الموضوع: جيلى والثبات .... تقييم عن تجربه ...

المشاركة الأصلية كتبت بواسطة j a g u a r

الف سلامه على حضرتك

جزاك الله خيرا على مرورك

فعلا كلام حضرتك سليم ميه فى الميه فعلا والله ستر ربنا مش عربيه ولا حاجه بس بجد اللحظه دى مش حنساها بجد ...فعلا ساعه القدر تعمى البصيره ..الحمد لله على كل شئ وشكرا على الاهتمام والمشاركه

المشاركة الأصلية كتبت بواسطة eng f3lix

ان العربية تلعب مع الفرامل مفيهوش اي نوع من الثبات

وان العربية تفضل على وضعها من غير ماتتقلب بردو مفيهوش اي نوع من الثبات .. لو شيروكي ممكن متتقلبش ولو بي ام دابليو ممكن تتقلب !!!

هو ستر من عند ربنا في الاول وفي الاخر والحمد لله على كل شيء والف سلامة عليك

جزاك الله خيرا اخى الغالى على مرورك ، بس حضرتك عارف غصب عنك يعنى انا كنت عارف لو دوست فرامل حيبقى غلط بس فى الموقف نفسك مش بتحس بنفسك خالص ، وان شاء الله اعمل بنصيحتك واكشف على الحاجات اللى انت قولت عليها ، تحياتى على مرورك

المشاركة الأصلية كتبت بواسطة ashouhdy

الف سلامة عليك
واياااك اياك تضرب فرامل علي مطب او حفرة ، اضرب قبلها وسيب الفرامل وكلها بسرعتك


انصحك تكشف عالزوايا والجنط وجلب المقصات والمقصات والمساعدين

الحمدلله على سلامتك ربنا ستر ومفيش حاجة حصلت .
شيك على العربية عشان تتأكد ان كل حاجة تمام وتبقى ماشي وانتا مطمن .
وبالمناسبة انظمة الامان الى بتكون في العربيات ما هيا الى وسائل مساعدة مش اكتر وغالبا بتكون للطرق الحقيقة مش للنقر الى بنمشي عليها وربنا يستر طريق الجميع ويسلم من كل سوء .

الحمد لله على سلامتك يا باشا
و بخصوص الجيلي معلش هى تقفيل مصري انا حصل معايا موقف زي بتاعك تقريبا بعربيه جيلي ck تقفيل صيني كنت ماشي 200 على طريق العين السخنه و طبعا ولا كأنى ماشي 120 مع انها صغيره و فجأه اكلت بالعربيه حته اسمنت من اللى ماليا الشوارع عندنا والحمد لله الكوبلن اتكسر والحمد لله ربنا الهمنى انى اهدى سرعه العربيه واحده واحده لحد مركنتها ع اليمين و نزلت اشوف حصل
بس بصراحه الجيلي عربيه محترمه جدا انا اللى معايا 2009 و بشد مع اجدع عربيه و ثبات جميل مع انها عربيه صغيره و بسافر بيها دايما الغردقه و شرم بس جمالها انها تقفيل صيني
لان بيني و بينك اركب جيلي تقفيل صيني ومركبش لمبورجيني تقفيل مصري
و اخير الحمد لله على سلامتك

اولا حمدالله على سلامتك
ثانيا انا هاكلمك على حاجة حصلت معايا شخصيا على طريق مطروح سيوة... ويمكن فى ناس عارفة يعنى ايه الطريق .. الطريق فردة واحدة رايح جاى لمسافة 310 كم ... انا معايا اسبرانزا 516
كنت راجع من سيوة بالليل وكان فى واحد فى المقابل ضارب نوره العالى وانا مش شايف الطريق وفى حالة زي كدة بناخدها بالاحساس وباخدجنب الطريق من ناحية اليمين عشان انا اعدى وهو يعدى ... المهم انا عملت كدة فعلا وكنت ماشى 160 وفجأة على مسافة قريبة جدا اتخايلت بحديد ومطب عشان اتضح ان البيه اللى مدى نوره العالى واقف فى كمين جيش والبهوات بتوع الكمين كمان مافيش اى نور او علامة لوجود الكمين ... اخدت طبعا المطب على ال 160 ورجلى على الفرامل زى ماتقول قول .. ال abs اشتغل ودخلت على الحديد وناورت بيه يمين وشمال ووقفت على اخر الحديد اللى قافل الطريق خالص بالعافية ... طبعا نزلت من العربية اعصابي سايبة وبسب بالعن للعساكر وكنت عايز اضرب الراجل الحمار اللى منور نوره العالى لأنى كنت هاعمل بجد حادثة مروعة.... المهم انا غرضى من سرد الحكاية دى ان المفروض مع الدوسة الشديدة للفرامل كان جهاز ال abs يشتغل وده اللى بيخلى العربية ثابتة فى المناورات مع الضغط ع الفرامل بقوة ومايخليهاش تزحف او تلف حاولين نفسها... فبكدة عندك مشكلة من الاتنين , يا اما ال abs ماشتغلش ويبقى فيه مشكلة ,,, يا اما ان حضرتك حودت بالدركسون جامد على سرعتك فكانت لازم تعمل كدة .... انما لو جبت اى عربية مافيهاش abs وضربت فرامل على سرعة عالية مع حودة الدركسيون لازم تلف حاولين نفسها وممكن تقلب كمان ... فالحمد لله على كل شئ ولكن اتأكد ان abs عندك شغال ولا لأ.
بالنسبة للمبة التشيك ماتقلقش خالص والعربية ان شاء الله مافيهاش اى حاجة تقلق منها لأن محصلش حاجة اصلا لكن اللمبة ممكن تكن نتيجة اللفة دى ورواسب التنك طبعا ظهرت فى فى البنزين وطفت لما العربية استقرت والرواسب نزلت فى قاع التنك طفت وبقت حالة العربية عادية
حمدالله ع السلامة مرة تانية

المشاركة الأصلية كتبت بواسطة jianolla

اولا حمدالله على سلامتك
ثانيا انا هاكلمك على حاجة حصلت معايا شخصيا على طريق مطروح سيوة... ويمكن فى ناس عارفة يعنى ايه الطريق .. الطريق فردة واحدة رايح جاى لمسافة 310 كم ... انا معايا اسبرانزا 516
كنت راجع من سيوة بالليل وكان فى واحد فى المقابل ضارب نوره العالى وانا مش شايف الطريق وفى حالة زي كدة بناخدها بالاحساس وباخدجنب الطريق من ناحية اليمين عشان انا اعدى وهو يعدى ... المهم انا عملت كدة فعلا وكنت ماشى 160 وفجأة على مسافة قريبة جدا اتخايلت بحديد ومطب عشان اتضح ان البيه اللى مدى نوره العالى واقف فى كمين جيش والبهوات بتوع الكمين كمان مافيش اى نور او علامة لوجود الكمين ... اخدت طبعا المطب على ال 160 ورجلى على الفرامل زى ماتقول قول .. ال abs اشتغل ودخلت على الحديد وناورت بيه يمين وشمال ووقفت على اخر الحديد اللى قافل الطريق خالص بالعافية ... طبعا نزلت من العربية اعصابي سايبة وبسب بالعن للعساكر وكنت عايز اضرب الراجل الحمار اللى منور نوره العالى لأنى كنت هاعمل بجد حادثة مروعة.... المهم انا غرضى من سرد الحكاية دى ان المفروض مع الدوسة الشديدة للفرامل كان جهاز ال abs يشتغل وده اللى بيخلى العربية ثابتة فى المناورات مع الضغط ع الفرامل بقوة ومايخليهاش تزحف او تلف حاولين نفسها... فبكدة عندك مشكلة من الاتنين , يا اما ال abs ماشتغلش ويبقى فيه مشكلة ,,, يا اما ان حضرتك حودت بالدركسون جامد على سرعتك فكانت لازم تعمل كدة .... انما لو جبت اى عربية مافيهاش abs وضربت فرامل على سرعة عالية مع حودة الدركسيون لازم تلف حاولين نفسها وممكن تقلب كمان ... فالحمد لله على كل شئ ولكن اتأكد ان abs عندك شغال ولا لأ.
بالنسبة للمبة التشيك ماتقلقش خالص والعربية ان شاء الله مافيهاش اى حاجة تقلق منها لأن محصلش حاجة اصلا لكن اللمبة ممكن تكن نتيجة اللفة دى ورواسب التنك طبعا ظهرت فى فى البنزين وطفت لما العربية استقرت والرواسب نزلت فى قاع التنك طفت وبقت حالة العربية عادية
حمدالله ع السلامة مرة تانية

حمدلله على السلامة يافندم .
طريق مطروح سيوة ماشي 160 كم . وبليل حضرتك بجد ولا كنت فين ؟؟؟؟؟
الطريق دا مفهوش اي خدمات ولا انارات و نقطة جيش وحيدة قبل 70 كم من سيوة دول بس الى بيكون نورهم باين بس الطريق دا ماكسمم سبيد 120 كم غير كدا يبقى تهور اصلي .
وربنا يستر طريق الجميع .