ايه هو اصعب موقف قابلك و انت سايق

**samirpop2** · 04-05-2007 02:38 AM

المشاركة الأصلية كتبت بواسطة hazem_khidr

استاذ سمير اولا حصل خير, و المفروض ان كلنا اخوات هنا, مش بندخل المنتدى بغرض الخناق او اى حاجة

بص حضرتك الاستاذ حازم خضر يعنى ايه اللى هو ليه علشان يحكى قصة خيالية, و هيستفيد ايه من ده؟
و لو سلمنا جدلا انه بيحكى قصة خيالية, يبقى حاجة منه لربنا, ملناش احنا العباد اننا نتدخل فيها

حضرتك احنا هنا مفترضين حسن نية الاعضاء و مصداقيتهم, و اذا حد حكى اى حاجة فبنسبة كبيرة جدا ان مكنش اكيد هى فعلا حصلت بجد.

لكن ان حضرتك تقوله واسعة شوية, او اى مصطلح مشابه, فده اتهام ضمنى للعضو بالكذب ببساطة.

كان ممكن حضرتك تبعتله رسالة خاصة تستفسر منه على تفاصيل اكتر, او تستوضح منه حاجة, و ممكن يبقى فى معلومة او حاجة مذكرهاش, فتثبت صحة كلامه, و ان كان هو مش مطالب يعمل كده

لو عاوزين المنتدى ده يكبر, و يزدهر فعلا لازم يكون فى حب, ترابط و إخاء بين الناس, محدش يتربص بحد, او يقف له على الواحدة.

انا معرفش الاستاذ حازم, و برده معرفش حضرتك بس قلت اقول رأى لوجه الله

ارجو انى مكونش زعلت حد

شاكر جدا لردك يا استاذ معاذ و بصراحه انا غلطان اني رديت من الاول علي الاستاذ سمير كان لازم ابقي تبقي دماغي اكبر من كده بس انا حسيت انه بيغلط فيا و متهيالي لو هو مكاني مكنش سكت

حقك عليا يا استاز حازم لو انت زعلان وما محبه الى بعد عداوه واحنا الحمد لله مفيش حاجه بنا متزعلش مني

**sh_masry** · 04-05-2007 02:51 AM

انت كده ميه ميه يا ابو سمره و المسامح كريم يا حزوووم .

a7'ookom
Sherif

**hazem_khidr** · 04-05-2007 06:04 AM

حقك عليا يا استاز حازم لو انت زعلان وما محبه الى بعد عداوه واحنا الحمد لله مفيش حاجه بنا متزعلش مني

و انا ما اقدرش ازعل من الاستاذ سمير و حصل خير و يا سيدي انا اسف لو كنت غلط فيك و حقك عليا

**معاذ الشرباصى** · 04-05-2007 02:13 PM

و الله هو ده الصح, بارك الله فيكم انتم الاتنين, و ربنا ميجبش زعل بينكم تانى :)

04-05-2007 02:37 PM

فعلا ربنا يبارك فيكم انتم الاثنين --الصلح خير --خاصا لما يكون طرفى النزاع اشخاص --مميزين ومحترمين بالشكل دة ---بس لى سؤال عند الاستاذ سمير --ممكن نعرف اية هى الاختبارات التى اجتزتها حتى تحصل على هذة الوظيفة --

**samirpop2** · 16-05-2007 10:45 PM

انا اسف علشان مفتحتش اللينك ده من فتره بس المهم اني في البدايه اعرف ايطالي بسيط والاهم ان كنت شغال الاول مع التعاون الايطالي في القاهره في احد المشاريع الخاصه بحماية الاثار في منطقة اثار سقاره فكنت علي معرفه بكل الناس في السفاره وعملو مسابقه والحمد لله

16-05-2007 10:48 PM

شكرا للاهتمام والرد بالشكل الواضح دة--

**Lion_Heart** · 11-09-2011 06:27 PM

مواقف غريبة و ممكن تحصل لاى واحد فينا و ربنا يستر

**Ashraf_Ashraf** · 12-09-2011 01:57 PM

هى المواقف كتيييييييييييييييييييييير ه جدا وطول مانت معاك عربيه مهما كان نوعها اكيد هتتعرض لموقف رخم
انا هحكى على اخر موقف حصل لى فى رمضان اللى فات راجع قبل الفطار وانتم عارفين قبل الفطار الناس بتتسرع على الاكل مش عارف ليه المهم كنت راكب ال132 ولسه عامل عمره كامله ليها ومغير كل شئ ويدوب العربيه عامله 1200 كيلو بعد العمره
المهم وانا جاى فى ازحم حته فى شارع جسر السويس وشميت كده ريحه كاوتش او شياط قلت يمكن حاجه فى الشارع مافيش ثوانى ولقيت العربيه كلبشت مره واحده فى الارض وراحت فاكه والموتور وقف ادور مش عاوزه تدور والعربيات بقى هات ياكلكسات وكلام رخم
نزلت فتحت الكبوت اشوف فى ايه اتفزعت ولقيتنى فاتح بقى وانا مش فاهم اللى حصل
لقيت سير الدينامو وهو بالمناسبه مكتوب عليه المانى ومشرشر ساح ودخل على سير الكاتنيه قطعه ولقيت بواقى السيور طالعه من الموتور ومقطعه و منتوره فى الحوض حتت وطبعا العربيه جابت صبابات طبعا
كان فاضل ربع ساعه على الفطار قلت ازقها على اى جنب لبعد الفطار وانا دمى بيغلى على الموتور اللى راح وعلى ان اى حد يساعد ويزق معايا والناس قاعده بتتفرج ولا سيما سكوب هههههههههههه و لا حتى حد من العربيات المعديه يبطل بس يبص بقرف او يحط لسانه فى بقه ويسكت
بعد الفطار جبت عربيه وشالتها ودتها للميكانيكى فك الوش لقى طبعا الصبابات كلها اتعوجت وبوظت حتى قاعدتها ولقى التروس الثلاثه بتوع الكاتينه ادمروا
عملتها من تانى وادينى منتظر الموقف الجديد من العربيه