الموضوع: وديعة بالدولار ولا بالجنية

لكن الحل الأفضل هو استثمارها.
يعني: لو انت ملكش في الدوشة ومتابعة الأعمال ممكن ببساطة تقوم بشراء وحدة سكنية أو قطعة أرض وبيعها بعد فترة من 6 أشهر لسنة

ده على اساس ان البيع سهل ويوم ماهيقول يابيع هيلاقى وياسلام لو طلع له سمسار ولا جار سمسار وطلع عينه ووقف له اى بيعة عشان خاطر يضطر يبيع بسعر رخيص ويخسر ويجى المشترى يبيعها بسعر اعلى ويكسب فيها

المشاركة الأصلية كتبت بواسطة باسم يوسف

ليه في دوله اخري ؟؟؟ حضرتك مش عارف ليه ؟؟؟

موضوع ان الواحد يحط فلوسه في مشروع اصبح موضوع فكسان

ليه؟ احنا 87 مليون و عايشين في مساحه صغيره جدا

كل من هب و دب عمل سنترال و سوبر ماركت و صيدليه ... الخ

تخيل في المنطقه الواحده بيبقي في كام سنترال و سوبر ماركت و صيدليه

عايزهم يكسبوا ازاي؟؟؟

كل ده و مجبتش سيره الظروف الاقتصاديه التعبانه

يا باشا مشروع إيه إلي بتتكلم فيه (سنترال - صيدلية - والكلام دا........)
أنا آسف بس الكلام دا لا يعد إستثمار زي إلي أنا أقصده.

المشاركة الأصلية كتبت بواسطة zorg

ده على اساس ان البيع سهل ويوم ماهيقول يابيع هيلاقى وياسلام لو طلع له سمسار ولا جار سمسار وطلع عينه ووقف له اى بيعة عشان خاطر يضطر يبيع بسعر رخيص ويخسر ويجى المشترى يبيعها بسعر اعلى ويكسب فيها

آه طبعا البيع سهل جدا.
أنا شخصيا لسه عارض شقة في الهرم للبيع من 3 أيام. والوقتي بخلص فيها.

وأعرف ضابط كان زميل الوالد بيعمل حاجة ظريفة جدا كمصدر للزرق.
الراجل دا بيشتري شقة تكون في عمارة لسه مبنية علي الطوب
ويشطب الشقة
ويبيعها.
بيكسب في الشقة من 20 إلي 50 ألف والعملية ماشيا معاه فل الحمد لله

المشاركة الأصلية كتبت بواسطة eng_amg

آه طبعا البيع سهل جدا.
أنا شخصيا لسه عارض شقة في الهرم للبيع من 3 أيام. والوقتي بخلص فيها.

وأعرف ضابط كان زميل الوالد بيعمل حاجة ظريفة جدا كمصدر للزرق.
الراجل دا بيشتري شقة تكون في عمارة لسه مبنية علي الطوب
ويشطب الشقة
ويبيعها.
بيكسب في الشقة من 20 إلي 50 ألف والعملية ماشيا معاه فل الحمد لله

ممكن اسمع من حضرتك تفاصيل اكثر فى موضوع الشقق لاسيما انا ممكن ادبر اللى يشطب شقة و اثنين بمنتهى السهولة...مع خالص تحياتى لأهتمامكم الكريم

المشاركة الأصلية كتبت بواسطة ali ashraf

ممكن اسمع من حضرتك تفاصيل اكثر فى موضوع الشقق لاسيما انا ممكن ادبر اللى يشطب شقة و اثنين بمنتهى السهولة...مع خالص تحياتى لأهتمامكم الكريم

شوف حضرتك.. الموضوع دا كنت عايز أعمله بس التمويل مكنش معايا..
الموضوع كله فكرته في التالي

لما يكون برج بيتبني. دائما المقاول بيكون مزنوق في فلوس علشان يكمل البرج لدرجة إنه بيبيع بتسهيلات ويخفض السعر بالتقسيط كمان. وثمن الوحدة مثلا 200 ألف...

يقوم الراجل إلي بكلم حضرتك عليه يعرض علي صاحب البرج إنه يشتري شقتين وكاش كمان. وطبعا الراجل ما يصدق.

يقوم يستغل الوضع وينزل في السعر من جهة. بدل ما ثمن الوحدة 200 الف. ياخدها ب 160 ألف بالكتير... (كاش بقى). ويطلب شراء الأدوار الرابع والخامس تحديدا لأنهم أفضل أدوار بتتباع بسرعة.

وبعدين يبدأ تشطيب مباشرتا بعد الشراء ودا أثناء ما صاحب البرج يكون لسه بيبني الأدوار العليا,

أول ما صاحب البرج ينهي البرج بناء وسلم ومصاعد. يكون الراجل دا مشطب لوكس وتكون الوحدة تكلفتها عليه حوالي 200 إلي 210 ألف (إلي هو ثمن الوحدة الي الراجل بيبيعها بدون تشطيب)

فلو صاحب البرج بيبيع ب 200 الف بدون تشطيب .. والراجل دا عرض البيع بالتشطيب ب 260 ألف طبعا هو إلي حيبيع الأول وبثمن أفضل. ويكسب في الشقة ما لا يقل عن 50 ألف... يعني 100 ألف في أقل من 3 شهور.

وبعدين يدور علي عمارة آخرى لسه بتتبني.

بس لازم يكون عندك قاعدة بيانات تضم جميع التخصصات (محار - كهربائي - بلاط - نجار - نقاش - سباك) وتكون لك الأفضلية لديهم لتعطيل أي عمل لديهم لقضاء عملك أنت.
ودا مش صعب. لأن أي صنايعي أو أي شخص عادي يفضل عمل دائم بأجر قليل أفضل من عمل موسمي بأجر كبير...

دا حيخلي ليك الأفضلية في أسعار المصنعيات وإنجاز العمل في وقت قليل.

ولا تتعجب من الثمن القليل لتشطيب شقة.. أقصد إن 50 ألف كافي جدا لشخص متمرس ودا أنا شوفته بنفسي ... يعني أنا لما أشطب حمام ومطبخ حدفع الرقم دا.., لكن واحد في المجال ممكن يشطب شقة كاملة بالرقم دا.