حالى وماسك يمين وهب راح داخل فى الباب بس الحمد لله جت بسيطة

وعموماً يعنى أنا بسمع إن فى البداية لازم تاخد الخبطات دى عشان لسه بتتعلم.