الموضوع: دليلك للمساعدة في اختيار سيارتك

كيف تحدد العربية اللي انت ناوي تشتريها ؟
دائما نحتار عند اختيار العربية ولكل منا اولويات في مواصفات العربية
فلكي تقلل حيرتك عليك تحديد أولوياتك من البنود التالية وايه أهم بنود بالنسبة ليك.
و طبعا لازم تحدد الفئة السعرية اللي انت ناوي تشريها --- لأن المقارنة بين عربيتين في فئتين مختلفتين مش صح قوي إلا إذا كنت بتوائم بين السعر والميزات.
والتالي هي البنود اللي بتحدد مواصفات العربية (من وجهه نظري):
1- الأمان Safety : وده المقصود منه قدرة مقصورة الركاب علي توفير أقصي حماية ممكنة للركاب و دي تعرفها من درجة الأمان اللي و اخداها من Euro NCAP ---http://www.euroncap.com علي تدريج من 1 إلي 5 نجوم -- ودي منظمة بتعمل اختبارات تصادم لتحديد مستوي الأمان لأي عربية -----يعني سيبك من الخبط علي بودي العربية علشان تعرف هي جامدة ولا لأ --- مش دولاب خشب هي --- ولا ليها أي فايدة --- العربية وزنها من 1000 كيلو لــ 1800 كيلو ، وهي ماشية علي السرعة ولا أي صاج يقدر يشيل الصدمة --- التصميم بتاعها و قدرتها علي تشتيت الصدمة بعيد عن الركاب هي اللي تهم --- وطبعا مع أنظمة الأمان الأخري من حزام و اير باج
1-أ – ملحق للأمان -- أنظمة الأمان :
أ-عدد الايرباج
ب -مانع الانغلاق للفرامل ABS
ج-نظام الاتزان الاكتروني :ESP or ESC or DSS كل شركة بتسميه بطريقة
د- collision detection
ه-- نظام الرؤية الليلية

2- الثبات Stability : وده المقصود منه ثبات العربية علي الطريق ومدي التصاقها بالأرض مع السرعات العالية و تصرفها في المناورات و مقدار الـ rolling اللي بيحصلها واللي بيتحكم فيه:
أ مركز تقل السيارة و مدي قربه من الأرض --
ب - نظام التعليق Suspension واللي بيساعد العربية علي امتصاص تموجات الطريق و حركة البودي بالنسبة للعجل --- وده تعرفه من الtest Drive اللي بتعمله المجلات المتخصصة زي:
What Car? - New and Used Car Reviews, Car Deals, News & Advice
3- قوة الموتور وقدرة السحب : وده بتعرفه من:
أ- عزم الموتور (كام نيوتن )
ب - قدرة الموتور (كام حصان) والأولي أهم ودي بتين فعلا قوة الموتور و تلاحظها في إن العربية ما تضعفش في المطالع أو وهي محملة
ج - الحاجة الثانية هي قوة السحب و دي بتعرفها من تعريف من 0 الي 100 كم في كام ثانية
4- التحكم Handling : وده اللي بيعير عن قدرة آلات التوجيه في أعطاء السائق القدرة علي التحكم التام في قيادة السيارة -- علشان أقرب المعني --- كنت بتسمع عن عربية بتعوم أو دركسيون أنور وجدي --- دي تاخد صفر في الهاندلينج --- ضد عربية زي البورش والفيراري وازاي السائق بيتحكم فيها علي سرعات فائقة 200 كيلو وطالع من غير ما يحس انه فاقد السيطرة علي العربية ---- طبعا البند ده لازم يتلاقي مع بند الثبات

5- الأعتمادية Reliability : وده مؤشر علي قلة ألأعطال اللي بتحصل

6- الراحة : تصميم العربية من صالون و تعليق وعزل اللي بيدي أقصي راحة للراكب وده غالبا بيتناقد --في جزئية منه--- مع بند الثبات والهاندلينج --- فيقولك العربية ماشية كأنها ماشية علي سائل رقراق تعبير عن مدي النعومية
7- الكماليات Options : وده معروف -- كمية الكماليات اللي في العربية .
8-سعر اعادة البيع : وده بيعتمد علي سمعة العربية في السوق .
9- سمعة التوكيل : ودي صعبة شوية لأن معظم التوكيلات مش قد أكده فالمهم العربية نفسها و مدي الاعتمادية بتاعتها
10- الشكل الخارجي

الخيار ليك ---بتحدد ايه الأهم بالنسبة ليك ( الامان , القوة , الثبات ......)
طبعا كل ما العربية بتغلي وفئتها بتعلي ---بتجمع نقاط عالية في البنود عاليه.

فالمهم تكون محدد لنفسك انت عايز ايه من العربية .

المشاركة الأصلية كتبت بواسطة astra200

فيديو لتوضيح ال esp

https://www.youtube.com/watch?v=fiups9ctll8

كنت بأسمع عن المصطلح ٍesp
لكن الآن ساعدتنى أعرف أكتر....ِشكرا لعطائك الفكرى