شويه استفسارات من واحد ابيض شمعه منوره

**m7nsh** · 01-11-2008 11:20 PM

السلام عليكم ياشباب ايه الأخبار يارب يكون كله تمام

انا كنت جايب عربيه ماروتى 2009 قريب وكنت عاوز استفسر على شويه حجات كده خصوصا وانى لسه ابيض خالص ودى اول عربيه ليا

1- المفروض ان الميه اللى فى الردياتير خضرا ولا عاديه ؟ انا ملمستش الكابوت من ساعه ماجبتها من حوالى 3 اسابيع و الحراره مبتعلاش ,, بس عاوز اعرف لو هى ميه خضرا بتتغير كل اد ايه و منين و بكام ؟ ولو ميه عاديه المفروض الواحد يشيك عليها كل اد ايه

2 - ضغط الكاوتشات المفروض يتشيك عليه كل اد ايه ؟ و المفروض يبقى كام ؟

3 - بعد الشتا الجامد اللى حصل من اسبوع تقريبا ده ,, العربيه كنت مشيت بيها فى المطره وبعدها ,, المهم مش عارف هو المفروض اغسلها فى البنزينه وكده و من تحت بعد كل مشى بيها فى مطره اوطينه ؟ ولا المفروض مغسلهاش كتير عشان البارومه زى ما سمعت من ناس كتير ؟كمان ازاى اغسل العربيه (مع نفسى يعنى)؟ يعنى احط عليها منظف معين ولا بالميه بس ولا ايه ؟

4 - انا بروح بيها الكليه ( مشوار 25 كيلو رايح و زيهم جاى ) المفروض مثلا قبل ما اسافر اشيك على ايه ؟ او ايه اللىيبقى فى دماغى ؟

5 اخر حاجه عشان عارف انى دوشتكو ايه اللى المفروض اتابعه باستمرار فى العربيه سواء فى سفر اوجوه البلد كمحافظه و صيانه ليها ؟؟

و شكرا مقدما ليكو

**ahmedsrs** · 02-11-2008 12:02 AM

1-الف مبروك على العربية
2- المية احسن تبقى خضراء لو عادية نقص شوية من القربة وحط الكنز الأخضر والمفروض تبط عليها مرة كل اسبوع او قبل متسافر بالعربية
3- ضغط الكاوتش هتلاقيه مكتوب فى الكتالاوج او على قايم الباب شيك عليه مرة فى الشهر
4- تغسل العربية من تحت بعد الشتا مايعدى مرة واحدة وبلاش تغسلها بالخرطوم لتوفير المية ولعدم تكوين بارومة
5- وانت مسافر بص على الكاوتشات + مقياس الزيت + قواطيش البطارية + مياه الاراداتير + مياه فى قربة المساحات + وتاكد ان الأستبن سليم وشغال
6- لو سمعت صوت غريب مطنش , غير الزيت فى ميعاده , شيك على زيت التروس كل كام شهر

**m7nsh** · 02-11-2008 06:01 PM

متشكر جدا ليك يا احمد على تجاوبك معايا بس كنت عاوز استفهم منك

المية احسن تبقى خضراء لو عادية نقص شوية من القربة وحط الكنز الأخضر والمفروض تبط عليها مرة كل اسبوع او قبل متسافر بالعربية

معلش هو قصدك باقى الكلام ع الميه العاديه بس ولا الخضرا برده نفس الكلام ؟؟ يعنىكل اسبوع برده و كده ولا ايه ؟

والسؤال ده تاه فى الزحمه و شكلك مخدتش بالك منه :)

كمان ازاى اغسل العربيه (مع نفسى يعنى)؟ يعنى احط عليها منظف معين ولا بالميه بس ولا ايه ؟

وسؤال جديد طلع ,, ايه زيت التروس ده ؟ و بيتغير كل اد ايه وبكام و فين ؟ :):)

انا عارف انى زودتها بس معلش يا جماعه جدييييييد ربنا ميوقعكو فى مطب

**ahmedsrs** · 03-11-2008 12:56 AM

هو عموما شيك على المية لو عادية او خضراء بس هو ميزة المية الخضراء بيبقى فيها مادة كيماوية بترفع درجة غليان المية + بتمنع تكةن الصداء والرواسب + ودى من عندى لون المية بينبهك لو حصل تسريب اوتنقيط من انابيب التبريد .
غسيل العربية اما بالمية العادية او ممكن تحط على المية منظف الأطباق العادى وتشطفه بالمية .
زيت التروس ده هو زيت الفتيس وده بيتزود مبيتغيرش كل اربع غيارات زيت موتور بالمرة خلى الى بيغير يتاكد من مستواه وده طبعا لآنك مش هتعرف تعمله بنفسك