أنا الحمد لله معايا رخصة قيادة خاصة .
عاوز أفهم :
1- العربية نفسها بيبقى ليها رخصة هيا كمان .. كده الرخصة هتكون بإسم صاحبها .
2 - لو هنقل الملكية ايه الحاجات اللى اخود بالى منها .
3 - ايه الفرق بين الفحص والضريبة وتجديد رخصة السيارة ...
فيه واحد مثلا كان كاتب في اعلان بيع عربية ( رخصة منتهية - الضريبة مدفوعة لحد 2015)
يفضل ان تكون السياره باسم اللي بيبيع لك وتتاكد بنفسك مطابقه رقم الموتور والشاسيه للرخصه ...ثم تذهب معه للمرور وتجيب شهاده بيانات......وفي الاخر يسجلها لك في الشهر العقاريوياخذفلوسه وفي الاخر تروح المرور وتنقلها باسمكوتعمل فحص وخلافهوبناقص المده القديمه للضريبه وبذلك تطمئن ان كله تمام....ده طبعا بعد الفحص وميكانبكي وخلافه......وربنا يوفقك
علشان تشترى العربية الرخصة طبعاً بتاعتها بتكون بإسم صاحبها - أول حاجه حيجيبلك شهادة مخالفات جديدة وشهادة بيانات لو رخصتها منتهية وبعدين تروحوا الشهر العقارى علشان يسجل العربية بإسمك وتطلع على طول على المرور اللى انت تابع ليه حاتفحص وتنقل الرخصة بإسمك ولو الرخصة سارية لغاية السنة الجاية مثلاً المرور بيخصم المده دى ومش حاتدفع الرسوم بتاعة الرخصة عن المده السارية
أنا الحمد لله معايا رخصة قيادة خاصة .
عاوز أفهم :
1- العربية نفسها بيبقى ليها رخصة هيا كمان .. كده الرخصة هتكون بإسم صاحبها .
2 - لو هنقل الملكية ايه الحاجات اللى اخود بالى منها .
3 - ايه الفرق بين الفحص والضريبة وتجديد رخصة السيارة ...
فيه واحد مثلا كان كاتب في اعلان بيع عربية ( رخصة منتهية - الضريبة مدفوعة لحد 2015)
Ahmed Tarek 00
1 العربية نفسها بتبقى ليها رخصة هى كمان . . الرخصة بإسم صاحبها بعد الشراء و التسجيل بإسمك و إجراءات المرور الرخصة بتبقى بإسمك .
2 لو حتنقل الملكية تأخد بطاقة الرقم القومى بتاعتك و بتاعة صاحب العربية و مبلغ التسجيل فى الشهر العقارى و ده بيكون محدد فى الشهر العقارى الحاجات اللى تأخد بالك منها رقم الموتور و الشاسيه إنه يكون نفس الرقم الموجود فى الرخصة و رقم العربية نفسها و طبعا الرخصة تكون بإسم اللى حتشترى منه و تطلع على بطاقته "بلاش التوكيلات" و شهادة مخالفات يجيبهالك صاحب السيارة "براءة ذمة" ما يكونش مر عليها 15 يوم .
3 الفرق بين الفحص والضريبة وتجديد رخصة السيارة
الفحص هو قيام إدارة المرور التابع لها صاحب السيارة "حضرتك" بفحص السيارة داخليا و خارجيا بالتأكد إنها سليمة يعنى ما فيهاش مشاكل بالبودى مش محطوط عليها فاميه للزجاج "كان فيه فحص للموتور للتأكد من صلاحيته للبيئة" أعتقد إنه خلاص بطلوه و بتدفع تأمين و بتكون معاك شهادة مخالفات اللى جبهالك صاحب السيارة "براءة ذمة" ما يكونش مر عليها 15 يوم و لو ما معاكش طفاية حريق تشترى و دلوقت نمر السيارة بقت زى الرقم القومى يعنى بتفضل معاها بتنتقل من مالكها إلى المالك الجديد "زمان كنا بنسلم النمر و نستلم نمر تانية"
الضريبة هو دفع مبلغ ضريبة عن إستخدامك السيارة و ديه بيتم تحديدها حسب السعة اللترية "السى سى" الخاص بالسيارة يعنى السيارة أقل من ألف سي سي و 1300 و 1600 و 1800 و 2000 إلى اكتر من الفين و طبعا إحنا بنفضل السيارة لحد 1600 سي سي علشان الضريبة و خد بالك ما يكونش بإسمك أكتر من عربية واحدة و إلا حتدفع ضريبة رفاهية
وتجديد رخصة السيارة هو عمل كل ما سبق لحد ما تستلم الرخصة و ربنا يوفقك خد بالك إنك حتضطر تدفع إكراميات بجانب المبالغ المدفوعة بإيصالات و لو العربية فى مرور تانى حيقولك تأخد تصريح لحد ما ييجى الملف لكن لو مشيت حالك حتستلم رخصة الكمبيوتر و ديه حصلت معايا فى إحدى سياراتى و بسهولة إستلمت الرخصة بمنتهى الهدوء
ربنا يوفقك و تقدر تعمل مشوار المرور فى يوم واحد
اقتباس:
المشاركة الأصلية كتبت بواسطة makarther
شكرا على معلوماتك القيمة