ماكينة قهوة

**khaloooda** · 13-12-2014 12:37 PM

عاوز اجيب ماكينة قهوة ولي بعض الاسئلة ياريت اصحاب الخبرة يفيدوني فيها

هل فيه ماكينة تعمل نسكافيه وكابوتشينو واسبريسو ولاتيه واي نوع قهوة ولا كل ماكينة مخصصة لنوع او اتنين من دول
ايه الفرق بين المانيوال والاوتو
هل لما اجيب ماكينة لازم اشتري لها القهوة الكبسولات بتاعتها ولا ممكن اجيب اي نوع بن او نسكافيه او كابوتشينو انا بحبه واستعمله
لو لازم الكبسولات هل فيه حاجة كبسولاتها سعرها معقول لاني لقيت بصراحة اسعار اوفر شوية ، مش عملية ابدا لواحد بيشرب كذا فنجان في اليوم
ايه الانواع الموجودة وليها ضمان وصيانة وايه صناعتها وهل بيفرق صيني من الماني من امريكي ولا هي الفكرة وميكانيزم العمل واحد في اي ماكينة
هل طعم الكابتشينو في ستاربكس او اون ذا رن يتوقف علي الماكينة ام علي نوع البن المستخدم
واخيرا ...
طلبي هو ماكينة للاستخدام المنزلي يكون فيها درج عشان اللبن وبتعمل ستيم وممكن انها تعمل نسكافيه او كابتشينو او سبريسو او غيره ،، وبالنسبة للسعر ... فالاهم من سعر الماكينة هو سعر الكبسولات او البن المستخدم وياريت تكون بتقبل نسكافيه او كابتشينو سايب زي اكياس نسكافيه او علي كافيه مش بتستلزم بن كبسولات

**اسماء محمد** · 13-12-2014 02:26 PM

متابع ....................

**dedi** · 13-12-2014 02:29 PM

انا عندى ديلونجى وسعرها معقول تقريبا 600 او 700 جنية وباشرب منها كابتشينو وممكن تعمل اكسبريسو بس هى موديل قديم بس ممتازة بصراحة وبتعمل فووم فى اللبن كويس وبها خزان للمياة الساخنة

**khaloooda** · 13-12-2014 06:31 PM

يعني الماكينة الواحدة ممكن تعمل اسبريسو وكابوتشينو ولاتيه وكله ولا ايه

**Batman372** · 13-12-2014 07:13 PM

المشاركة الأصلية كتبت بواسطة khaloooda

يعني الماكينة الواحدة ممكن تعمل اسبريسو وكابوتشينو ولاتيه وكله ولا ايه

مفيش مكن للنسكافيه ... حضرتك الى بتعمله يدوى عادى زى ما كلنا عارفين :)

اغلب الماكينات بتعمل اسبريسو ...

كابوتشينو او لاتيه .. يعنى محتاج لبن ... فلازم الماكينه تبقى بها وحده بخار steam ... او مجهزه بتانك لبن بيعملك الكابشينو اوتوماتيك ...

افضل ماكينات و سعرها معقول ديلونجى delonghi

الماكينات الى بتستخدم كبسولات ... لازم تجيب كبسولاتها الخاصه بها مثل illy و nespresso ... و الكبسوله بتبقى فى رنج ٥.٥ جم ... لكنها تعتبر ارخص من اى كوفى شوب مثل ستار بكس او اون زاران ب ١٦ جم الكابتشينو ...

الافضل انك تبحث على اليوتيوب على فيديوهات لماكينات القهوه المختلفه و حضرتك تعرف الفروقات و كيفيه الاستخدام ...

تحياتى ...

**SoFiMaN** · 13-12-2014 07:57 PM

انا عندي ال Delonghi بس الاوتوماتيك سعرها من سنة كان 3700 بس ميزتها ان كل حاجة هي بتعملها اوتو بزرار
كل اللي عليك تعمله تحط مياه في الخزان (فيه فلتر كمان) و بعدين تحط لبن ساقع في الخزان برضه و البن سواء باودر او كبسول و تنتظر 1 دقيقة

بعد كده تدوس زرار كابتشينو هو هيعمل و يظبط البخار و نفس الشئ اللاتيه و الاسبريسو و الدبل و لو عايز مياه سخنة بس

في المانيوال بتاعتها انت بتتحكم في البخار بتاعها و 10 بار مش 15 سعرها في حدود 1400 جنيه

**khaloooda** · 14-12-2014 06:48 PM

المشاركة الأصلية كتبت بواسطة sofiman

انا عندي ال delonghi بس الاوتوماتيك سعرها من سنة كان 3700 بس ميزتها ان كل حاجة هي بتعملها اوتو بزرار
كل اللي عليك تعمله تحط مياه في الخزان (فيه فلتر كمان) و بعدين تحط لبن ساقع في الخزان برضه و البن سواء باودر او كبسول و تنتظر 1 دقيقة

بعد كده تدوس زرار كابتشينو هو هيعمل و يظبط البخار و نفس الشئ اللاتيه و الاسبريسو و الدبل و لو عايز مياه سخنة بس

في المانيوال بتاعتها انت بتتحكم في البخار بتاعها و 10 بار مش 15 سعرها في حدود 1400 جنيه

ممكن الموديل بتاع المانيوال