السلام عليكم ورحمه الله وبركاته
بعد اذنكوا عايز اعرف ازاى اروح شارع لبنان المهندسين من رمسيس (مواصلات)
وشكرا
عرض للطباعة
السلام عليكم ورحمه الله وبركاته
بعد اذنكوا عايز اعرف ازاى اروح شارع لبنان المهندسين من رمسيس (مواصلات)
وشكرا
أسهل حاجة تركب عربية بولاق من قدام محطة القطر ودى بتنزلك فى جامعة الدول عند مصطفى محمود هتنزل وتسأل على شارع وادى النيل تدخل أول داخلة شمال من بعد توكيل بيجو وبعد كدة يمين دة شارع لبنان على أوله توكيل Burberry وسلطانة بتاع الايس كريم
ملحوطة قبل متركب عربية بولاق اسأل السواق هيعدى من جامعة الدول ولا لأ عشان ساعات بيمشوا من شارع السودان وساعتها هينزلك فى جامعة الدول من ناحية فرغلى فاتقوم راجع تانى لحد مصطفى محمود
وممكن تركبىالمترو اتجاه الجيزة وتنزل محطة مترو البحوث وتاخد تاكسى لحد هناك وبالتوفيق
وعليكم السلام ورحمة الله وبركاته
توجد وسيلتان، الأولى تركب عربية هرم دائري، ولازم تتأكد انها هرم دائري، العربية هتنزلك ميدان لبنان ومن هناك هيكون شارع لبنان من أوله.
الوسيلة الأخرى، باص من موقف أحمد حلمي وهتنزل بالقرب من ميدان لبنان وتمشي دقيقتين علشان تكون على أول شارع لبنان، لكن للأسف مش فاكر رقمه.
تمام ربنا يبارك فيكوا شكرا