هي بروتون عندها خيار و فقوس ولا ايه

كنت ماشي انهارده و بالصدفه لاقيت جين تو واقفه جنبي بس موديل 2012 او 2013 او 2014 ( عشان الفوانيس اللي ورا كانت ليدات )
المهم نقطه البدايه كانت واحده بس لقيته طار من جنب زي النحله و لاقتني مش عارف اجيبه
فيه فرق قي التسارع بيني و بينه كان غريب ...
ليه بقه كده ... مش المفروض ان الموتور واحد و كله واحد
حد يفهمني

ممكن يكون مانوال واوتو .. الفرق بينهم كبير في الجين2 مش زي اي عربية تانية

انا جربت الجين2 المانوال بصراحة استغربت انها كدة

بس بردو تفتيح الموتور والصيانة بتفرق

ماهي دي المصيبه
اني مانوال ، فلو هو زيي يبقي مش المفروض يحصل كده
لو هو اوتوماتيك يبقي المفروض انا اللي تسارعي يكون اكبر .. ياريت احط ايد علي السبب عشان اعمله !
هو صحيح يعني ايه تفتيح الموتور ؟؟؟

تفتيح الموتور بطريقة علمية يعني إطالة مشوار البستم عن طريق إزاحة الشربون من أعلى وأسفل البستم.
وبطريقة عملية يعني تعود الموتور على الحرق بتشبيع الغيارات ومع الوقت الي بيشبع غياراته العربية بتاعته تسارعها بيكون أكبر من إلى عربيته بتمشي هادية وينقل قبل ميعاد النقلة

:) جين تو عربية سباق كفاية انها اشترت شركة سباق بريطانية يعملوا عربيات خيار وفقوس ههههه .

اقتباس:

---

المشاركة الأصلية كتبت بواسطة eng_amg

تفتيح الموتور بطريقة علمية يعني إطالة مشوار البستم عن طريق إزاحة الشربون من أعلى وأسفل البستم.
وبطريقة عملية يعني تعود الموتور على الحرق بتشبيع الغيارات ومع الوقت الي بيشبع غياراته العربية بتاعته تسارعها بيكون أكبر من إلى عربيته بتمشي هادية وينقل قبل ميعاد النقلة

---

+11

بس نصيحة

بلاش تعمل كدة كتير عشان من كتر السخونية الهيدر ممكن يتشرخ وده عيب شائع في الجين2 القديم

اما لو موديل 2012 او اكتر اعتقد المشكلة اتحلت

اقتباس:

---

المشاركة الأصلية كتبت بواسطة eng f3lix

+11

بس نصيحة

بلاش تعمل كدة كتير عشان من كتر السخونية الهيدر ممكن يتشرخ وده عيب شائع في الجين2 القديم

اما لو موديل 2012 او اكتر اعتقد المشكلة اتحلت

---

لا أعرف بخصوص البروتون تحديدا ولكن القيادة الصحيحة للمانوال أن الغيار ينقل بعد ما يوصل للار بي ام الايديال.. يعني للموتور 1600 على الأقل يعدي 3.5 ار بي ام في كل نقلة. على السريع طبعا

اقتباس:

---

المشاركة الأصلية كتبت بواسطة eng_amg

تفتيح الموتور بطريقة علمية يعني إطالة مشوار البستم عن طريق إزاحة الشربون من أعلى وأسفل البستم.
وبطريقة عملية يعني تعود الموتور على الحرق بتشبيع الغيارات ومع الوقت الي بيشبع غياراته العربية بتاعته تسارعها بيكون أكبر من إلى عربيته بتمشي هادية وينقل قبل ميعاد النقلة

---

معني كده ان تشبيع الغيار مفيد ، وانا اللي كانت فاهم العكس
شكرا يا باشا علي المعلومه

اقتباس:

---

المشاركة الأصلية كتبت بواسطة eng_amg

لا أعرف بخصوص البروتون تحديدا ولكن القيادة الصحيحة للمانوال أن الغيار ينقل بعد ما يوصل للار بي ام الايديال.. يعني للموتور 1600 على الأقل يعدي 3.5 ار بي ام في كل نقلة. على السريع طبعا

---

يعدي ال ٣.٥ ؟؟؟ مش شايف انه كتير
انا بعتمد علي صوت الموتور بالتوازي مع الار بي ام في النقل ، و بالتالي لما يوصل ل ٣ بلاقي الموتور في نعره كد
مش عارف بصراحه ، هل الطريقه دي مظبوطه ولا لأ

اقتباس:

---

المشاركة الأصلية كتبت بواسطة eng f3lix

+11

بس نصيحة

بلاش تعمل كدة كتير عشان من كتر السخونية الهيدر ممكن يتشرخ وده عيب شائع في الجين2 القديم

اما لو موديل 2012 او اكتر اعتقد المشكلة اتحلت

---

سؤالين صغيرين
هي الجين تو فيها هيدر جاهز جاي فيها ؟ مش المفروض الهيدر ده بيتعمل عموله لذياده التسارع ؟
وبالنسبه للعربيات الجديده اللي مش قديمه و بيحصل فيها الكلام ده هل هي نفس العربيات الجديده اللي الموتور فيها IFam ؟ من الاخر انا عربيتي ٢٠١١ تعتبر جديده و لا قديمه :rfds:

اقتباس:

---

المشاركة الأصلية كتبت بواسطة arkoon

:) جين تو عربية سباق كفاية انها اشترت شركة سباق بريطانية يعملوا عربيات خيار وفقوس ههههه .

---

اكيد بهزر و مابزمش فيها و الا ماكنتش اشترتها

طب يا جماعه انا برده مافهمتش
انا اعمل ايه عشان اظبط موضوع التسارع ده و السحب ، فيه خطوات مثلا امشي عليها بالترتيب واحده ورا التانيه لغاسه ما احس بالفرق ولا هي علي كده و خلاص

اقتباس:

---

المشاركة الأصلية كتبت بواسطة samehshokry

سؤالين صغيرين
هي الجين تو فيها هيدر جاهز جاي فيها ؟ مش المفروض الهيدر ده بيتعمل عموله لذياده التسارع ؟
وبالنسبه للعربيات الجديده اللي مش قديمه و بيحصل فيها الكلام ده هل هي نفس العربيات الجديده اللي الموتور فيها ifam ؟ من الاخر انا عربيتي ٢٠١١ تعتبر جديده و لا قديمه :rfds:

---

اللي عندنا في الجين2 زهر بس زهر خامة مش حلوة

لكن اللي بيتعمل عمولة ستانلس تيل وده بيستحمل الحرارة الكبيرة


اللي في الجين2 2011 ده الخامة القديمة وده اللي بيشرخ .. اغلب الناس اللي بتغير بتفصله علطول ب 800 جنيه تقريباً وطبعاً مفيد بردو في التسارع واستهلاك البنزين لانه لو مشروخ هيقلل السحب عن الطبيعي ويزود الاستهلاك

اقتباس:

---

المشاركة الأصلية كتبت بواسطة samehshokry

طب يا جماعه انا برده مافهمتش
انا اعمل ايه عشان اظبط موضوع التسارع ده و السحب ، فيه خطوات مثلا امشي عليها بالترتيب واحده ورا التانيه لغاسه ما احس بالفرق ولا هي علي كده و خلاص

---

معلش مخدتش بالي ان حضرتك رديت وقولت انك مانوال

طيب هو ممكن يكون السبب هل حضرتك بتنقل علي الكام rpm ؟

او حالة الدسك والاسطوانة لو مش اصلي السحب مبيبقاش مظبوط .. ممكن لو صوت العربية عالي والسحب مش مظبوط يكون فعلا الهيدر مشروخ

ممكن حاجات كتير منها فلتر البنزين والهوا او زيت الموتور

كل ده هيفرق

وطبعاً السواق عليه عامل مهم جداً هل رد فعله سريع في النقل ولالا

اولا
نضف البوابة واخواتها
ثاتيا
غير فلتر الهوا بالاصلى
ثالثا
فى التأنى السلامة

اقتباس:

---

المشاركة الأصلية كتبت بواسطة eng f3lix

معلش مخدتش بالي ان حضرتك رديت وقولت انك مانوال

طيب هو ممكن يكون السبب هل حضرتك بتنقل علي الكام rpm ؟ علي 3000 في العادي

او حالة الدسك والاسطوانة لو مش اصلي السحب مبيبقاش مظبوط ( لسه مغير طقم الدبرياش بواحد فاليو فرنساوي و المفروض الناس بتشكر فيه ).. ممكن لو صوت العربية عالي والسحب مش مظبوط يكون فعلا الهيدر مشروخ ( تصدق ممكن فعلا لأن صوت العربيه فعلا عالي و الصوت عامل زي صوت التاكيهات اللي مش مظبوطه او عايزه تغيير طقم صبابات ، هل الصوت هو هو ؟؟؟ )

ممكن حاجات كتير منها فلتر البنزين والهوا او زيت الموتور ( فلتر الهوا غيرته و الزيت بيتغير في مواعيده انما فلتر البنزين و البوجيهات بصراحه ماغيرتهمش من ساعه ما اشتريب العربيه من صاحبها )

كل ده هيفرق

وطبعاً السواق عليه عامل مهم جداً هل رد فعله سريع في النقل ولالا ( معلش هو مين اللي رد فعله سريع في النقل ، مش فاهم سؤال حضرتك ؟ ))

---

اقتباس:

---

المشاركة الأصلية كتبت بواسطة carrier

اولا
نضف البوابة واخواتها ( نضفت الرشاشات بس الالبوابه حضرتك قولتلي قبل كده لو مش مطلعه سواد من الشكمان من ورا و حاجه تاني مش فاكرها يبقي بلاش تنضيف البوابه، مش صح ؟ )
ثاتيا
غير فلتر الهوا بالاصلى ( فلتر الهوا غيرته بس مش الاصلي ، كنت جبت واحد من المنير اللي في فيصل قبل ما يولع )
ثالثا
فى التأنى السلامة ( الله يسلمك يا باشا ، عموما انا مش جراي بس لما يحصل موقف زي اللي حكيته استغربت من فرق العربيات )

---

جرب انقل على 6500 rpm واحرق على الغيارات .. كدة الموضوع منك ياباشا لانك بتنقل على 3000 rpm بس :))

وصوت التكتكة دي ممكن يكون من المنافولد هو اللي فيه المشكلة وبردو دي يفرق في السحب واستهلاك البنزين

اقتباس:

---

المشاركة الأصلية كتبت بواسطة eng f3lix

جرب انقل على 6500 rpm واحرق على الغيارات .. كدة الموضوع منك ياباشا لانك بتنقل على 3000 rpm بس :))

وصوت التكتكة دي ممكن يكون من المنافولد هو اللي فيه المشكلة وبردو دي يفرق في السحب واستهلاك البنزين

---

٦٥٠٠ !!! مش كتير ؟ يمكن في حاله الشد مع حد اه ، بس في المشي العادي مايتهيأليش حد بيغير علي ٦٥٠٠..
وصوت التكتكة دي ممكن يكون من المنافولد هو اللي فيه المشكلة وبردو دي يفرق في السحب واستهلاك البنزين[/quote]
مش عارف بصراحه المنافولد ولا ايه
حد يقولي ده بلي الكاتينه ، و حد تاني يقولي ده الصبابات و هنا علي المنتدي تقريبا حضرتك اللي قولتلي قبل كده علي موضوع المنافولد و حد تاني هنا لفت انتباهي لحاجه تانيه ان ممكن يكون الهيدر و كل ميكانيكي برأي وبصراحه بقيت خايف اعمل حاجه لا تتطلع غلط و ع الفاضي

ماهو يمكن بتاع الجين2 كان حارق عشان كدة جري وحضرتك معرفتش تجيبه

الافضل تروح التوكيل على الاقل يحددو العيب من ايه بالظبط

ان شاء الله مع اول زياره هروح التوكيل ، شكرا يا باشا

اقتباس:

---

المشاركة الأصلية كتبت بواسطة samehshokry

ان شاء الله مع اول زياره هروح التوكيل ، شكرا يا باشا

---

روح هنا احسن بكتيير وارخص بكتيير
عرفهم انك من نايل موتورز بيعملوا خصم كويس واسرع وبيشتغلوا باسلوب علمى وكله بالجهزة وبيقيسوا مقاومات وشغل عالى
https://www.facebook.com/elsaafa
http://www.nilemotors.net/Nile/249389-a.html

اقتباس:

---

المشاركة الأصلية كتبت بواسطة carrier

روح هنا احسن بكتيير وارخص بكتيير
عرفهم انك من نايل موتورز بيعملوا خصم كويس واسرع وبيشتغلوا باسلوب علمى وكله بالجهزة وبيقيسوا مقاومات وشغل عالى
https://www.facebook.com/elsaafa
http://www.nilemotors.net/nile/249389-a.html

---

مسجلهم عندي بعنوانهم عشان اما اروح القاهره الزياره الجايه اروحلهم
شكرا يا باشا.

اقتباس:

---

المشاركة الأصلية كتبت بواسطة carrier

روح هنا احسن بكتيير وارخص بكتيير
عرفهم انك من نايل موتورز بيعملوا خصم كويس واسرع وبيشتغلوا باسلوب علمى وكله بالجهزة وبيقيسوا مقاومات وشغل عالى
https://www.facebook.com/elsaafa
http://www.nilemotors.net/nile/249389-a.html

---

بس هل ليهم في شغل الميكانيكا عموما و لا هم متخصصين في الانجكشن و العوادم و الجو ده ؟

اقتباس:

---

المشاركة الأصلية كتبت بواسطة eng_amg

تفتيح الموتور بطريقة علمية يعني إطالة مشوار البستم عن طريق إزاحة الشربون من أعلى وأسفل البستم.
وبطريقة عملية يعني تعود الموتور على الحرق بتشبيع الغيارات ومع الوقت الي بيشبع غياراته العربية بتاعته تسارعها بيكون أكبر من إلى عربيته بتمشي هادية وينقل قبل ميعاد النقلة

---

اطالة مشوار البستم ازاى و هو ثابت مابيتغيرش ابدا لانه بيتحدد بناء على لفة عمود الكرنك.
يعنى لو كان مثلا 5 سم عمره ما هيبقى 6 او 5.5 هيجيبهم منين يعنى و دورة الكرنك شافت خلصت. ارجو التوضيح.

اقتباس:

---

المشاركة الأصلية كتبت بواسطة macathius

اطالة مشوار البستم ازاى و هو ثابت مابيتغيرش ابدا لانه بيتحدد بناء على لفة عمود الكرنك.
يعنى لو كان مثلا 5 سم عمره ما هيبقى 6 او 5.5 هيجيبهم منين يعنى و دورة الكرنك شافت خلصت. ارجو التوضيح.

---

سؤال حلو ، متابع !

اقتباس:

---

المشاركة الأصلية كتبت بواسطة MACATHIUS

اطالة مشوار البستم ازاى و هو ثابت مابيتغيرش ابدا لانه بيتحدد بناء على لفة عمود الكرنك.
يعنى لو كان مثلا 5 سم عمره ما هيبقى 6 او 5.5 هيجيبهم منين يعنى و دورة الكرنك شافت خلصت. ارجو التوضيح.

---

هتلاقى
اجابات ممتازة جدا وانت بتقرا الموضوع المبسط والمميز دا

https://www.facebook.com/LiquiMolyAl...98313793557230

اقتباس:

---

المشاركة الأصلية كتبت بواسطة carrier

هتلاقى
اجابات ممتازة جدا وانت بتقرا الموضوع المبسط والمميز دا

https://www.facebook.com/LiquiMolyAl...98313793557230

---

اخ carrier
متشكر ليك
بس لو حضرتك قريت الموضوع اللى انت حاطط اللينك بتاعه هتلاقى مفيهوش اجابة السؤال و لا ليه دعوة بيه... دا بيشرح كيف يعمل المحرك و كلها معلومات معروفة للكل من زمان مفيهاش جديد... انا بسأل الشخص اللى بيقول تفتيح المحرك بيكون عن طريق اطالة مشوار البستم و دا بحسب فهمى مستحيل. هو كاتب هنشيل شربون فوق و تحت .. انا مش فاهم ايه الشربون دا اللى تحت البستم ... البستم تحته تجويف و سطحه العلوى بس هو اللى مستوى...
حبيت استفسر يمكن استفيد و كمان انا مش حابب المنتدى يتكتب فيه كلام مش منطقى لان فيه ناس بتعتبره مرجع ليها فى مجال السيارات وانا منهم.
و اخيرا جايز اكون انا مش فاهم ياريت حد يوضحلى و انا هتعلم منه.. لكن بلاش الكلام الغير مبنى على معرفة.

اقتباس:

---

المشاركة الأصلية كتبت بواسطة eng f3lix

جرب انقل على 6500 rpm واحرق على الغيارات .. كدة الموضوع منك ياباشا لانك بتنقل على 3000 rpm بس :))

وصوت التكتكة دي ممكن يكون من المنافولد هو اللي فيه المشكلة وبردو دي يفرق في السحب واستهلاك البنزين

---

علي فكره صوت التكتكه طلع مانافولد و ظبطته و راح الصوت

مبروك
بس اللى كتب تطويل مشوار البستم و جرى دا راح فين

اقتباس:

---

المشاركة الأصلية كتبت بواسطة samehshokry

علي فكره صوت التكتكه طلع مانافولد و ظبطته و راح الصوت

---

الف مبروك ..... الصوت كان عاملك صداع وقلق

الحمد لله ان الكوستبانات سليمة ومفكتش الوش

طلع فيه ايه المانيفولد بالضبط

اقتباس:

---

المشاركة الأصلية كتبت بواسطة carrier

الف مبروك ..... الصوت كان عاملك صداع وقلق

الحمد لله ان الكوستبانات سليمة ومفكتش الوش ( دي اهم حاجه كانت عاملالي صداع في دماغي ، اني افك الوش و افتح الموتور بس الحمد لله )

طلع فيه ايه المانيفولد بالضبط
بص هو انا ماعرفتش بالظبط هو عمل ايه بس هو فك بتاعه بلاستيك كده طويله و بتركب علي جزئين ، جزء من فوق و التاني حد بيناولهولك من تحت و حط تقريا شحم ( مش متأكد) و قفل علي كده
مارضاش يقولي تفاصيل علي اساس انها سر المهنه و حاجات كده يعني ،،، بس الحمد لله التكتكه راحت
فاضل بقه موضوع الهيدر ده ، مش عارف اعمل فيه ايه ، وهل فعلا بييجي بعلبه البيئه و لا لأ ، مش عارف

---

اقتباس:

---

المشاركة الأصلية كتبت بواسطة MACATHIUS

مبروك
بس اللى كتب تطويل مشوار البستم و جرى دا راح فين

---

هرب

ههههههههههههههه
مبروك كمان مرة

شكرا يا باشا
ماتقوليش بالمره واحد بتاع عفشه يكون كويس

الحقيقة ان عربيتك غير عربيتى و انا باروح عند واحد بيفهم فى اسبيرانزا بس