اضراب لمدة اسبوع واحد فقط , و شوفوا النتيجة

**MedaSam** · 02-11-2008 02:54 PM

هي دي المشكله ....... اليأس ملانا و الشك في أن حاجه تتغير بقى طبيعي ...... و بقي مجرد التفكير في عمل مقاطعه أو اضراب مغامره ........ و حتى لو فكرنا التنفيذ للأسف بيبقى عشوائي ...... لا تشعر باتجاه موحد أو هدف واحد ...... أنا مش بقول انني غير عامة الشعب ....... لأ أنا برضه عندي نفس المشاكل دي ....... علشان كده بحاول أغير من نفسي على قد ما أقدر

لو عايزين نعمل اضراب ....... هيه مش فكره جديده ..... المشكله ان الفكره بتتولد و بعدين تمووووت بالبطئ للأسباب الي قولت عليها (و ممكن يكون في اسباب أخرى) .......

أنا شايف ان الفكره بتموت علشان اللي بيبتديها بيبقى متحمس شويه لفكرته و مش واخد في اعتباره الأسباب المذكوره ..... علشان كده هوه نفسه بينسى و ممكن ييأس

يا ريت فعلا نعمل اضراب و مقاطعه لحاجات كتير غلط في حياتنا ......... و أنا متأكد ان نتيجه لذلك حاجات كتير هتتغير ...... بس نعمل حسابنا للمشاكل و المصاعب اللي احتمال تقابلنا ...... علشان مش من أول مشكله ننسى .........

أنا مستعد تماما لهذه المقاطعه لأني فكرت في المشاكل اللي ممكن تحصلي ......... و مستعد أضحي في حدود امكانياتي ...... ما هو علشان حاجه تتغير لازم نضحي ...... التغير مش هيجي لوحده لحد عندنا .......... من وجهة نظري لو الناس فكرت شويه في الكلام ده و بواقعيه ....... ممكن ساعتها نعمل أضراب ........

-------- ان الله لا يغير ما بقوم حتى يغيروا ما بأنفسهم -----------

**Samir Elshahawy** · 02-11-2008 11:21 PM

( لو ملأنا الأكواب لبنًا ممكن حالنا يتغير )

اود ان اشكر tamera علي مشاركته الشيقة و المفيدة و احب ان اضيف حديث رسول الله (ص) " من رأي منكم منكرا فليغيره بيده , فان لم يستطع فبلسانه , فان لم يستطع فبقلبه و هذا اضعف الايمان"

ليبدا كل منا بنفسه و يكن اكثر ايجابية و تفاعلا مع مجتمعه عندئذ من الممكن ان نتفق علي كلمة سواء

**moh_kamal67** · 02-11-2008 11:39 PM

طيب ماهو اسعار الحاجات دى معقولة فى الخليج وليبيا ، يبقى احنا عايزين التخفيض من المنبع ، علشان الحاجة تفوت عليها جمارك ثم ضريبة مبيعات ، طيب كفاية جمارك او كفاية ضريبة مبيعات ، ياسيدى ثمن Qq6 المسماة اسبرانزا 110 او 210 الصغيرة ذات 1300 سى سى 5000 دولار ، يعنى 5.45*5000=27250 جنيه بالتمام والكمال ، مع العلم ان الخصم يأخذه التاجر من التوكيل ، يعنى ده السعر الرسمى حول العالم ، هوة احنا بنشتريها بكام 52000 على اقل تقدير وتصل الى 56000
يعنى 24750 زيادة الى 28750
طيب دول ايه جمارك وضريبة مبيعات ، جمارك وضريبة مبيعات بكامل قيمة السيارة
الله يرحمنا ، مقاطعة ايه يااساتذه ، هى المشكلة فى التوكيلات
ياترى المشكلة فين ، اللى يعرف يقولنا

**Nader** · 03-11-2008 09:48 AM

يا جماعة الخير، اضراب على البنزين لمدة اسبوع مش هيخلي الحكومة تتحرك.

البنزين مدعوم وانت لو اضربت عنة يبقى خير وبركة بانسبة للحكومة

انت وفرت لها.

**Noha.M** · 03-11-2008 09:57 AM

انا حاسة ان الموضوع دة اخرته وحشة

خلى بالك من نفسك يا SE_CORALSEA :)

**Samir Elshahawy** · 03-11-2008 03:12 PM

ياجماعة مين قال اننا هانعمل اضراب ؟ ماهي الحكومة عارفة اننا لو حتي فكرنا في اضراب مش هانعرف علشان عمرنا ماعرفنا نقف في طابور بشكل منظم و اننا بنفكر في حوارات تانية اهم بكتير زي البحث عن لقمة العيش و البحث في الدش عن الفيديو كليب و المسلسلات و الكورة و مباريات الاهلي و الزمالك

انا طبعا مش بقلل من شأن الشعب المصري بس حزين علي السلبية اللي وصلنا اليها في كل شئ في حياتنا

و بعدين هو لما نمتنع عن شراء سلعة او مجموعة سلع يبقي اسمه اضراب ؟؟ مش يمكن كده احنا نعمل اللي ماقدرتش الحكومة عليه و بكده يبقي بنساعدها مش بنضرب عليها ؟؟