ساعه samsung galaxy gear s

**محمد المقات** · 30-12-2014 07:58 PM

الحمد لله تم شراء الساعه من الكويت 107 دينار كويتى اى ما يعادل 2700 تقريبا اما بلنسبه للاستعمال فهى شىء راقى جدا جدا وشاشه واضحه وملمس ناعم وصوتها حلو مش بطال وفيها ميزه حلوه وهى ممكن تربطها مع الموبايل وممكن على الشريحه الحلو بقى انك اثناء توصيلها على الموبايل لو اتصلت على اخط الموجود على الساعه يديلك مغلق وفى اوبشن يخليك تشغل الخط والموبايل فى نفس الوقت بس ده بيستعلك بطاريه .وتقدر تضيف خلفيات براحتك واختصارات للشاشه او جهات الاتصال وبلمسه واحده تتصل بللى انت عاوزه وكمان فيها ميزه اول ما تبصلها تتفتح لوحدها تشوف الساعه. وفيها مميزات تانيه كتير .اما بلنسبه للبطاريه حسب استخدامك يعنى معايا قعدت يوم ونصف وممكن يومين لو بلوتوث فقط من غير الشريحه.اما السلبيات فهى لانها على نظام تايزن يعنى تطبيقات محدوده عاوز انزل فايبر مش عارف ولا واتس ولا فيس بس لما توصلها بلموبايل هتستغنى عن هذه التطبيقات لان الاشعارات بتيجى على الاثنين .والنقطه التانيه هى نغماتها ضعيفه الصوت بيعلى وبيوطى حاولت انزلها نغمات من الموبايل نزلت بس لا يمكن تحديد نغمه منهم فقط على نغماتها الموجوده .ده تقريبا تقرير مفصل واى استفسار انا بلخدمه

**Karim_Monir** · 02-01-2015 06:59 PM

الف مبروك الساعه ومستني تقرير بعد شهر استخدام

**د.محمود صلاح** · 02-01-2015 07:44 PM

معايا الجالاكسي جير 2 من حوالي 6 أشهر

اشتريتها بالنسخة اللي فيها الكاميرا من النت لأنها ممنوعة في الخليج اللي فيها كاميرا .. لايمكن كتم صوت الكاميرا الا بعد عمل روت وفك الحماية

الساعة تشبك في الموبايل سامسونج ( بعض الموديلات مش كلها ) عن طريق برنامج Gear Manager

الساعة فيها حساس نبض وسرعة والبطارية يوم ونص بالكثير

الساعة تقدر تغير خلفيات وجه الساعة عن طريق برنامج Watch styler ويوجد العديد من واجهات الساعات المعدة مسبقا في سوق سامسومج

ضد الماء والتراب 1 متر

تعطلت مني لمدة 3 شهور وماحدش عرف يصلحها في المنيا عندي حيث ان في ظهر الساعة يوجد نحاسات التلامس مع قاعدة الشحن .. مع الاستخدام والعرق هذه النحاسات تآكلت ولم تعد الساعة تشحن .. ولما جيت عمان هنا صلحتها عن طريق لحامات وكباري

الساعة تستقبل المكالمات وترد عليها وفيها سبيكر محترم تسمع منه الكلام

الساعة تستقبل اشعارات اي برنامج تريده مثل واتس وفايبر وفيس ووو الخ

مفيدة في الاجتماعات

فيها تطبيقات بالهبل وفي الماركت بتاع سامسونج فقط وحصريا

فيها العاب كمان

الساعة غير مهمة اطلاقا وغير عملية ولا انصح بشراءها حيث انها مثل اي موبايل عمرها الافتراضي حوالي سنة ونصف وبعيدن هتترمي