يا شباب و أنا باخد الغيار الخامس دخلت علي الغيار ال3 بالخطأ و رجعت علي طول يعني لثانية تقريبا أو أقل من ثانية لأني سمعت صوت غريب فرجعت فورا علي وضع المور و بعدين كملت هل كدة حصل حاجة انا قلقان أوي يكون حصل حاجة
أنا مشيت بعدها عادي محستش بفرق
تم تعديل العنوان ليلائم محتوى الموضوع
مشرف ب 5
عادي يا فندم ولا اي حاجه
بس متكررش الموضوع ده عشان غلط على الاسطوانه والدسك
بس ده على المدى الطويل يعني
هو اكيد مش هكررها بس يعني كدة محصلش حاجة ولا حصل بالفعل وهياثر علي مدي طويل
محصلش حاجة بس متعملهاش تاني
وبالتوفيق
ولا اى حاجه ان شاء الله
ان شاء الله مفيش حاجة
مافيش اى حاجة عادى ممكن تحصل مع اى واحد عن طربق الخطا او السهو
عادى ما فيش حاجه و بتستخدم النزول لنقله اقل فى السرعه فى اوقات كتير زى فى حالة وجود مطر و الارض مزحلقه او زيت على الطريق و دى طريقه لكلبشة العربيه بدون الضغط على الفرامل لتفادى الزحلقه او التعويم و بيستخدمها سواقين الميكروباص كتير , يعنى من الاخر عادى
عادى جدا ولا يهمك احيانا اصلا بعملها بالقصد بيبقى اسمها تسقيط نقله ده يعنى وانت بتشد مع حد
يا جماعة دة مش تسقيط غيار اللي أنا عملته دة لأني كنت ماشي علي ال4 بسرعة 90 تقريبا و أنا بنقل الغيار الخامس الفتيس علق مني و دخل بزاوية علي ال3 رحت مرجعه علي طول لما سمعت صوت غريب
المفروض انك تلاقى خطورة فى حالة واحدة , لو كانت جايب سرعة اعلى من سرعة الثالث او توازيها
لكن 90 دية سرعة الغيار التانى وانت قارص عندك لو بالفيرنا , يعنى حتى لو جيبت الثالث بالخطأ مافيش اى ضرر تماما انت لسة فى اول المدى بتاع النقلة الثالثة
ياريت بقى تقول الصوت اللى انت سمعتة عبارة عن اية , عشان ممكن يكون الصوت اللى انت سمعنة صوت عدم تعيشق التروس بصورة صحيحة ليس اكتر
هو حاجه من اتنين حصلت معاك :
- اول حاجه ممكن يكون حصل معاك فرملة موتور engine brake وده حاتسمع صوت فرامل كانك دوست فرامل
- تانى حاجه ممكن تكون مادوستش دبرياج كويس فبتسمع صوت زعقه فى الجيربوكس ( اسنان تروس الجيربوكس بتحتك ببعض أو بتلف على بعض ومابتعشقش)
فى كلتا الحالتين مافيش مشكلة ان شاء الله بس متككرهاش كتير علشان ماتتعبش الموتور ولا الجيربوكس
الصوت كأنك بتمشي حاجة عكس حاجة صوت خشن أنا أول لما سمعته رجعت الفتيس للموراقتباس:
المشاركة الأصلية كتبت بواسطة sameh_fouad
العربية جيلي باندينو
لأ كنت دايس دبرياج كويس و كنت بنقل علي الخامس بس الفتيس دخل علي ال3 بالخطأ لأن الغيارين جمب بعضاقتباس:
المشاركة الأصلية كتبت بواسطة amadios
مفيش مشاكل
بس حاول تحفظ كويس مكان الغيارات
الي حصل دا عادي لما تسقط غيار صوت الماتور بيعلى والحمل على الترس التاني بيزيد .
لكن الموضوع ما يتكررش عشان الجير بوكس يعيش معاك فترة عمرية اطول .
وبعدين جيلي باندينو مانول 1.3 حد الغيار التالت 90 يعني بالضبط يامعلم : ) ما تقلقش .
عادى يامعلم , متقلقش .. وربنا يسترها
ماحصلش حاجة وربنا يستر
بتحصل ماتقلقش