المشاركة الأصلية كتبت بواسطة swimmer25
أنا مش بهاجم شخصك ولكن بنتقد طريقة الشرح اللي زي ما بيقولوا بتعمل البحر طحينة وتحسس القارئ إن الشقق دي لقطة وهي مش كدا خالص على الأقل من وجهة نظري فكان لازم تكون الفكرتين موجودين عند القارئ عشان ميكنش فيه إتجاه واحد للرأي وبعتذر عن شدة كلامي بس أنا مقلتش أي غلط في شخصك
الكلام عن المصاريف الإدارية ومجلس الأمناء نزل فعلا وأنا متابع وكان قبل نزول كراسة الشروط ولكن لما نزلت كراسة الشروط نزلت بنفس الشروط المالية السابقة وحضرتك عارف إن العقد شريعة المتعاقدين ومادام الحاجز مضى على الإقرار يبقى مفيش حاجة تقدر بيها تقول مش هدفع المبالغ دي...مش هيطبع التصريح من خبر على النت ويقاضيهم بيه فبالتالي بلاش كلام عن التنويهات والتصريحات
بالنسبة للمصاعد ياريت لو مع حضرتك نسخ الرسومات دي اللي المفروض تكون موجودة في كراسة الشروط حتى يلتزم بها جهاز المدينة والشركات المنفذة و اللي هيمضي عليه الحاجز تفيدنا بيها
وبالنسبة لموضوع الكمبوند...جملة سور من الأشجار لا يدل على إنه كمبوند مغلق بسور أسمنتي يا فندم كما هو متعارف عليه...هي دي مش لغة عربية...هم مش قادرين يكتبوا جملة مفيدة تقول إنه تجمع سكني مغلق حوله سور أسمنتي وله بوابة وأمن ويوفروا إما فرد حراسة أو شركة تقوم بمهمة الحراسة والصيانة...أمال هياخدوا وديعة ليه... !!
هتسترد أكيد الفلوس بس أنا نوهت إن أي في حالة أي تاخير في ميعاد القرعة والتنفيذ والتسليم مفيش في إيدك حاجة تعملها وده حصل بالفعل كتير في كتير من القرعات السابقة...
بردو التصريحات الإعلامية مالهاش علاقة بالواقع
المهم إنها مش صافي بعد ما كانوا بردو في التصريحات قايلين إنها صافي !