السلام عليكم ورحمه الله وبركاته...
وعليكم السلام ورحمة الله وبركاته
انا معايا عربيه افيو موديل 2007 وكنت عايز اظبط فيها شويه حجات فى الميكانيكا فكنت عايز لو حد يعرف ميكانيكى محترم وشاطر
اعرف ميكانيكى ممتاز فشارع فيصل لو مناسب لك ابعتلك رقمه على الخاص
ثانيا كنت عايز اسمكر العربيه وارش الجزء اللى تحت ( حزام يعنى) بردو لو حد عنده سمكرى كويس وبتاع دهان يقولى عليه
فيه واحد عند نزله الدائرى (المريوطيه) - الميكانيكى هو اللى عرفنى عليه - و اتعاملت معاه اكتر من مره قبل كده و شغله ممتاز
لو حبيت اروش العربيه باكسسوارات وملصقات حد يقولى ممكن اعمل فيها ايه او اروح لمين الواحد عايز يحس انه جدد العربيه لانى من النوع اللى بيحب يجدد فى شكل العربيه
مش عارف لكن لو عايز تعمل تغيير فالعربيه شوف الموضوع ده
http://www.nilemotors.net/Nile/429849-a.html
اتمنى مكونش طولت عليكم وطمعان فى ربنا وفيكم انكم تدلونى على الصح واروح لمين بالظبط ولو هعمل الكلام ده ابتدى بالسمكره الاول ولا الميكانيكا الاول ولا ايه بالظبط علشان معملش حاجه وابوظ حاجه تانيه ملحوظه انا من سكان المعادى وبردو معنديش مشكله اروح بالعربيه لو مكان بعيد عنى بس يكون عند حد فعلا يكون كويس.... وجزاكم الله كل خير
الميكانيكا الأول طبعا و لما تتأكد ان كل حاجه تمام ان شاء الله اعمل السمكره
المفضلات