أول دخول للمنتدى من سنتين ونصف للمنتدى والسبب f30

**sunny_120122** · 14-12-2014 09:16 AM

السلام عليكم يا شباب أنا أول مرة أدخل المنتدى من سنتين ونص تقريبا والسبب أني حجزت f30 316 luxury line وهستلم الأسبوع ده أن شاء الله

لــــــــــــــــــــــكـ ــــــــــــــــــــــــن

للأسف أنا تقريبا كده أشتريت ع العمياني على الرغم من أني عارف أنها أقل في الأوبشنز من الفانتازيا الهاي لاين اللي كانت معايا وعلى الرغم من أني مقيم في السعودية ورحت شفتها هنا وعارف الفروقات بين المصري والسعودي ( السعودي أعلى دلوقتي ) بس أول مرة أمبارح أعرف أنها بتنزل من غير رينجات ومن غير الستارة اللي ورا فبصراحة من أمبارح وأنا خايف أكتشف حاجات تانية ناقصة فيها ومش عارف ليه فرحة العربية الجديدة كده قلت لأني مكنتش ناوي اغير خالص دلوقتي بس هي جت كده لأن صاحبي هو اللي أشترى العربية القديمة وكان بيزن عليا جدا لأنها مركونة طبعا إلا الفترات اللي بنزل فيها من هنا فحالتها زيرو وطبعا ال f30 مغرية جدا أن أي حد يفكر فيها.

الملخص أنا مش عارف الآي درايف اللي في مصر فيه ايه ومفيهوش ايه يعني ضغط الاطارات والاعطال وكده موجود ولا بشغل منه الكاسيت والتكييف وخلاص ( علشان تبقى كملت ) وال interior illumination بيتغير ولا ده كمان مش موجود

آسف ع الأطالة بس فعلا من أمبارح بفكر أتراجع وأرجع عربيتي القديمة

**NaderNabil** · 14-12-2014 09:45 AM

أولا مبروك مقدما

ثانيا انت تروح علطول على المعرض اللي انت حجزت منه و تطلب المواصفات الكاملة بتاعة العربية اللي انت حجزتها و تطمن على كل حاجة من مسؤول البيع...

ده أسرع و اسلم حل

**sunny_120122** · 14-12-2014 09:53 AM

أنا في الرياض وواحد صاحبي هو اللي حجزلي من فرع هيليوبليس انا قلت اخلص وأنا هنا لاني نازل في شهر يناير وقلت افرح بيها شوية لما أنزل وألاقيها جاهزة وانا نزلت البروشور من موقع بي ام مصر لكن مش موضح فيها ايه ومفيهاش ايه وكلمت مسئول البيع بس سألت ع الحساسات قدام وحجم الجنط وعن فرق 2015 عن 2014 قالي مفيش بس ما توقعتش انها من غير رينجات وستاير لأن الحاجات دي مش عارف ليه داخل في دماغي انها المفروض أساسيات دلوقتي في البي ام ( ده الكارينز بتنزل فيميه من 5 سنين )

**Ayman_saad** · 14-12-2014 10:08 AM

أولاً مبروك ، ربنا يديك خيرها ويكفيك شرها ،
أكتر من النواكل ماتسألش حضرتك ، ومفيش وجه مقارنة بين المصري والسعودي حالياً ، وتحت حاليا دي 100 خط ،
ثانيا : لو بتتكل عن الفروقات بين المصري والسعودي أحب أوضح لحضرتك أن ببساطة شديدة الـ bm السعودي زي
ال 328 في مصر ولكن بموتور 1600 cc ، يعني نفس الكماليات تقريباً .
ربنا يوفقك للأصلح

**sunny_120122** · 14-12-2014 10:13 AM

ربنا يطمنكم

بس برضه محدش رد عليا الآي درايف ده اللي فيها ايه اللي شغال وايه اللي مش شغال عرفت انه مفيهوش نافيجيشن ورضيت طيب لازمته ايه حد جرب أو عرف

**NaderNabil** · 14-12-2014 12:24 PM

هي من ناحية الرينجات و الفامية فمش هتلاقيهم في النسخة المصري في كل ال٣١٦ و اعتقد الفئة الاولي في ال٣٢٠ كمان مش موجودين فيها

**marwanragab** · 14-12-2014 01:11 PM

بقولك ياباشا انا بنت اختى لسه فى أول السنة جايبة 316 i من السعودية واستلمناها من المينا فى السويس اعتقد لحد ماوصلت هنا متكلفة بالجمرك بكل حاجة 350 الف بالكتيير وكانوا فى المينا بيقولولى لو جبتها من ألمانيا على طول سعرها هينزل كمان 45 الف عشان الاتفاقية
المهم هيا فيها فتحة سقف وفيها اوبشنز كتيير مش فى المصرى بس انا مش عارف هيا ايه لأنى مش بركبها كتيير بس انا قلت اعرفك انها سهلة أوى تجيب عربية من عندك وتشحنها وتيجى تطلعها من الجمرك

**sunny_120122** · 14-12-2014 01:21 PM

أنا نزلت عربية قبل كده من هنا لسه في شهر 7 وعارف انها سهلة بس فيه مشكلتين
1) العربية سعرها هنا 134 الف ريال يعني حوالي265 الف مصري ولسه الجمرك اللي مع الاوبشن اللي فيها هيعدي ال 100 الف اكيييد
2) أي عربية مش جاية عن طريق التوكيل بتبقى بره الضمان وبصراحة صعب الواحد يدفع المبلغ ده في عربية بره الضمان

**Ayman_saad** · 14-12-2014 01:22 PM

المشاركة الأصلية كتبت بواسطة marwanragab

بقولك ياباشا انا بنت اختى لسه فى أول السنة جايبة 316 i من السعودية واستلمناها من المينا فى السويس اعتقد لحد ماوصلت هنا متكلفة بالجمرك بكل حاجة 350 الف بالكتيير وكانوا فى المينا بيقولولى لو جبتها من ألمانيا على طول سعرها هينزل كمان 45 الف عشان الاتفاقية
المهم هيا فيها فتحة سقف وفيها اوبشنز كتيير مش فى المصرى بس انا مش عارف هيا ايه لأنى مش بركبها كتيير بس انا قلت اعرفك انها سهلة أوى تجيب عربية من عندك وتشحنها وتيجى تطلعها من الجمرك

الكلام ده صحيح ومظبوط فعلاً