قولت لزميلتي انا معجب بيكي ؟ محتاج مساعدة

**mmohamed15** · 13-12-2014 03:13 PM

لو انت تقدر ترطب و ظروفك متيسره و هتقدر تفتح بيت بعد التخرج فتوكل علي الله و اتقدم لها و قولها انك عايز تتقدم
لو مش جاهز و لسه مش عارف الدنيا هتمشي معاك ازاي يبقي ابعد عنها من دلوقت و متعلقهاش بيك ده اولا
ثانيا بالنسبه ليها هي ممكن تبقي محايده بالنسبه ليك يعني مش رفضاك و مش قبلاك و شايفه ان هي لسه صغيره و ممكن تيجي ليها فرص احسن البنات دلوقت بقي عندها جنب المشاعر متطلبات اخري زي الفلوس و العريس المرتاح اللي هيعرف يجبلها اللي عايزه فهي ممكن متبقاش عايزه تقطع علي نفسها ان ممكن فرص تانيه احسن تجيلها
اعرض عليها الخطوبه بشكل مباشر لو وافقت يبقي مشاي لو قالت لك مش عايزه ارتبط دلوقت يبقي انساها دي واحده فاتحه مزاد

**mohamedFTW** · 13-12-2014 03:22 PM

بصراحة انا محتار جدا ... علشان انا قولت اقولها اني معجب بيها و علشان استريح و اعرف ردها و خالص ..
بس انا لسة متديق علشان بتقولي مش عايزة اخسرك و كدة مرتحتش و معلقاني برضووو ... معاها ؟

**Karim Alaa** · 13-12-2014 03:33 PM

يا باشا الموضوع سهل هى قالتلك مش عايزه ادخل فى علاقه اقولها و انا مطلبتش ادخل فى علاقه انا بس عايز رقم والدك لو ردت بنفس الكلام يبقى هى فعلا مشغوله بحد تانى عاطفيا و ممكن تكون مش عايزاك تبعد دلوقتى المهم اعرض الخطوبه ممكن ردها يتغير و ساعتها تبقى كانت خايفه تتسلى بيها شويه و خلاص

**Ahmedmiy** · 13-12-2014 03:33 PM

المشاركة الأصلية كتبت بواسطة mohamedftw

اخي الكريم ...
انا كنت لسة هقولها علي خطوبة مش داخل العب ولله ... بس محتاج حد معايا يفسر الكلام مش اكتر !

بسم الله الرحمن الرحيم
الحمد لله والصلاة والسلام على رسول الله نبينا محمد خير خلق الله

الحمد لله أنك وضحت علشان قلبى كان متحسر جدا واسف انى نظرت للموضوع بسوء ظن ولكن الحمد لله أنت شخص كريم فاضل تم تربيتك جيدا والحمد لله
شوف يا أخى علشان أنت مكنتش موضح نيتك فمرضيتش أزود فى الكلام بس من خلال كلامك وطبعا ممكن يكون الواقع مختلف وجهة نظرى أنها ليست على المستوى اللائق فى الرد عليك إذا كانت هى محترمة فعلا كانت رفضت الكلام معاك تماما بشكل قاطع
وكمان أنت قولت حاجة مهمة جدا أنك محتاج حد يفسر الكلام شوف يا أخى الحبيب موضوع الجواز ده علشان إن شاء الله يكون ناجح لازم يتبنى على أوامر الله وسنة الرسول عليه الصلاة والسلام وده فى أدق التفاصيل وأكبرها مع إعتبرات الواقع الاجتماعى الان فبالاساس أمرنا الله إذا كنت ترغب فى الزواج من حد مينفعش تطلب ده بشكل مباشر كده والايه الكريمة فى القران الكريم واضحة بأن تسال من وراء حجاب يعنى زى ما حضرتك طلبت حد يفسر الكلام

والنصيحة أخى الكريم لازم تختار على الاقل من لديها الحد الادنى من التدين فى المقام الاول بالنسبة لك علشان تريحك وتكون معاك على الحلوة وغيرها لان مفيش حاجة إطلاقا بتحقق ده غير مستوى التدين وطاعة الله والموضوع ينطبق على الراجل والست

وبما أنك أخى الحبيب تبحث عن زواج إن شاء الله لازم تعرف ضوابط الموضوع من مصادر موثوق فيها وتحاول تنفذ علشان يكون الموضوع ناجح وبقدر تقصيرك يكون نسبة النجاح من عدمه

أخيرا إذا كان لك أم أو أب أو شخص تثق فيه إن شاء الله ضعهم فى واجهة الموضوع وأعتمد على وجهة نظرهم بشكل كبير وإن شاء الله ربنا يوفقك ويكرمك بخير متاع الدنيا زوجة صالحة ترعاك وتعصمك وانت كذلك جزاك الله خير حبيبى فى الله محمد

سبحان الله وبحمده سبحان الله العظيم

**S O P H O S** · 13-12-2014 04:14 PM

فرأي تتكلم علي ارتباط رسمي لو مقتنع بالموضوع
لو رفضت او قالتلك اجل الحكاية دي
متفكرش فيها تاني حتي لو بعد سنة هي الي قالتلك
والله اعلم

**mohamedFTW** · 13-12-2014 04:15 PM

ان شاء الله بس على سنة 3 كدة

**Ahmedmiy** · 13-12-2014 04:42 PM

بسم الله الرحمن الرحيم

الحمد لله والصلاة والسلام على رسول الله نبينا محمد خير خلق الله

الثوابت التى لن تتغير أبدا سوء دلوقتى أو فى سنة 3 أو بعد التخرج أو بعد الجواز

البنت أهلها أستئمنوها علشان تنزل تتعلم مش علشان أى حاجة تانيه وإذا كان فى حاجة غير التعليم فهى خيانة للأمانة

الخطوبة مش معناها أنك ممكن تتعامل معها عادى وتلتزم بيها وهيا كمان بالعكس هذه العلاقة حرام

الفاصل فى معاد الزواج هو القدرة على تكوين اسرة من الناحية المادية وغيره يعنى لو القدرات مش متوفره يبقي مينفعش نخطب حتى تتحسن الظروف أو نخلص دراسة

كل واحد أمين على غيره من الناس مسلم أو غير مسلم مينفعش نخون بعض أو نغدر ببعض والبنات أمانة معانا فى الجامعات والشغل والشارع لازم نحافظ عليهم ومنعرضهمش للفتنة

واخيرا كل واحد حيتحاسب على اعماله لواحده

الحمد لله

سبحان الله العظيم وبحمده
سبحان الله وبحمده سبحان الله العظيم