الموضوع: وطن العك وتضيع حق الغلابة حسبنا الله ونعمَّ الوكيل

حسبنا الله ونعم الوكيل

بفكر فى حالة ان مرات الباشا او اخته اللى حصل لها كده ياترى حيحصل ايه ؟؟؟؟

المشاركة الأصلية كتبت بواسطة kaza

طبعا دة من سلبيات المجتمع واللي كلنا بنشتم فية بدلا من تكاتفنا في دفع الضرر والاولي ان كل من يدعي الرجولة كا يسكتش علي اي حاجة يشوفها غلط دة الاولي بدل كيل السخط علي الشرطة لان الاساس في الناس ومقاومتهم للفساد والحرامية واللصوص والهجامين وغيرة ..للاسف بقت نسبة كبيرة من الشعب همجي وبلطجي ومحتاجين عسكري لكل واحد من الشعب ومش هيتم ابدا نشر الامن والسلم في غياب الحساب باسم بطئ التقاضي والقوانين المهلهلة وضعف قدرة الشرطة بسبب الارهاب ..لازم احنا كمان نساعد اللي يشوف واحد بيعاكس يمسكة ومش واحد لا انا وانت واحنا كلنا..اللي يشوف جوز عيال في عربية في حتة ظلمة يمسكهم ..اللي يشك في حد لازم يتاكد منه ومانسكتش علي اي غلط يحصل امامنا دة واجب لكل من ينتمي لارض ونيل البلد ويارب الناس تفوق ونطلع من الغمام دة

يا باشا الموقف ده مش من سلبيات المجتمع ده من استهتار الشرطة و عدم تأديتها لواجبها
بره فى الدول المحترمة لو حد بيضرب فى الشارع غالبا محدش بيدخل علشان ميتأذيش والشرطة هى اللى بتيجى فى ثانيه انما العسكرى يقف يتكلم فى التليفون و شايف واحده بتتسحل ؟؟؟؟
لو مش قادرين يحمو الناس اومال هما بياخدو مرتبات على ايه ؟؟؟
يبقى يسيبونا خالص و يسمحوا لينا بترخيص سلاح واللى يحاول يعتدى عليا اضربه بالنار

اما ضعف الشرطة فمشفالشرطه اصلا مش ضعيفة ولا حاجه بس مش فاضيه للحرامية و وراها حاجات تانيه
حضرتك جرب كده وكلم الشرطه قلهم فى حرامى و جرب كلمهم قلهم فى مظاهرة وشوف رد فعلهم حيكون ايه ؟؟؟؟

مع إحترامى لكل الأخوة المعلقين . مش لازم يكون عندك واسطة علشان تمشى حالك فى البلد دى

الفلوس بتعمل اللى مبتعملوش الواسطة بل هى أقوى كثيرا منها . فى التعامل مع الجهات الحكومية لو معاك فلوس بتخلى الموظف يسيل لعابه و ينجزلك أى حاجة (عن تجربة) و أرجوكم محدش يقولى رشوة و حرام لإنك فى النهاية تدفع مضطرا للحصول على حقك و ليس لإغتصاب حقوق الآخرين و السبب فى ذلك هو من أوصل الفساد ليتحكم فى كل شيىء فى حياة المصريين.

مشكلة الأخت إنها متعرفش إن عمل أى محضر لابد له من دفع ( من زمان الموضوع ده ) و كل الأقسام بتمشى كدة .إنت تدفع لعمل محضر ضد شخص ما و ممكن جدا هذا الشخص يدفع أيضا لتعطيل المحضر و عدم إرساله للنيابة ( حصلت معى شخصيا سنة 2009 و دفعت مرتين الأولى لعمل المحضر ضد صاحب المنزل و قام هو برش أكلة سمك على القسم لتعطيل المحضر ثم دفعت تانى لإرسال المحضر للنيابة ) سبوبة بقى

شخلل أبلدينا