موضوع لللنقاش وماحدث لي مع توكيل كيا

**د.محمود صلاح** · 11-12-2014 03:50 PM

حصل معايا نفس الكلام في عمان هيونداي

غيروا لي الدركسيون عشان قشر .. والفوانيس الامامية عشان ظهور الخرابيش

**nagy wassef** · 11-12-2014 05:29 PM

طبعا الف مبروك و ربنا يحافظلك عليها
انا مختلف شوية عن باقى الزملاء
انا مش محتاج التوكيل فى مصر يعملى كدا
انا كفاية عليا انام فى يوم و احلم بأن كل ده حصلى
صدقنى هصحى سعيد و فايق و مقبل على الحياة
مش عايز غير حلم
بس للاسف من كتر الواقع المهبب فى كل حاجة بقى عقلى الباطن مش بيسمح بالاحلام ديه :)

**محمد درغام** · 11-12-2014 06:35 PM

ربنا يحفظك و يحفظ عربيتك و يديم عليك نعمة التوكيل المحترم.. ده اولا..
ثانيا بقى الله يسامحك على الوجع اللى حاسس بيه و اعتقد هايلازمنى فتره..
المطلوب من حضرتك تصوير فيديو لكل اللى حصل فى التوكيل و رفعه هنا فى قسم الكيا حتى يتمكن كل عضو من مشاهدته يوميا قبل النوم مع الامنيات باحلام سعيده و امل بتحققها فى الواقع قريبا...

**romioromio** · 11-12-2014 07:24 PM

انا في السعوديه بقالي 6 سنين
وامتلكت 8 عربيات
وباقلك بملئ الفم انت حالة استثنائيه
توكيل كيا الجبر من اسوأ التوكيلات
وفعلا فعلا انت من الحلات القليله اللي حصل معاهم كده

لكن هو فعلا توكيل سئ بشهادة الجميع

انا بقول بس الكلام ده عشان الناس اللي حتافور وتقول مصر والسعوديه ومش عارف ايه
وقلبت علينا المواجع
ويكفيكم لفه في الفيس علي موقعهم وشوفو الشكاوي

وزي ما في في مصر في فنيين مش عايزين يشتغلوا وواخدنها علي دراعهم كده بالهمبكه

برده هنا ممكن تخش لواحد هندي يقعد يهز في راسه ويقلك انا ما في معلوم صديق

يعني الحلو والوحش في كل مكان

بس حبيت اعلق عشان توكيل كيا بالزااااااااااااااااات مش هو ده ده اللي حينضرب بيه المثل بين مصر والسعوديه
مع العلم برده ان مصر متجيش جنب السعوديه حاجه في حاجات كتيراحقاقا للحق

لفحة المتضضررين من الجبر علي الفيس
من هنا

موقع تاني للشكاي

تحديث الصفحة الجبر للسيارات ( وكيل كيا الحصري ) العن وكالة سيارات تعاملة معها بحياتي بعد كذا توبه

الجبر للسيارات ( وكيل كيا الحصري ) العن وكالة سيارات تعاملة معها بحياتي بعد كذا توبه - منتدى السيارات الكورية

وده تحزير من شركة الجبر في اكبر موقع سعودي وعربي للسيارات علي الاطلاق
تحزير حكومي من وزارة الصناعة ضد كيا الجبر

http://www.assayyarat.com/forums/t221676.html

**eslamhamdy** · 11-12-2014 08:19 PM

ربنا يباركلك فيها
بس ممكن اعرف حضرتك عملت الصيانة فى انهى فرع للجبر

**ahmedwagdy03** · 11-12-2014 08:20 PM

إنت بتتكلم عن شركات عايزة تكسب أكبر قدر من العملاء مش إدبح أى واحد و إغرف من جيبه على قد ما تقدر

حصل معايا موقف مشابه مع الوعلان (وكيل هيونداى فى السعودية ) فى 2010 مع عربية إلنترا كنت ماشى خلف تريلا من بتوع بن لادن و كتله حجرية غريبة حجم كرة اليد سقطت منها و فضلت تتدحرج و أنا ملحقتش أفاديها و حسيت بيها بتخبط العربيه من تحت و فجأة فصلت لمبة abs و حسيت بإختلاف الفرامل .رحت التوكيل قالى حساس مكسور و لازم الطقم يتغير .بصراحة إتغير من غير ولا ريال

**MECH.ENG Mosta** · 11-12-2014 09:38 PM

بص يا سيدى دى اول مشاركه ليا .... بس حرد لان انا كنت فى التوكيل ده فى مصر متدرب و لاحظت الاتى :
1- زى ما انت قولت انت عرفت بالصدفه ..... و ده السائد .... هو مش بيقولك على كل حاجه عشان ميتدبسش بس لو عرفت و طالبت بحقك حيديهولك ( بس هنا فى مصر لازم يلابط معاك شويه ).
2- تانى حاجه دايما فيه ابروفال من الخبير الكورى اللى موجود فى الدوله .
3- مصر تعتبر سوق قطع الغيار الاول لاى توكيل على مستوى العالم و خاصة فيما يتعلق بالشاسيه و المساعدين و الحاجات اللى فى صدر العربيه :) و طبعا ده بيرجع لطرقنا و عادات سواقتنا الجميله و يلينا روسيا و الحوار ده فهنا بالنسبه للكوريين ميغه و مكسب و عدد عربيات كبير انه يركز معاهم و يهتم الاهتمام اللى بتشوفه بره مصر و الا يقفله احسن و يقعدو فى بيوتهم لكن بره حاجات كده بالشوكه و السكينه ف مش حيفرق معاه كتير فانت بطبيعة الحال فى مصر من كتر الحاجات اللى بتغيرها مش بتاخد بالك من الكلام ده .
4- بالنسبه لموضوع الفانوس فى مصر مستحيل :) حتى لو فى مرسيدس