استفسار بخصوص التيجوان

**eng wael** · 14-12-2014 07:17 PM

الاخوة الافاضل
هيا العربيه التيجوان فيه قلق منها بخصوص الفتيس الdsg
وهل عليه ضمان مدى الحياة ذى الباسات ولا ايه النظام
ولو حد يمتلك العربيه او يعرف عنها اى معلومه برجاء الافاده
تحياتى

**m07mad** · 14-12-2014 09:31 PM

بص يا هاندسه مفيش في مصر فتيس dsgعاليه ضمان مدى الحياه ولا حتى في الباسات الحاله الوحيده اللي الوكيل هنا في مصر بيديك فعلا ضمان على الفتيس دا في اي عربيه فولكس هو انك تغيرو عندهوم في التوكيل في الحاله دي بيديك على الفتيس الجديد ضمان تقريبا كمان خمس سنوات بس او اكتر مش متأكد بالظبط لكن مع وكيل سئ زي دا مفيش ضمان مدى الحياه على فتيس هوا عارف اصلا ان لحد يومنا هذا موديلات ٢٠١٥ نازله على كف عافريت بسبب ان لسه الشركه العظيمه فولكس مش لاقيه حل نهائي لمشاكل الفتيس دا

**eng wael** · 14-12-2014 09:36 PM

المشاركة الأصلية كتبت بواسطة m07mad

بص يا هاندسه مفيش في مصر فتيس dsgعاليه ضمان مدى الحياه ولا حتى في الباسات الحاله الوحيده اللي الوكيل هنا في مصر بيديك فعلا ضمان على الفتيس دا في اي عربيه فولكس هو انك تغيرو عندهوم في التوكيل في الحاله دي بيديك على الفتيس الجديد ضمان تقريبا كمان خمس سنوات بس او اكتر مش متأكد بالظبط لكن مع وكيل سئ زي دا مفيش ضمان مدى الحياه على فتيس هوا عارف اصلا ان لحد يومنا هذا موديلات ٢٠١٥ نازله على كف عافريت بسبب ان لسه الشركه العظيمه فولكس مش لاقيه حل نهائي لمشاكل الفتيس دا

يا فندم شكرا على المشاركه يعنى ابعد عن الشر واغنيله
رغم ان العربيه ممتازة شكلا وموضوعا
بس قالقنى موضوع الفتيس
يعنى لو حصل فيه حاجه هيغيروة فى الضمان ولا هيقولو سوء استخدام

**m07mad** · 15-12-2014 01:23 PM

نصيحه مني ابعد عن الفتيس دا نهائي مشاكله كتيره و حتى موديلات ٢٠١٤ اللي لسه ملحقتش تمشي في الشارع بدأ يظهر معاهم مشاكل بس طبعا هما في الضمان بس انا مش فاهم يعني ايه عربيه مكملتش سنه في الشارع فتيسها يبوظ !!!!
و اكتر حاجه ممكن تبوظ الفتيس دا الزحمه و مش محتاج طبعا اقولك على مصر و شوارعها نصيحه اخويه فعلا ابعد عن الشر و ادعيله خصوصآ مع وكيل سئ للغايه

**eng wael** · 15-12-2014 01:29 PM

المشاركة الأصلية كتبت بواسطة m07mad

نصيحه مني ابعد عن الفتيس دا نهائي مشاكله كتيره و حتى موديلات ٢٠١٤ اللي لسه ملحقتش تمشي في الشارع بدأ يظهر معاهم مشاكل بس طبعا هما في الضمان بس انا مش فاهم يعني ايه عربيه مكملتش سنه في الشارع فتيسها يبوظ !!!!
و اكتر حاجه ممكن تبوظ الفتيس دا الزحمه و مش محتاج طبعا اقولك على مصر و شوارعها نصيحه اخويه فعلا ابعد عن الشر و ادعيله خصوصآ مع وكيل سئ للغايه

كل الشكر والتقدير لمشاركتكم ونصيحتكم

**ahmed.Elashy** · 16-12-2014 01:21 PM

مسمعناش حد خالص 2014 اشتكي من الفتيس
اللي اشتكي الموديلات القديمه فقط

**Ayoob** · 17-12-2014 10:15 AM

مفيش ياجماعة حد معاه التيجوان يقدر يفيدنا باي معلومة عنها
انا بقارنها ب الاودي q3 ومش عارف اخد قرار وخايف من موضوع الفتيس و البنزين ٩٥
ومتردد جدا اجيب الاسبورتاج لاني بفضل الالماني

**akrumcs** · 17-12-2014 11:31 AM

للأسف كان ودي افيدك لاكن انا اللي ماعايا الجديده بس مانيوال 4Motion
بالنسبه لحتت البنزين هيا بتمشي 92 بس الأستهلاك بيزيد حبيتين عن ال 95 وغير كده بحس بفرق في الأداء وده خلاني ارجع تاني لل 95 وبصراحه موفره جدا جدا جدا معا ال 95

بالنسبة للفتيس انا شوفت حد كاتب هنا في المنتدي ان فتيس التيجوان 6 سرعات دي اس جي ويت مش دراي بس انا مش متأكد من المعلومة الصراحه

واي استفسار او معلومه انا حاضر

**Ayoob** · 17-12-2014 02:23 PM

المشاركة الأصلية كتبت بواسطة akrumcs

للأسف كان ودي افيدك لاكن انا اللي ماعايا الجديده بس مانيوال 4Motion
بالنسبه لحتت البنزين هيا بتمشي 92 بس الأستهلاك بيزيد حبيتين عن ال 95 وغير كده بحس بفرق في الأداء وده خلاني ارجع تاني لل 95 وبصراحه موفره جدا جدا جدا معا ال 95

بالنسبة للفتيس انا شوفت حد كاتب هنا في المنتدي ان فتيس التيجوان 6 سرعات دي اس جي ويت مش دراي بس انا مش متأكد من المعلومة الصراحه

واي استفسار او معلومه انا حاضر

شكرا لرد حضرتك ..اخيرا لاقينا حد معاه التيجوان
معلش سؤال هي ال 4motion مانيوال موجودة في مصر وهل هي ١٤٠٠CC برضه؟؟
الوكيل حاطط على web site فئة واحد فقط DSG

**akrumcs** · 18-12-2014 01:59 PM

المشاركة الأصلية كتبت بواسطة ayoob

شكرا لرد حضرتك ..اخيرا لاقينا حد معاه التيجوان
معلش سؤال هي ال 4motion مانيوال موجودة في مصر وهل هي ١٤٠٠cc برضه؟؟
الوكيل حاطط على web site فئة واحد فقط dsg

العفو انا تحت امرك في اي استفسار
هيا فعلا دلوقتي مابقتش تنزل
العربيه اللي معايا جبتها في شهر 7 سنة 2012 ودي كانت اخر عربيه نازله مانيوال دفع رباعي بناء على كلام الوكيل علشان يبقى فيه سوق للأتوماتيك
وده كان من حظي الصراحه لاني ماكنتش بفضل الأوتوماتيك في الدفع الرباعي ده غير انها كان فيها كام اوبشن زياده كده مش موجودين الا الأن في كل فئات التيجوان اللي نازله الان
هيا ايوه 1400 سي سي بس 160 حصان
لاكن الاوتوماتيك اللي موجوده الان 150 حصان