ميكروباص يصطدم بطائرة داخل حرم مطار القاهرة الدولي .. وإصابة السائق وتلفيات بالطائرة!

**misry** · 15-12-2014 12:19 AM

عادي , مصر بلد العجايب ...

**mr_vampire** · 15-12-2014 09:52 AM

الي الاعضاء اللي بتهاجم صاحب الموضوع علي نقل الخبر. هو ايه علاقة الموضوع بقسم الاحوال اللي اتقفل ؟؟؟ مش ده حادثة حصلت زيها زي ﻻو حادثة حصلت فالطريق !!!!!

واللي عمال يقول الخبر فشنك مش غير مايتاكد او مش عايز يتاكدة .

للدرجادي مش قادرين تتعرضو او تتكلمو عن الاهمال لانها هيمس ناس انتو بتايدوهم ؟؟؟؟

لا حول ولا قوة الا بالله

**friendship7897** · 15-12-2014 11:06 AM

أنا بصراحة مش فاهمة هو الهجوم على الموضوع ؟
ولا صاحب الموضوع !

الموضوع دا 100 واحد رافعه في الفيس ومافيش الهجوم دا
كان كله التعليقات ترقية على إن الميكروباص كان عايز يحمل الأول
أو أيه اللي جاب القلعة جنب البحر

هي الناس مش طايقة بعض هنا ولا أيه ؟!!!

**omar101970** · 15-12-2014 11:40 AM

انا فعلا مش فاهم ليه الهجوم الغير مبرر دا على صاحب الموضوع
إللى مش عاجبه الموضوع مش يدخله ولا يقرأه

**mr_vampire** · 15-12-2014 12:08 PM

المشاركة الأصلية كتبت بواسطة friendship7897

أنا بصراحة مش فاهمة هو الهجوم على الموضوع ؟
ولا صاحب الموضوع !

الموضوع دا 100 واحد رافعه في الفيس ومافيش الهجوم دا
كان كله التعليقات ترقية على إن الميكروباص كان عايز يحمل الأول
أو أيه اللي جاب القلعة جنب البحر

هي الناس مش طايقة بعض هنا ولا أيه ؟!!!

نفس الاعضاء ده كانت بتنادي بقفل القسم عشان بيثير الكره والتشاجر بين الاعضاء.

فلما نلاقيهم بيهاجمو موضوع وناقله علي خبر ( صحيح ) اساسه اهمال واستهتار ونظام اداري فاشل يبقي مكنش الغرض بقي الحفاظ علي علاقة الاعضاء ببعضهم البعض.

لا ده المقصود بقي زي ماقولنا وعدنا مليون مرة هو التعتيم المتعمد واخفاء فشل واهمال واستهتار.

ده مش اسلوب للنهوض ببلد علي فكرة.

**ahmed_eng2001** · 15-12-2014 02:13 PM

https://www.youtube.com/watch?v=BmvL_saPROE&hd=1

بعيدا عن التشكيك فى الخبر او قلب الموضوع الى سياسة ....

ده فيديو بيصور اثار الحادثة .... و الاهم النتائج ....

الطيارة دى حتخرج من الخدمة مؤقتا و يتعملها NDT على مكان تثبيت المحرك بالجناج ... و لو طلع فيه شروخ .. لازم يتغير .. و لو ابعاده اتغيرت ... او اتلوح ... لازم يتغير

اما بالنسبة للمحرك .... فده حيتفك و يروح الورشة ... و يتعمله فحص كامل .. و ان شاء الله ميكونش فيه حاجة كبيرة تتغير ...
اكبر مشكلة ممكن تكون فى وحدة التحكم الاليكترونى فى المحرك ... و دى تمنها ممكن يعدى المليون دولار

العربية حالتها سيئة جدا
تقبلوا مرورى

**ahmzd** · 15-12-2014 03:13 PM

إلى صاحب الموضوع: شكرا لنقلك الخبر
إلى كل المنتقدين لصاحب الموضوع: رفقا ومهلا
إلى القائمين على البلد: ارحلوا فقد فشلتم
إلى المخلصين في هذا البلد: صبرا فإن مع العسر يسرا

**الناس اتغيرت** · 15-12-2014 05:22 PM

جزاكم الله كل خير جميعا ربنا يبارك فيكم

**الاسد المهاجر** · 15-12-2014 10:27 PM

اولا انا مبهجمش الموضوع
ثانيا الكل عارف مين ابو حبيبه ومواضيعه والاخبار الي كله فشنك الي مكنش وراه غيرها هنقول اخوه راجعو المشاركات وانتم تعرفو انه ابو حبيبه والمنتدي مصدقناخلصنا من لاخبار الفشنك
سواء انته ابو حبيبه او غيره حاجه متخصنيش بس ياريت زي منقلت الخبر ده صح تنقل باقي الخبار صح مترجعش زي زمان بالاخبار الفشنك ومينفعش حد من الاعضاء او صاحب موضوع يمنع حد من الرد يعني في شخص بدون زكر اسماء بتجاهل كلامه الي بيوجه ليا بس مقدرش امنعه يدخل موضوعي