:: تحذيـــر من محطة موبيل الصحــراوى ::
الأخوة الأفاضل أنا متعود دايما أثبت كام محطة أتعامل معاهم عشان لو البنزين فيه حاجة أعرف المشكلة منين
بقالى كام شهر لظروف عندى بمون بإنتظام من محطة موبيل الصحراوى بجوار داندى مول
و بعد فترة مش من أول ولا تانى إسبوع العربية ظهر فيها رعشة أو تنتيش لما الغيار يريح يعنى تبقى على الخامس مثلا 120 و الطريق يهدى و تيجى تدوس بنزين تانى تنتش
روحت غيرت فلتر بنزين مع إنه بقاله حوالى 15 ألف أو أقل نزل منه زفت
فضلت العربية تنتش برده مع إنى مونت مرتين من إمارات مصر بس التانك مكانش فضى بمون على نص التانك
بعد تالت تفويله الموضوع إبتدى يهدى و يقل
مع ربط مشكلة مواتير مرسيدس و إكتشاف إن ال 92 فى محطات كثير 80 أو 86
إستنتجت إن البنزين بتاع المحطة دى مش بس مش نضيف لأ مغشوش كمان :oops1:
حسبى الله و نعم الوكيل فى الحرامية