من الواضح ان الحكومة هتمشى فى موضوع الجمارك بسرعة الصاروخ, فالناس اللى عاوزة هتشترى عربية اوربية تقضيها تكسيات و تكاتك لاول يناير 2019
الحكومة تدرس خطوات خفض تدريجي لجمارك السيارات الأوروبية في يناير | المصري اليوم
من الواضح ان الحكومة هتمشى فى موضوع الجمارك بسرعة الصاروخ, فالناس اللى عاوزة هتشترى عربية اوربية تقضيها تكسيات و تكاتك لاول يناير 2019
الحكومة تدرس خطوات خفض تدريجي لجمارك السيارات الأوروبية في يناير | المصري اليوم
ياراجل انت بتصدق كله ده نصب رسمى
فعلا ممكن تتلغى و تروح لجيب الحرامى اقصد الوكيل
ولو حصل و اطبقت, اللى معاه عربية دفع فيها دم قلبة هتبقى برخص التراب, لكن فى المقابل هتلاقى البلد مليانة اوربى, و الواحد يطلع بره يشترى العربية و يدخل يرخصها من سكات ولا مخالصة جمركية ولا حاجة
الموضوع أكبر من كده بكتيرررر ومش زي ما انت متخيل
مفيش حاجة في البلد دي بتمشي صح صدقني !!! خليك فاكر كلامي او احفظ البوست دي عندي
هنشووووووووووووف في 1 يناير 2019 هبقى افكركم يا جماعة :)
انتو بتصدقوا؟؟؟؟
الموضوع مش هيبقى سهل بالطريقه ديه لان البلد طرقها متستوعبش كمية العربيات الرهيبه اللى الناس هتشتريها لدرجه ان من كتر رخص العربيات وخاصة المستعمله فالشعب كله هيركب عربيات وده طبعاً حق طبيعى لكل مواطن بس البلد هتبقى جراج كبير وهتوصل سرعة العربيه فى المدن لصفر فهتيجى الحكومه تطلع اى سبب بحجة عدم وجود طرق تستوعب مل هذا الكم من السيارات
حيتنفذ اكيد لان دي اتفاقية و مصر مجبرة تنفذها
لكن اتوقع ان الضرايب عليها والتراخيص تزيد بحيث انها لا تفرق .. والله اعلم
يا رب ربنا يهديهم وينفزو حاجة لحسان الاسعار بقت فى العبيط
ياعني عايز تقولي ان العربيات الاستيراد الاوروبي هتكون ارخص من التجميع المحلي !
ولا انت عايز تقولي ان الوكلاء مش هيحطوا الفرق ده في جيبهم و يقولك اصل بقينا نجيب عربيات بخامات اعلي !
طب ليه 2019 ؟!
فكروني بجحا و الملك و الحمار
لما الملك سمع ان حمار جحا بيتكلم قام جابه
فجحا قاله سيبه عندك 20 سنه لحد لما ياخد عليك و هتلاقيه اتكلم عالطول
فلما سالوه الناس قالهم بعد 20 سنه ياما انا اموت ياما الحمار يموت ياما الملك يموت .
الموضوع ده لو تم تطبيق حسب الكلام المصرح به من المسئولين هيكون على السيارات الاوروبى المستوردة من الاتحاد الاوربى فقط بمعنى اخر اللى فى اى دوله اوربية هو فقط اللى من حقة ينزل بسيارتة الاوروبيه من الدوله الاوربية بتلك الجمارك اما اللى فى السعودية او الكويت او الامارات و اشترى عربية اوروبية لا يطبق علية هذا القرار .
و لكم فى سعر اللوجان 95000 جنيه ما نيوال و السانديرو 105000 ما نيوال و زيرو جمارك اسوة حسنه ههههه.
لا لاااا الكلام دة مش صح, لان بلد منشا العربية ايه مش بلد شغل صاحبها, زى بورسعيد الراجل بيبقى فى بورسعيد و يبعت يجيب العربية اللى عاوزها من بره عن طريق واحد صاحبة, دة قرار عربية مش صاحب العربية يعنى لو اشتريت اوربى من الهند ملهاش دعوة, القرار لبلد المنشا للسيارة, طيب منا لو بشتغل خارج مصر و نازل أجازة اعمل ترانزيت فى ارخص بلد اوربى فى بيع اى موديل عربية و ارجع سايقها من هناك, المصرى لما بيشغل دماغة بيخربها, و هنروح اوربا ليه المكاتب فى بورسعيد على قفا مين يشيل طلعة بورسعيد و يطلب العربية اللى عاوزها او ادخل المنطقة الحرة مكان الهنجر الف و اختار اللى عاوزة و اطلع بيها ولا معاقين ولا اى مشكلة مع العلم ان المنطقة الحرة حاليا بتنزل موديلات السنةاقتباس:
المشاركة الأصلية كتبت بواسطة midofox5
اخى العزيز كلامك صح نظريا لكن الفعل غير كدةاقتباس:
المشاركة الأصلية كتبت بواسطة amg.cruze
التخفيض على السيارات الاوربية المستوردة من الاتحاد الاوروبى
و بعدين اكيد فيه شروط لتنظيم العمليه يعنى مش بالساهل واحد يوصى واحد يشترى عربية و يدخلها و بعدين يخدها منة
ولا واحد يعمل ترانزيت فى اى دوله اوربية و يرجع بيها على اساس ان مافيش فاتورة بيشفوها انت شاريها منين
على العموم
ننتظر و نشوف هتكون ازاى و الشروط ايه
بس لحد دلوقتى التخفيضات على السيارات المستوردة من الاتحاد الاوروبى فقط
اتمنى انى اكون غلطان بس هى ديه الحقيقة اللى موجودة دلوقتى
انا هحكيلك على مثل تلك النظم فى دوله اخرى
فى تونس
لا توجد جمارك على السيارات و لكن فيه شروط
1- التونسى الذى يريد ادخال سيارة للبلاد لابد ان يكون قد قضى سنتان سواء متواصلين او متقطعين خارج البلاد
2- لادخال السيارة للبلاد حقيقى لا تدفع جمارك عليها ولكن لا تستطيع ان تبيع السيارة لمدة 10 سنوات
3-لا يحق للفرد سوى ادخال سيارة واحدة
4- اذا اردت بيع السيارة يتم دفع ضريبة 25 % من سعر السيارة
الناس ناسية حاجتين
ان مفيش ربط بين نسبة الخصم اللى بتحصل و هتفضل تحصل الى ان تصبح الجمارك صفر. . . و بين سعر العربية النهائى اللى بيحدده الوكيل
و بالتالى هيفضل سعر العربية النهائي يحدده الوكيل بمزاجه بدون مسائلة من احد عشان كده محدش يستغرب لما ييجى حد يسأل هو فين صفر جمارك على العربيات الاوروبى و ما يلاقيش
هذه واحدة
الثانية انه فى 2019 ربنا يدينا جميعا العمر
هيكون البنزين سعره اتحرر و بقى بخمسة جنيه اللتر
فلو . . . مجرد لو . . . حصل انخفاض فى سعر العربية بسبب الغاء الجمارك. . . فالفرق ده هيندفع تانى فى فرق سعر البنزين
و يبقى بقى اللى عايز يجيب عربية اوروبى بأى سعة لترية انشالله 5000 سى سى يجيب. . . بس يبقى يدفع لها 600 جنيه فى التفويلة الواحدة :-)
أكيد هيبقى فيه شروط, لكن على فكرة حكاية ان واحد بيخلى صديقة يشترى عربية من بره صحيح 100% لانها بتحصل فى بورسعيد لكن العربية بتدخل منطقة حره, يعنى لو عجبك موديل معين و ليك حد بره بيشتريها و يبعتهالك فى مصر شحن لبورسعيد او اى جمرك فيه منطقة حره, لكن معنى منطقة حره يعنى عربية ملك الدولة و انت اللى شاريها بفلوسك سواق عليها و ليك 3 شهور تخرج بيها فقط خارج المحافظة يعنى لو دخلت على حملة و الضابط حب يرخم عليك هينزلك من العربية و يصادرها اما لو كان ليك شغل خارج محافظة المنطقة الحره بتاخد دفتر ب90 يوم فقط دخول و خروج, لكن ما علينا هو بالفعل مطبق لكن منطقة حره فقط, لو نزلت جمرك بورسعيد اى واحد معاه بطاقة استرادية توصى على عربية معينة بتاريخ معين يبعتهالك من بره و لو كان تاريخها حديث ممكن تدفع جماركها و تحولها ملاكى بشرط تاريخ الصنع, لكن للاسف الشديد التوكيل عاوز يكسب هنا فى مصر اكتر ما الشركة المصنعة ما بتكسب مع العلم ان مكسب العربيات ليس فى قيمتها لكن فى قطع الغيار الخاصة بيها عشان كدة بيبقى فيها لعب كتير, لكن بلدنا مش بتحب تخسر, ربنا يسترهااقتباس:
المشاركة الأصلية كتبت بواسطة midofox5
بيني وبينك الزمن