طلب مقارنه بين الشاريد ال 92 والميرا ال 98

السلام عليكم ياحلي شباب واحلي قسم
انا بقالي يومين بفكر اجيب عربيه لمراتي واهي تنفع للطوارئ لو عربيتي عطلت اخدها برضو
عاجباني الشاريد ال 92 مانيوال وانا بدور من امبارح للنهارده لقيت في ضمن الاختيارات (رينج اقل من 25000 جنيه) لقيت الميرا مانيوال برضو 98 شكلها عجبني وشكلها احدث بس معرفش ليه بنفس سعر الشاريد انا كل اللي حاسه ان شكلها احدث واصغر
ياريت لو تفيدوني بمقارنه كده بين دي ودي (هل الميرا انجكشن ولا كارب) نفس الماتور ولا اقوي ولا اقل
الوسع الداخلي
الثبات
اهم حاجه طبعا قطع الغيار لاني مش ناقص كفايه عربيتي اللي واخده مصروف بيت تاني فعايز حاجه فالحنين اوي محسش بيها وتمشي وخلاص :)

انا ده اول طلب ليا عندكو واتمني ان الكل يشارك لاستفاد بخبراتكم ونصايحكم انا عارف انه كله فالشغل دلوقتي لما تروحو وتتغدو وتريحو طلعو المفيد بقي :)
وشاكر ليكم مقدما

اقتباس:

---

المشاركة الأصلية كتبت بواسطة khalid_adel

السلام عليكم ياحلي شباب واحلي قسم
انا بقالي يومين بفكر اجيب عربيه لمراتي واهي تنفع للطوارئ لو عربيتي عطلت اخدها برضو
عاجباني الشاريد ال 92 مانيوال وانا بدور من امبارح للنهارده لقيت في ضمن الاختيارات (رينج اقل من 25000 جنيه) لقيت الميرا مانيوال برضو 98 شكلها عجبني وشكلها احدث بس معرفش ليه بنفس سعر الشاريد انا كل اللي حاسه ان شكلها احدث واصغر
ياريت لو تفيدوني بمقارنه كده بين دي ودي (هل الميرا انجكشن ولا كارب) نفس الماتور ولا اقوي ولا اقل
الوسع الداخلي
الثبات
اهم حاجه طبعا قطع الغيار لاني مش ناقص كفايه عربيتي اللي واخده مصروف بيت تاني فعايز حاجه فالحنين اوي محسش بيها وتمشي وخلاص :)

---

من تجربة الميرا 98 لمدة سنتين و20 ألف كم:

الموتور 850 سي سي، كويس جدا عليها، كربراتير، طبعا مفيهاش تكييف ولا أي كماليات
حجمها صغير فعلا ومن جوة ضيقة لكن سقفها مرتفع، وطبعا الشنطة صغيرة خالص، الكنبة قابلة للطي، وساعتها يبقى معاك عربية نقل صغيرة، وجنوطها 12 بوصة

مشكلتها العظمى هي ندرتها الشديدة فيما يخص أجزاءها الخارجية من صاج او فوانيس وعشان كدا أسعار الحاجات دي مرتفعة لو لقيتها، لكن من ناحية الميكانيكا فهي تقريبا نسخة من الميرا موديلات من 92 وكمان البرودوا كانشيل، ودول سعرهم غالبا في نفس الرنج ويتفوقوا كمان في انتشارهم النسبي عن الميرا 98

الشاريد 92 أوسع وقاعدة عجلاتها أكبر ودا يزود من ثباتها، موتورها 1000 سي سي، وفي منها أوتوماتيك ومكيفة كمان، منتشرة بدرجة كبيرة مقارنة بكل الدايهاتسو القديم ودا بينعكس على توافر قطع الغيار داخلي وخارجي

الخلاصة: أنصح بالشاريد

شاريد من 90 الي 94 في منها 2 باب و4 ابواب

هاتشباك في منها بموتور 1300 ده لو لاقيتها متسبهاش

خليك في المانيوال

موديلات 90 الي 92بتعمل 17 الي 19 الف مانيوال مكيفة

الاتنين باب بتقل 2000 جنيه

تحياتي

تسلم علي ردك يا محمد بيك
ومحمد رحيم تسلملي انا من زمان تاعبك معايا تسلملي ياكبير الدايهاتسو
شكلي حرسي علي شاريد وممكن اتنين باب مش فارقه لانها لمراتي فالاساس بس اهم حاجه يبقي فيها تكيف (معرفش هي باور ولا هاف) وسنتر وفل كده
بس الاسعار انا شايف علي كونتاكت بيتكلمو في 25 و24 مش عارف ليه كده لو حد قدامه حاجه كويسه عامه يقولي
وتسلمولنا يارجاله

شاريد طبعا وعن تجربه وقطع غيارها متوافره واوسع من الميرا بكتير وثابته عن الميرا واصغر موتور ف الشاريد اكبر من الميرا ب 150 سي سي :d
ودركسيونها مش باور بس خفيف
والتكييف حلو ومش بيهد حيل الموتور ف الجري
وسعرها من 20 ل25 ال 4 باب علي حسب حالتها

تمام تسلم ياكبير
يامسهل يارب الاقي حاجه كويسه

دور واكشف شويه عشان الشباب بيبهدلوها جدا يا خالد
بالتوفيق

شاريد طبعا وخليك في ال ١٣٠٠ وبشرط الحالة اوعى تشتري حاجه محتاجة شغل