فلوانس 2015 ...vs ...فورد فوكس2014. ارجو الرد

يا جماعه. انا دماغي هتتفرتك فلوانس ولا فورد
الفلوانس اوسع و اوبشن كده و دلع انا هتكلم علي الفئه e3sr اللي هيا قبل الهاي لاين او ممكن الهاي لاين نفسها اللي قالقني من العربيه هو اعتماديه ولا لا و انا بمشي بسرعه يعني اكتر من 160. فهل العربيه كويسه علي السرعات دي و عزلها ايه ظروفه و هل اصلا بتجيب الكلام دا ولا لا
اما الفورد برضه تحس كدا انك مالك العربيه و حاكمها تحسها متفصله عليك بس يعيبها مفيهاش الدلع بتاع الفلوانس انا بتكلم علي الفئه السبورت مثلا key less entry دا مثلا
انا عايز من الساده الاعضاء افادتي في
الفورد تورشن بيم و لا مالتي لينك و انهي افضل في الثبات و العزل الفلوانس ولا الفوكس
اكيد موتور الفوكس افضل بس محدش لسه عرف حاجه عن الفتيس power shift اللي عنده معلومه يقولنا
الخلاصه انا محتار و ساعدوني والنبي قولولي الخلاصه انا ان شاء الله هشتري بعد اسبوع او عشره ايام ف ياريت تساعدوني

بسم الله الرحمن الرحيم

اﻷخ الفاضل Alaa H Ghannam

ﻻ داعى إطلاقآ للحيره. السيارتين متعادلتين تمامآ و بدقه فى كل النقاط التى ذكرتها فى أسئلتك و ﻻ مجال للمقارنه بين السيارتين فى كل ما سبق. و سأهدى إليك بعض النقاط اﻹسترشاديه لعلها تفيدك.

اﻷولى:
فورد فوكاس تستهلك 9 لتر وقود لكل 100 كم بينما تستهلك الفلوينس 5 لتر وقود لكل 100 كم

الثانيه:
ﻻ مجال للتفاضل بين إعتماديه الفورد فى مواجهة الفلوينس. كلاهما متساويتين. و لكن
1 - خروج الناس من صيانة الوكيل إلى الورش
2 - إستخدام قطع غيار غير أصليه

هو ما يؤدى للمفاجآت التعيسه على الطريق

الثالثه:
تمكنت رينو فى سنوات قليله جدآ من أن تحوز على لقب أفضل وكيل سياره فى مصر و هو بالفعل كذلك فى حين أن وكالة فورد تتغير من شركة ﻷخرى. فمن رجب إلى فكرى و أخيرآ أوتوجميل

الرابعه:
قطع غيار الفلوينس أرخص من الفورد

الخامسه:
سعر إعادة البيع للفلوينس أعلى من الفورد بكثير

حتى ﻻ أطيل عليك . . إشترى الفورد فقط إن كنت محب لها حتى تستطيع تحمل مشاكل ما بعد الشراء (و ﻻ أقصد عيوبها فهى سياره رائعة اﻵداء)

هداك الله ﻷرشد أمرك و أقومه

السلام عليكم و رحمة الله و بركاته

اقتباس:

---

المشاركة الأصلية كتبت بواسطة scientist9508

بسم الله الرحمن الرحيم

اﻷخ الفاضل alaa h ghannam

ﻻ داعى إطلاقآ للحيره. السيارتين متعادلتين تمامآ و بدقه فى كل النقاط التى ذكرتها فى أسئلتك و ﻻ مجال للمقارنه بين السيارتين فى كل ما سبق. و سأهدى إليك بعض النقاط اﻹسترشاديه لعلها تفيدك.

اﻷولى:
فورد فوكاس تستهلك 9 لتر وقود لكل 100 كم بينما تستهلك الفلوينس 5 لتر وقود لكل 100 كم

الثانيه:
ﻻ مجال للتفاضل بين إعتماديه الفورد فى مواجهة الفلوينس. كلاهما متساويتين. و لكن
1 - خروج الناس من صيانة الوكيل إلى الورش
2 - إستخدام قطع غيار غير أصليه

هو ما يؤدى للمفاجآت التعيسه على الطريق

الثالثه:
تمكنت رينو فى سنوات قليله جدآ من أن تحوز على لقب أفضل وكيل سياره فى مصر و هو بالفعل كذلك فى حين أن وكالة فورد تتغير من شركة ﻷخرى. فمن رجب إلى فكرى و أخيرآ أوتوجميل

الرابعه:
قطع غيار الفلوينس أرخص من الفورد

الخامسه:
سعر إعادة البيع للفلوينس أعلى من الفورد بكثير

حتى ﻻ أطيل عليك . . إشترى الفورد فقط إن كنت محب لها حتى تستطيع تحمل مشاكل ما بعد الشراء (و ﻻ أقصد عيوبها فهى سياره رائعة اﻵداء)

هداك الله ﻷرشد أمرك و أقومه

السلام عليكم و رحمة الله و بركاته

---

الرد دة ماشاء الله جاب من الاخر والخلاصة

ربنا يوفقك ياباشا في الاختيااار الصحيح يارب وانا اميل للفلوانس لنفس الاسباب المذكورة في الكومنت

الفوكاس عربيه حلوه و الفلوينس عربيه حلوه . للاسف انت مختار عربيتين صعب جدا المقارنه بينهم و انا عن نفسي باحبهم الاتنين .

بص يا سيدى العربيتين بيقفلوا العداد لغاية سرعة 200 و ده على الواقع فعلا .

لغاية 160 و 170 الاتنين ثابتين اكتر من كده لصالح الفوكاس .

استهلاك البنزين لصالح الفلوينس بشكل ملحوظ .

اعتمادية الموتور و الفتيس لصالح الفلوينس . انتاج مشترك ما بين النيسان و و رينو .

الفخامه و الشكل الخارجى الاتنين فى نظرى متساويبن و دى اراء شخصيه .

الوسع و الحجم لصالح الفلوينس بشكل ملحوظ .

الخامات الداخليه فى بعض الاجزاء لصالح الفوكس .

قطع غيار و توكيل و اعادة سعر البيع لصالح الفلوينس بشكل كبير .

الانتشار لصالح الفلوينس بفرق كبير برضه .

بتتكلم على الفئه ال e3s و دى اللى معايا اللى قبل الهاى ﻻين اوبشن بالهبل طيعا و دى اوبشن فى عربيه فرنساوى مش فى عربيه صينى يعنى .

الفلوينس عفشه تورشن بيم بس ناعمه جدا و اعتقد انك عارف الفرنساوى عموما مشهور بنعومة عفشته . الفوكاس مش عارف بصراحه بس اعتقد مالتى .

الفلوينس صالونها و شنطتها عائليه جدا . انا لما اتفرجت على الفوكاس اتحشرت فى الكرسي بصراحه هههه . بس انا طويل .

دى مقارنه سريعه فى نقط تساعدك فى القرار

و بالتوفيق :)

لو حضرتك بتتكلم نظرياً كأساس عربية من عفشة و موتور و جيربوكس و هاندلنج، يبقى تتفوق الفوكاس على الفلوانس

إنما على أرض الواقع، الموضوع بيختلف كثير فى غير صالح الفوكاس للأسباب الأتية:

- جيربوكس باورشيفت: أخو الفتيس ال dsg بكافة مشاكلة الموجودة فى مصر و دون حلول حتى الان مع وكيل اقل من ضعيف
- عربية نادرة الانتشار هتتعبك قوى فى اعادة البيع ( سعر واقع و مش اى حد هيشتريها يعنى تقيلة) و كمان هتتعبك فى وحود قطع الغيار سواء فى توكيلها ( عدد عربيات قليلة مباعة يبقى قطع غيار قليلة مطلوبة و سعرها عالى طبعاً) او خارج توكيلها ( مفيش مستورد هيستورد ١٠ فلاتر مثلاً من صنف)
- زى ما اضاف الزميل العزيز، مش معروفلها توكيل و لا ايه اخباره اصلاً و اى عربية جديدة و خصوصاً اوروبى عايزة توكيل ممتاز علشان تستمع بالعربية
- العربية ضيقة عامة: سواء فى الأمام او الخلف او الشنطة مقارنة بمثيلاتها من نفس الفئة
- زى باقى الأوروبى تكييف ضعيف الأداء بالنسبة لمصر و حرها
- استهلاك بنزين عالى مقارنة بمثيلاتها من نفس الفئة
- اوبشنز اقل من الفلوانس بكتير لنفس السعر

دى ملحوظاتى على الفوكاس و لو تلاحظ غالبيتها نتيجة نزولها فى مصر مش علشان العربية وحشة.....بالعكس زى ما اوضحت الفوكاس كاساس عربية تتفوق على اغلب المنافسين فى هذه الفئة

تحياتى

I prefer focus its more like german cars

يا جماعه الف شكر علي ردودكم والله كلها مفيده بس انا اسف انا طلعت الفوكس من المنافسه عشان 2014 و لسه2015 منزلتش بس طلعتلي ال اوبل استرا انجوي حاجه كدا الماني الماني و مش عارف اقولكم ايه بتعبكم معايا الفلوانس بالاوبشنز دي كلها و لا الاوبل باعتماديتها و ثباتها الالماني انا اسف جدا بس لا زم اخواتي و يساعدوني عارف انها مقارنه غليه في الصعوبه

الرينو فرأي

معلش يا جماعة اللي يقول معلومة يكون متاكد منها علشان امانة النقل مش اي كلام و خلاص
الاخ hany saad المحترم
حضرتك تعرف كام واحد معاهم الفوكس الجديدة و راحوا التوكيل بمشاكل في الفتيس الباور شيفت ( اللي بالمناسبة موجود في الفولفو )و لأ كمان مالقلولهاش حل
وم حضرتك عرفت منين ان اوتو جميل ( وكيل التيوتا في السعودية لاكتر من ٢٠ سنه و صاحب توكيل فورد ليبيا و المغرب العربي) توكيل اكثر من ضعيف

اقتباس:

---

المشاركة الأصلية كتبت بواسطة ibrahiiimooo

معلش يا جماعة اللي يقول معلومة يكون متاكد منها علشان امانة النقل مش اي كلام و خلاص
الاخ hany saad المحترم
حضرتك تعرف كام واحد معاهم الفوكس الجديدة و راحوا التوكيل بمشاكل في الفتيس الباور شيفت ( اللي بالمناسبة موجود في الفولفو )و لأ كمان مالقلولهاش حل
وم حضرتك عرفت منين ان اوتو جميل ( وكيل التيوتا في السعودية لاكتر من ٢٠ سنه و صاحب توكيل فورد ليبيا و المغرب العربي) توكيل اكثر من ضعيف

---

أشكر حضرتك على التعليق،

أنا معرفش كام واحد معاه فوكس جديدة راح بيها التوكيل لأنى أصلاً معرفش فورد باعت كام عربية بحيث اللى أشترى يروح بيها التوكيل....شخصياً مبشوفش فوكس فى الشارع!!!!

أنا عملت بحث شامل عن الفورد لأنى كنت ناوى أشتريها و بحثى لا يشمل مصر فقط لأنى لا أعتمد على القيل و القال....أنا مسؤول عن كلامى تماماً و أمانة نقل الكلمة

ده لينك بيوضح كلامى و فيه غيره كتير جداً تحت كلمة البحث : Powershift problems أنصح حضرتك بإلقاء نظرة على كم المشاكل:

Investigation finds hundreds of complaints about Ford transmissions | Investigations - WTAE Home

- توكيل أتو جميل هو توكيل دايهاتسو، حضرتك سامع عنه أى حاجة دلوقتى سواء بيع أو صيانة؟؟!!!!
حضرتك سمعت عن مشكلة الأسكترا فى السيريون و كيف حلها توكيل أوتو جميل؟

أنا بقصد التحذير بكل أمانة و على القارىء التأكد من هذا الكلام أو نفيه أو إهماله إن كان ليس له قيمة

و لكن وجب التحذير و هذا هو الأمانة من وجهه نظرى

تحياتى

فلوانس وابعد عن الفورد عشان فيها مشاكل فى الجير بوكس

اقتباس:

---

المشاركة الأصلية كتبت بواسطة hany saad

أشكر حضرتك على التعليق،

أنا معرفش كام واحد معاه فوكس جديدة راح بيها التوكيل لأنى أصلاً معرفش فورد باعت كام عربية بحيث اللى أشترى يروح بيها التوكيل....شخصياً مبشوفش فوكس فى الشارع!!!!

أنا عملت بحث شامل عن الفورد لأنى كنت ناوى أشتريها و بحثى لا يشمل مصر فقط لأنى لا أعتمد على القيل و القال....أنا مسؤول عن كلامى تماماً و أمانة نقل الكلمة

ده لينك بيوضح كلامى و فيه غيره كتير جداً تحت كلمة البحث : Powershift problems أنصح حضرتك بإلقاء نظرة على كم المشاكل:

investigation finds hundreds of complaints about ford transmissions | investigations - wtae home

- توكيل أتو جميل هو توكيل دايهاتسو، حضرتك سامع عنه أى حاجة دلوقتى سواء بيع أو صيانة؟؟!!!!
حضرتك سمعت عن مشكلة الأسكترا فى السيريون و كيف حلها توكيل أوتو جميل؟

أنا بقصد التحذير بكل أمانة و على القارىء التأكد من هذا الكلام أو نفيه أو إهماله إن كان ليس له قيمة

و لكن وجب التحذير و هذا هو الأمانة من وجهه نظرى

---

استاذ هاني سعد المحترم
بالنسبة للينك اللي حضرتك حطيته و طلبت مني اقرا كمييييية المشاكل اللي في الفتيس الباور شيفت فاتمنى من حضرتك تكون قريته كله الاول قبل ما تحط اللينك
بص يا سيدي
مشكلة ( مش مشاكل) الفتيس الباور شيفت زيه زي اي فتيس دوال كلاتش في الدنيا انه بيتردد في النقل في الزحمة و ده شيء مفروض ان اللي بيشتري العربية يبقى ملم بيه و بياخد على الاحساس ده مع الوقت و لو ان التوكيل عمل تعديل في السوفت وير بداية من ٢٠١٤ قلل الاحساس ده كتير عن الاول حتي ان بعض الملاك الجداد بدؤا ما يحسوش بالنتشة اصلا و كان اللي عامل المشكلة هو احساس السائق بالنتشة الغير متوقعة و اللي ما حدش قاله عليها و اللي هي جزء من طبيعة الفتيس
اوتو جميل كوكيل للديهاتسو وكيل ناحج محدش اشتكى منه و لا له فضايح بتسمع زي عز العرب و لا منصور و لا غبور و ما حدش قال انه انضف توكيل في مصر العكس انا مقتنع ان كل توكيلات مصر عايزة يولع فيها بجاز لاكن كمان هو مش توكيل ضعيف
بمناسبة علبة الدريكسون اللي في السيريون عايز اقول لحضرتك مثلا ان الهوندا سيفيك الشكل قبل الجديد اكثر عربية في مصر بتجيب علب دريكسيون لعيب في التصنيع و مع كده كل اللي عمله التوكيل انه بيغيرها بعد انتهاء فترة الضمان ب٩٠٠٠ جنيه و اما غبور بيه فعلب الدريكسيون اللي في الالنترا الجديدة فهو عامل فيها من بهنا و مع كده محدش قال على الفطيم و لا غبور انه توكيل اقل من ضعيف و لا حاجة
اخر حاجة و اتمنى ماكنش طولت عايز اقول حضرتك انا مش بدافع عن الفوكس لمجرد الدفاع و خلاص بالعكس انا مقتنع جدا بالفلوانس و شايف. ان في رينج السعر اللي هيا فيه محدش جنبها اصلا بس هي امانه نقل المعلومة لوجه الله اولا و علشان الناس تستفيد ثانيا

http://www.nilemotors.net/Nile/45085...post3875834892

http://www.nilemotors.net/Nile/45085...post3875834902
بالمناسبة يا استاذ هاني ده كلامي من مشاراكات سابقة عن الفلوانس و الفوكس

http://www.nilemotors.net/Nile/45227...post3875845179
http://www.nilemotors.net/Nile/45233...post3875845508
عينه من مشاكل التوكيلات الي مش ضعيفة ( منصور و غبور مثلا) المشاركتين اللي فوق دول النهاردة بس

سبحان الله يكفي انك تعمل بحث في المنتدي على كلمة مشاكل في التوكيل و حضرتك تدرك الفرق على طول
بالمناسبة برضة توكيل اوتو جميل اكيد عايز الحرق هو كمان

توكل على الله في الفلوينس ومش هتندم بإذن الله، ولو غاوي ألماني يبقى أسترا وعييييييش .. والله أعلم.

اقتباس:

---

المشاركة الأصلية كتبت بواسطة ibrahiiimooo

استاذ هاني سعد المحترم
بالنسبة للينك اللي حضرتك حطيته و طلبت مني اقرا كمييييية المشاكل اللي في الفتيس الباور شيفت فاتمنى من حضرتك تكون قريته كله الاول قبل ما تحط اللينك
بص يا سيدي
مشكلة ( مش مشاكل) الفتيس الباور شيفت زيه زي اي فتيس دوال كلاتش في الدنيا انه بيتردد في النقل في الزحمة و ده شيء مفروض ان اللي بيشتري العربية يبقى ملم بيه و بياخد على الاحساس ده مع الوقت و لو ان التوكيل عمل تعديل في السوفت وير بداية من ٢٠١٤ قلل الاحساس ده كتير عن الاول حتي ان بعض الملاك الجداد بدؤا ما يحسوش بالنتشة اصلا و كان اللي عامل المشكلة هو احساس السائق بالنتشة الغير متوقعة و اللي ما حدش قاله عليها و اللي هي جزء من طبيعة الفتيس
اوتو جميل كوكيل للديهاتسو وكيل ناحج محدش اشتكى منه و لا له فضايح بتسمع زي عز العرب و لا منصور و لا غبور و ما حدش قال انه انضف توكيل في مصر العكس انا مقتنع ان كل توكيلات مصر عايزة يولع فيها بجاز لاكن كمان هو مش توكيل ضعيف
بمناسبة علبة الدريكسون اللي في السيريون عايز اقول لحضرتك مثلا ان الهوندا سيفيك الشكل قبل الجديد اكثر عربية في مصر بتجيب علب دريكسيون لعيب في التصنيع و مع كده كل اللي عمله التوكيل انه بيغيرها بعد انتهاء فترة الضمان ب٩٠٠٠ جنيه و اما غبور بيه فعلب الدريكسيون اللي في الالنترا الجديدة فهو عامل فيها من بهنا و مع كده محدش قال على الفطيم و لا غبور انه توكيل اقل من ضعيف و لا حاجة
اخر حاجة و اتمنى ماكنش طولت عايز اقول حضرتك انا مش بدافع عن الفوكس لمجرد الدفاع و خلاص بالعكس انا مقتنع جدا بالفلوانس و شايف. ان في رينج السعر اللي هيا فيه محدش جنبها اصلا بس هي امانه نقل المعلومة لوجه الله اولا و علشان الناس تستفيد ثانيا

---

استاذ ابراهيم،
انا فعلا قريت اللينك اللى شاركت بيه و قريته كويس كمان....الموضوع مش موضوع نتشة!!!!!!!
الناس على فتيس بيعلق و مش بيرضى ينقل و فتيس كان النقلات بتفوت....الناس بتتكلم على امور متعلقه بالأمان على الطريق من هذه التعليقه بيطالبوا شركة فورد تسحب العربيات
الموضوع ليس دفاعا عن الفلوانس و فيه عربيات كتير احسن منها
هل مشكلة الفتيس ال دى اس جى هى نتشة فقط؟؟!!!!!!
احنا مغيرين 4 فتيسات لعربيتين توران!!!!
يعنى الكلام عن تجربة فعليةمش نقل كلام فقط

تحياتى

اقتباس:

---

المشاركة الأصلية كتبت بواسطة Hany Saad

استاذ ابراهيم،
انا فعلا قريت اللينك اللى شاركت بيه و قريته كويس كمان....الموضوع مش موضوع نتشة!!!!!!!
الناس على فتيس بيعلق و مش بيرضى ينقل و فتيس كان النقلات بتفوت....الناس بتتكلم على امور متعلقه بالأمان على الطريق من هذه التعليقه بيطالبوا شركة فورد تسحب العربيات
الموضوع ليس دفاعا عن الفلوانس و فيه عربيات كتير احسن منها
هل مشكلة الفتيس ال دى اس جى هى نتشة فقط؟؟!!!!!!
احنا مغيرين 4 فتيسات لعربيتين توران!!!!
يعنى الكلام عن تجربة فعليةمش نقل كلام فقط

تحياتى

---

استاذ هاني المحترم
لوحضرتك كنت قريت المشاركات اللي انا حاطط اللينكات بتاعتها كنت حضرتك حتعرف الاجابة
الفتيس الDSG مختلف في تصميمه عن الفتيس الباور شيفت , صحيح ان الاتنين DCT بس الDSG من النوع dry type واللي بيعتمد على الهواء في تبريده وده من الحاجات اللي عامله فيه مشاكل كتير وبتبوظ وحدة الميكاترونيكس مع الاستخدام في الزحمة اما الفتيس الباور شيفت فمن النوع wet type اللي معتمد على الزيت في التبريد و تليين الحركة زيه زي اي فتيس مانوال عادي و لذلك مش بيبوظ و كل ما هنالك هوموضوع النتشة المرتبط بأي فتيس DCT

اقتباس:

---

المشاركة الأصلية كتبت بواسطة ibrahiiimooo

استاذ هاني المحترم
لوحضرتك كنت قريت المشاركات اللي انا حاطط اللينكات بتاعتها كنت حضرتك حتعرف الاجابة
الفتيس الDSG مختلف في تصميمه عن الفتيس الباور شيفت , صحيح ان الاتنين DCT بس الDSG من النوع dry type واللي بيعتمد على الهواء في تبريده وده من الحاجات اللي عامله فيه مشاكل كتير وبتبوظ وحدة الميكاترونيكس مع الاستخدام في الزحمة اما الفتيس الباور شيفت فمن النوع wet type اللي معتمد على الزيت في التبريد و تليين الحركة زيه زي اي فتيس مانوال عادي و لذلك مش بيبوظ و كل ما هنالك هوموضوع النتشة المرتبط بأي فتيس DCT

---

على فكرة الباور شيفت إللى فى الفوكس dry DCT مش wet