المشاركة الأصلية كتبت بواسطة هانى القناوى
لو افترضنا ان تمن العربيه فى المانيا 20,000 دولار ولو انا هاستورد حوالى 100 عربيه هايبقى انا هادفع لالمانيا حوالى 2,000,000 مليون دولار هاجى بقى ادخلها مصر ادخل على الجمارك هايقولولى العربيات دى كام سى سى
اقول مثلا 1600 cc "طبعا باثبت بالاوراق"
هايقولو انت هاتدخل على الشريحه الجمركيه ل 1600 cc اللى هى 30 % يعنى هاضيف 30% فوق الفلوس اللى دفعتها تمن العربيه يعنى هادفع لكل عربيه علشان تدخل حوالى 6000 الف دولار يعنى انا دافع فى بلد المنشاء 20000 + 6000 =26,000 الف دولار
كده خلصنا الافراج الجمركى
ادخل على مرحله الضرايب و الرسوم الخ الخ
يعنى العربيه فى الاخر هاتبقى ب 30,000 الف دولار يعنى المستورد دافع فوق تمن العربيه 10,000 عن سعر بلد المنشاء اللى مشترى منه
وده اللى الاتفاقيه رافضاه شكلا وموضوعا الاتفاقيه انت هاتشترى منى ب 1 دولار هاتدخله عندك ب 1 دولار
بالاضافه المعامله بالمثل
يجى يوزعها للكبار التجار هو عايز يكسب والكبار التجار عايزين يكسبووووووا واصحاب المعارض الصغيره عايزه تكسب فى النهايه العربيه هاترسى على 50,000 الف دولار وده المبلغ اللى بيدفعه المشترى العادى
ده اللى انا فهمته من الليله الكبيره فى البيع والشرى ممكن اكون اصبت او اخطات
ولكن يبقى المشترى مظلوب بين كل هؤلاء